Flandes
Bilaketa
Egunez egun
Flandesko itsasotik
Egilea: Karlos Zurutuza
Karlos Zurutuza
Ez dut inoiz Baltikoko kostaldea bisitatu baina honela irudikatzen ditut beti Kaliningrado, Gdansk edo Lübeck-eko itsas-portuak, besteak beste: itsaso lau eta grisa kolore bereko hondartza bustitzen, grisa ere den zeruaren azpian.
guztia irakurri 6. egunaFrantzian flandestarrik ba ote?
Egilea: Karlos Zurutuza
Karlos Zurutuza
Kassel herria duzue honako hau, agian Frantziako Flandesko herririk politena. Jakin-min handia neukan eskualde hau ezagutzeko aspalditik. Gogoan dut oraindik Frantziako nederlandera hiztunen berri izan nuen lehenbiziko aldia. Hizkuntzen atlas horietako bat neukan eskuartean, eta oso bitxia iruditu zitzaidan Frantziako ipar mendebaldean bereizitako lur puska txiki hura. Orban hori batek 20.000 nederlandera hiztun ordezkatzen zituen.
guztia irakurri 5. eguna"Respect the Irish Vote"
Egilea: Karlos Zurutuza
Karlos Zurutuza
Badakigu zenbat diren flandestar eta zenbat frantsesdunak Belgikan. Ezagunak dira baita ere, Bruselako magrebtarren datu zehatzak, edo Antwerpen bizi diren judutarrenak. Baina misterioa da oraindik Bruselan zenbat eurokrata dauden. Batzuk diote hiriburuko populazioaren %20a gainditzen dutela. Egia balitz, 200.000tik gorako kopuruaz hitz egingo genuke.
erantzunak (1) guztia irakurri 4. egunaVilvoordeko Manuel
Egilea: Karlos Zurutuza
Karlos Zurutuza
Herri txiki bat izan arren, Vilvoorde gobernua osatzeko bideko txintxorretakoa da (B-H-V barrutiari buruzko azalpenaren aurkezpena ikusi). Flandestarrek beraien kontrako diskriminazioa salatu ohi dute 2003an Bruselako barrutian sartu zutenetik eta, antza, hango Epaitegi Gorenak arrazoia eman zien. Baina ezin gobernua osatu eta, beraz, ezin korapiloa askatu.
guztia irakurri 3. egunaBruselako Kongon
Egilea: Karlos Zurutuza
Karlos Zurutuza
Flandestarrak eta frantsesdunak Belgikako komunitate handienak dira, baina ez bakarrak. Bruselan, esaterako, populazioaren erdia baino gehiago etorkinek osatua da, eurokratak barne.
Atzo Kabuleko dendari batekin hitz egin nuen. Belgikan 25 urte zeramatzan eta ez zeukan inongo asmorik Afganistanera bueltatzeko; “zertarako?”
Gaur Bruselako Matonge afrikar auzora gerturatu naiz. Barruti bitxi eta koloretsu honek Kinshasako plaza nagusiaren izena hartu ei du, Kongokoak baitira bertako gehienak.
Zenbatetan entzungo genuen “Belgikako Kongo” zoritxarreko izen hura?
Zirrist-zarrast
Egilea: Karlos Zurutuza
Karlos Zurutuza
Bruselan azken hiru egunak euripean eman eta gero, gazte ugari inguratu dira gaur irudian duzuen skate-park honetara.
Gazteak jo ta fuego ibili dira gurpilen gainean; zirrist-gora, salto, eta zarrast-behera. Dohako espektakulua gozatzeaz gain, Belgika itotzen ari den krisiaz zenbat jakingo zuten pentsatu dut: zein punturaino jabetzen dira euren herrialdea hausteko zorian dagoela?
Merkealdia
Egilea: Karlos Zurutuza
_t.jpg)
Karlos Zurutuza
Liburu-denda ugari dago Bruselan. Orduak eman daitezke bigarren eskuko denda horietan, liburu zaharren multzoetan “altxorraren bila” edo, besterik gabe, bertan pilatutako aleen usainaz gozatzen. Xarmaren zati handi bat jabeei zor zaie: milaka, hamar milaka liburu eduki arren, profesional hauek ez dute bilaketan laguntzeko ordenagailurik. Ederki asko dakite denek zer eta non dagoen dena.
erantzunak (1) guztia irakurri© 2008 ARGIA.eus
- Helbidea:
- Industrialdea, 15 � 20160 Lasarte-Oria (Gipuzkoa)
- · Telefonoa:
- 943 371 545
- / Faxa:
- 943 373 403