ARGIAko lan taldeko kideok 126 egunez elikatu dugu COVID-19 pandemiaren albisteen jarraipen atal hau. Izurriak munduko aktualitatearen osagai izaten jarraitzen duenez, aurrerantzean ere ARGIAren gainerako albisteen artean bere lekua edukiko dute koronabirusak eragindakoek. Mila esker, lagun, ARGIArekin jarraitzeagatik!

Zientoka manifestalarik protesta egin dute Guadalajara probintziako Jalisco hiriburuan (Mexiko) polizia mexikarraren azken gehiegikeriagatik kexu. COVID-19 dela eta derrigor jantzi beharra dagoen maskara musuan ez eramateagatik Giovanni Lopez izeneko gizon bat atxilotu zuten eta handik ordu batzuetara hilda itzuli familiari.

Europako Banku Zentralak denera 1,35 bilioi euro bideratuko du pandemiaren krisiari aurre egiteko aktibo publikoak erostera. Bere esanetan, eurogunea ez da krisitik irtengo bi urte igaro arte.

Espainiako Industria ministro Reyes Marotok ekainaren 22ko data berria eman eta bi ordura atzera egin du Sánchezen exekutiboak eta muga uztailaren 1a arte itxita egongo da.

Espainiako Industria ministro Reyes Marotok eman du dataren berri. Hasierako asmoak alde batera, muga zeharkatzen duten iparraldeko biztanleak ez ditu berrogeialdian jarriko Espainiako Gobernuak.

Osasunaren Mundu Erakundeak berriro ekingo dio COVID-19aren kontra hidroxiklorokinak balio ote duen erabakitzeko poba klinikoak egiteari. Koronabirusarentzako txerto batekin zerikusirik ez duen antipaludiko hainbat mediku eta ikerketa zentrotan erabiltzen ari dira COVID-19ak gaixotutakoen egoera arintzeko botikatzat, beste zenbait aukeraren artean. Espainian, esaterako, gaixoen %85i eman diote hilabeteotanbat dena.

Hidroxiklorokinaren saiakerak aste batzuetan etenda eduki ditu, malariaren kontrako botika honek koronabirusak jotako gaixoei onura baino kalte gehiago zekarzkiela zioten informazioengatik. ARGIA-k bere garaian plazaratu zuenez, The Lancet aldizkari espezializatuak kaleratutako ikerketa batek erakutsi zuen hidroxiklorokina hartutako COVID-19dun gaixoen artean heriotza-tasa altuagoa izan dela. Ikerketa hori hartu zuen oinarritzat OMEko zuzendari orokor Tedros Adhanom Ghebreyesusek botikarekin egiten ari ziren ikerketa aldi baterako geldiarazteko. 

Geroztik, ordea, hainbat ikerlari independentek zalantzan jarri dituzte The Lancet-eko ikerlanaren emaitzak, Surgisphere konpainiak emandako datuen gainean eraikiak, kritiko horien iritzian gardentasunik gabe eta prozedura ez zuzenez jokatuz. Orain OMEk hidroxiklorokinaren saiakeak berriro abiarazi ditu, COVID-19aren kontrako txertoa aurkitu bitartean –eta gero ere bai ziurrenik– jadanik gaixotuak sendatzen saiatzeko tratamenduak behar direlako.

Guillermo Perea López de Letona Babestu Araba elkarteko kidea da. Elkartekoak ez daude batere gustura udalak, diputazioak eta Eusko Jaurlaritzak osasun krisia egoitzetan nola kudeatu duten ikusita. Osakidetzak egoitza pribatuetan esku hartu behar zuela dio Pereak. Adinekoak abandonu sentsazio ikaragarriarekin hil direla salatu du.

Hego Euskal Herrian koronabirusagatiko heriotzek nabarmen behera egin ostean –maiatzaren 31an ez zen pertsona bakar bat ere hil, ekainaren 1ean bi hil ziren– gaur jakin da ekainaren 2an 10 pertsona gehiago hil direla. Heriotza guztiak Euskal Autonomia Erkidegoan gertatu dira, nahiz eta Eusko Jaurlaritzak ez duen jakitera eman hiru lurraldeetako bakoitzean zenbat hil diren.

