Administrazioeetako iturriek zabaldutako informazioen arabera, Hegoaldean 16 pertsona gehiago hil ditu koronabirusak, Euskal Autonomi Erkidegoan 12 eta Nafarroan 4. Iparraldetik heriotza gehiagoren berririk ez iristekotan, denetara Euskal Herrian maiatzaren 2a arte 1.817 pertsona hil ditu Covid-19 izurriak, 22.839 kutsatu eta 785 ospitaleratuta daude. Agintariek sendatutzat 14.723 gaixo eman dituzte orain arte.

Hildakoak honela banatzen dira lurraldeka: Araban 345 (+1), Bizkaian 729 (+9), Gipuzkoan 267 (+2), Nafarroan 466 (+4). Iparraldetik 2 zeuden kontabilizatuta; asteartean, apirilak 28, Baionako suprefetak eman zituen bertako ospitalean hildakoen xehetasunak eta horiek kontutan hartuta Berria egunkariak bere estatistikak eguneratu ditu Iparraldeko biktimak 10ean finkatuz (gehiago izan litezke).

Euskal herritarrok gutxi gora behera 3,2 milioi biztanle garenez, gure arteko hilkortasun tasa da milioi 1 biztanleko 567. Lurraldeka (bezperako datuak): Araba 1.037, Bizkaia 624, Gipuzkoa 366, Nafarroa 706.

Konparazioak egiten hasita, Italian eta Espainian gehien kaltetutako eskualdeekin alderatuz gero, Lombardiak milioiko 1.419 heriotza zeuzkan bezpera arte eta Madrilek 1.250. Mundu mailan herrialde kaltetuenen zerrenda, berriz, honela dago kontatuz heriotzak miloi 1 biztanleko (bezperako datuekin): San Marino 1.208, Belgika 677, Andorra 582,  Espainia 540, Italia 478, Erresuma Batua 419, Frantzia 381, Sint Marteen (San Martin uhartearen zati holandarra) 303, Holanda 295, Suedia 265, Irlanda 264... Kopuru horiekin, Euskal Herria herrialde independente balitz munduko zerrendan laugarren legoke.

Erresuma Batuan Covid-19aren krisia hasi zenetik bikoiztu egin da haurrak goseak dauzkaten familien kopurua, herrialdeko guztien %20ra iritsiz, Food Foundation erakundeak egindako ikerketaren arabera.

Frantziako Gobernuak larunbatean adierazi zuen arren konfinamendua arintzen hasitakoan berrogeialdian jarriko dituela bere mugetara kanpotik iritsiko diren herritar guztiak, igandean argitu du neurri horrek ez duela eraginik izanen Europar Batasunatik iritsiko diren jendeengan.

AEBetako Michigan Estatuan konfinamendua luzatu edo ez eztabaidatzeko egunean ehunka manifestari kapitolioan sartu dira, batzuk arma luzeekin. “Jende ona da, baina haserre daude”, adierazi du Trumpek.

Larrialdi egoera amaitu ostean ere erregulazio espedienteak mantentzea, enpresek kotizaziorik ordaindu gabe jarraitzea eta enpleguak mantentzeko baldintza ezabatzea eskatu du Antonio Garamendi CEOEko presidenteak. Egin ezean, langabezia eta enpresen itxiera masiboa aurreikusi ditu.

Urkullu, Torra, Feijo eta beste zenbait erkidegoetako presidente larrialdi egoera luzatzearen aurka azaldu dira presidenteen arteko bideobileran. Espainiako presidenteak salbuespeneko erreminta “juridiko-instituzionala” beharrezkoa duela adierazi die.

Administrazioeetako iturriek zabaldutako informazioen arabera, Hegoaldean 10 pertsona gehiago hil ditu koronabirusak, Euskal Autonomi Erkidegoan 8 eta Nafarroan 2. Iparraldetik heriotza gehiagoren berririk ez iristekotan, denetara Euskal Herrian maiatzaren 2a arte 1.801 pertsona hil ditu Covid-19 izurriak, 22.751 kutsatu eta 792 ospitaleratuta daude. Agintariek sendatutzat 14.509 gaixo eman dituzte orain arte.

Hildakoak honela banatzen dira lurraldeka: Araban 344 (+1), Bizkaian 720 (+7), Gipuzkoan 265 (+0), Nafarroan 462 (+2). Iparraldetik 2 zeuden kontabilizatuta; asteartean, apirilak 28, Baionako suprefetak eman zituen bertako ospitalean hildakoen xehetasunak eta horiek kontutan hartuta Berria egunkariak bere estatistikak eguneratu ditu Iparraldeko biktimak 10ean finkatuz (gehiago izan litezke).

Euskal herritarrok gutxi gora behera 3,2 milioi biztanle garenez, gure arteko hilkortasun tasa da milioi 1 biztanleko 562.  Lurraldeka (bezperako datuak): Araba 1.034, Bizkaia 618, Gipuzkoa 366, Nafarroa 703.

Konparazioak egiten hasita, Italian eta Espainian gehien kaltetutako eskualdeekin alderatuz gero, Lombardiak milioiko 1.415 heriotza zeuzkan bezpera arte eta Madrilek 1.244. Mundu mailan herrialde kaltetuenen zerrenda, berriz, honela dago kontatuz heriotzak miloi 1 biztanleko (bezperako datuekin): San Marino 1.208, Belgika 670, Andorra 569, Espainia 537, Italia 475, Erresuma Batua 414, Frantzia 379, Sint Marteen (San Martin uhartearen zati holandarra) 303, Holanda 291, Suedia 264, Irlanda 260... Kopuru horiekin, Euskal Herria herrialde independente balitz munduko zerrendan laugarren legoke.

Dena ondo bidean, hamar kidera arteko topaketak onartuko dira senideen eta lagunen artean, Espainiako Gobernuak ezarritako lehenengo fasean. Distantzia fisikoa errespetatu beharko da.

Berria egunkarian Maite Asensio kazetariak elkarrizketa egin dio Nekane Balluerka EHUko errektoreari. Besteak beste, EHUk koronabirusa atzemateko garatu duen proba metodoaz galdetu dio, polemika sortu baita gaiaren inguruan, Osakidetzak ez duelako erabili EHUren lana. Bide batez, akatsa argitu nahi izan du: egunean ia mila proba egin ditzakete EHUn garatutako metodoa erabiliz, eta ez, zabaldu den bezala, 10.000.

Seaskako hainbat irakasle, zuzendari eta langilek Frantziako Gobernuak umeak eskolaratzeko ezarritako protokoloa kritikatu dute, ikastetxeetan ezin delako antolatu hain epe motzean eta umeak jolasik eta harremanik gabe uzten dituelako.

Urte hasieraz geroztik 24 miliar dolar gehiago irabazi ditu Jeff Bezos Amazon multinazionaleko buruak. Koronabirusaren izurriteari esker, %20az puztu da bere aberastasuna.

Maiatzaren 4tik aurrera saltzen ahalko dituzte supermerkatuek ere maskarak. Milioika maskara iristen ari dira salgune horietara, inolako arazorik gabe. Osasun arloko langileen kexua eragin du informazioak, asteak dabiltzalako babes-materialik gabe koronabirusaz kutsatutakoak artatzen.

Gutuna bidali diete Ipar Euskal Herriko parlamentariei eta Euskal Elkargoko hautetsiei, auzitegiaren irekitzea eskatzeko. Egoera “onartezina” salatu dute Colette Capdevielle abokatuak, departamenduko abokatuen elkarteko buru izandako Hervé Colmetek eta eskualdeko abokatuen elkarteko konferentziako presidente izandako Anne-Marie Mendibourek.

Administrazioeetako iturriek zabaldutako informazioen arabera, Hegoaldean 11 pertsona gehiago hil ditu koronabirusak, Euskal Autonomi Erkidegoan 9 eta Nafarroan 2. Iparraldetik heriotza gehiagoren berririk ez iristekotan, denetara Euskal Herrian maiatzaren 2a arte 1.791 pertsona hil ditu Covid-19 izurriak, 22.667 kutsatu eta 763 ospitaleratuta daude. Agintariek sendatutzat 14.160 gaixo eman dituzte orain arte.

Hildakoak honela banatzen dira lurraldeka: Araban 343 (+0), Bizkaian 713 (+7), Gipuzkoan 265 (+2), Nafarroan 460 (+2). Iparraldetik 2 zeuden kontabilizatuta; asteartean, apirilak 28, Baionako suprefetak eman zituen bertako ospitalean hildakoen xehetasunak eta horiek kontutan hartuta Berria egunkariak bere estatistikak eguneratu ditu Iparraldeko biktimak 10ean finkatuz (gehiago izan litezke).

Euskal herritarrok gutxi gora behera 3,2 milioi biztanle garenez, gure arteko hilkortasun tasa da milioi 1 biztanleko 559.  Lurraldeka (bezperako datuak): Araba 1.034, Bizkaia 612, Gipuzkoa 363, Nafarroa 700.