Astelehen honetatik aurrera, hainbat jarduera berriz ere egin daitezke Lapurdin, Nafarroa Beherean eta Zuberoan.

Ondo bidean, astelehenetik aurrera Hego Euskal Herria hirugarren fasean sartu daitekeela-eta, horrek EAEn ekarriko dituen aldaketak azaldu ditu Arantxa Tapia sailburuak. Horrez gain, jakinarazi du EAE, Nafarroa eta Akitania Berria artean libre mugitu ahal izatea eskatu diela lehendakariak Espainiako eta Frantziako gobernuei.

Enplegu Zerbitzu Publikoen datuen arabera, apirilean baino 3.767 lagun gehiago batu dira langabeziaren zerrendara Hego Euskal Herrian, maiatzean. Guztira 182.852 herritar daude langabezian.

Bakarrik jolastu beharrak, edo elkarren artean bi metroko distantziak mantenduz, eragina izango du haurrengan, hala diote adituek. Azken finean, beste ume batzuekin duten hartu-emanaren bidez ikasten dute umeek egoerei, zailtasunei eta gatazkei aurre egiten.

Hirugarren fasera pasatzeak berritasun garrantzitsu bat bideratuko du: erkidegoek kudeatu ahal izango dituzte konfinamendua arintzeko neurriak.

Osasun eta segurtasun baldintza guztiak bermatzeko zailtasunak direla medio aurtengo udan ez da EuskarAbenturaren espediziorik egingo.

Uriola.eus-ek argitaratutako berria

Bizkaia, Gipuzkoa eta Lapurdiko museo ugari zabalik daude dagoeneko. Nafarroan eta Araban, berriz, asteartetik aurrera hasiko dira bisitariak jasotzen.

Maiatzaren 15 arteko datuak eman ditu Nafarroako Gobernuak. Sintomak agertu zituzten beste 163 egoiliarren heriotzaren kausa zehaztea falta da.

Aurretiaz adostutako hitzordu sistema bidez jardungo dute, betiere zentroan COVID-19 kutsaturik edo berrogeialdi kasurik egon ezean.

Pentsionistek mobilizazioak egin dituzte hiriburu eta herrietan astelehenean. Hildako adineko pertsonak gogoratu dituzte. Gizarte gastuetan eta pentsioetan murrizketarik ez dutela onartuko adierazi dute.

Hezkuntza komunitateak online i(ra)kaskuntzan murgildu behar izan duelarik, agerian geratu da zer botatzen dugun faltan aurrez aurreko eskoletatik eta zer igaro den bigarren mailako izatera. Izan daitezela faltan bota ditugun horiek hemendik aurrera nahi dugun eskolaren lehentasun.

Ez da ordutegirik izango, ezta 70 urtetik gorakoentzat ere. Eguneko udalekuak egin ahal izango dira. Bildu daitekeen jende kopuruak gora egingo du oro har.

Espainiako Gobernuak alarma egoeraren seigarren luzapena aurrera atera ahal izango du, EAJrekin eta ERCrekin egin duen akordioari esker. Akordioaren arabera, erkidegoek kudeatuko dute hirugarren fasea. Fase horretan, lurralde unitatea probintzia izango dela adierazi du Espainiako presidenteak, baina EAEren kasuan litekeena da lurralde unitatetzat hartzea EAE osoa.

COVID-19 iritsi baino lehenagoko kontua da. Greba luze baten ondoren, polizia-etxeetako eta epaitegietako garbitzaileek lanaren arriskuagatik eta toxikotasunagatik plusa jasotzea aldarrikatu zuten, baita hitzarmenean jasotzea lortu ere. Ordea, enpresek ez diete halakorik ordaintzen.

Hondartzetan "modu dinamikoa" errespetatzea, hau da uretan egoteko edota oinez ibiltzeko bertaratzea eskatu du Nekane Murga Eusko Jaurlaritzako Osasun sailburuak.

Ehundaka lagunek hartu dituzte Parisko karrikak, papergabeen egoeraren erregulartzea exijitzeko. Prefekturak manifestazioa debekaturik, laster kargatu du poliziak.

https://www.argia.eus/albistea/papergabeen-manifestazioa-kargatu-du-poliziak-parisen