Konparazioak egiten hasita, Italian eta Espainian gehien kaltetutako eskualdeekin alderatuz gero, Lombardiak milioiko 1.382 heriotza zeuzkan bezpera arte eta Madrilek 1.233. Mundu mailan herrialde kaltetuenen zerrenda, berriz, honela dago (bezperako datuekin): San Marino 1.208, Belgika 665, Andorra 557, Espainia 531, Italia 467, Erresuma Batua 405, Frantzia 377, Sint Marteen (San Martin uhartearen zati holandarra) 303, Holanda 286, Suedia 263, Man uhartea 259, Irlanda 256... Kopuru horiekin, Euskal Herria herrialde independente balitz munduko zerrendan hirugarren legoke

Abaltzisketako zenbait herritarrek ekitaldi sinbolikoa egin dute, Larraizko langatik behiak eta behorrak igaroz. Suziria ere bota dute, ohiturari jarraituz, Aralarko larreak irekita daudela zabaltzeko.

Administrazioeetako iturriek zabaldutako informazioen arabera, Hegoaldean 23 pertsona gehiago hil ditu koronabirusak, Euskal Autonomi Erkidegoan 16 eta Nafarroan 7. Iparraldetik heriotza gehiagoren berririk ez iristekotan, denetara Euskal Herrian maiatzaren 1a arte 1.780 pertsona hil ditu Covid-19 izurriak. 22.454 kutsatu eta 816 ospitaleratuta daude. Agintariek sendatutzat 13.639 gaixo eman dituzte orain arte.

Hildakoak honela banatzen dira lurraldeka: Araban 343 (+1), Bizkaian 706 (+7), Gipuzkoan 263 (+4), Nafarroan 458 (+7). Iparraldetik 2 zeuden kontabilizatuta; asteartean, apirilak 28, Baionako suprefetak eman zituen bertako ospitalean hildakoen xehetasunak eta horiek kontutan hartuta Berria egunkariak bere estatistikak eguneratu ditu Iparraldeko biktimak 10ean finkatuz (gehiago izan litezke).

Euskal herritarrok gutxi gora behera 3,2 milioi biztanle garenez, gure arteko hilkortasun tasa da milioi 1 biztanleko 556.  Lurraldeka (bezperako datuak): Araba 1.031, Bizkaia 600, Gipuzkoa 357, Nafarroa 689.

Konparazioak egiten hasita, Italian eta Espainian gehien kaltetutako eskualdeekin alderatuz gero, Lombardiak milioiko 1.373 heriotza zeuzkan bezpera arte eta Madrilek 1.227. Mundu mailan herrialde kaltetuenen zerrenda, berriz, honela dago (bezperako datuekin): San Marino 1.208, Belgika 655, Andorra 544, Espainia 525, Italia 463, Erresuma Batua 394, Frantzia 373, Sint Marteen (San Martin uhartearen zati holandarra) 303, Holanda 280, Suedia 256, Irlanda 250... Kopuru horiekin, Euskal Herria herrialde independente balitz munduko zerrendan hirugarren legoke.

Azkoitiko P3 lantegiak enpresen lan babeserako materialaren hornidura eskaintzen du bere ohiko jardueran. Egungo egoera dela eta, ordea, norbanakoentzat oihalezko maskara berrerabilgarriak eskuragarri jarriko ditu hamar unitateko paketeetan.

Egoitzetako erabiltzaileen senideen Babestu elkarteek (Arabakoak eta Bizkaikoak) egin diete eskaera EAEko erakunde publikoei. Osakidetzak eta foru aldundiek zahar egoitzetan parte-hartze zuzena izatea eskatu dute, eta interbentzioa epe mugarik gabe luzatzea ere bai.

Artikuluak, filmak, liburuak, telesailak, webguneak… gomendatuz, Pozoi Larroxa kaleratu du Hiruki Larroxa kolektiboak: “Sexu eta genero disidenteon kuirentenarako biziraupen liburuxka”. Bereziki, beren izatea onartzen ez den etxeetan konfinatuta dauden horientzat ihesgunea izan nahi du liburuxkak.

Google eta Androidekin dagoen Europa mailako akordioari esker, koronabirusean positibo eman dutenen kontaktuak geolokalizatzeko tresna garatzen ari direla eta berau erabiltzea pentsatzen ari direla iragarri du Maria Chivite Nafarroako Gobernuko presidenteak. Geolokalizazioa “anonimizatua” izango litzatekeela gaineratu du.

Emakumeek egindako Zinemaren bederatzigarren Karabana berezia izango da, epidemiak baldintzatuta. Maiatzaren 4tik 8ra, online eta doan emango dituzte zinema konprometituari lotutako bost emakumek zuzendutako bost pelikula. Egunero hitzaldia antolatuko da proiektu bakoitzeko zuzendariarekin.

Ikastetxe gehienetan Google eta Microsoften programak erabiltzen direla eta horrek ikasleen pribatutasuna urratzen duela salatu izan dute software librearen aldeko mugimenduek, baina arazoa biderkatu egin du online irakaskuntzak. Miloika datu pertsonal dira enpresa pribatuek kudeaturiko plataformetan uzten ari garenak eta Nafarroak dagoeneko plataforma propioa iragarri du.

Espainiak apirilaren 30a arte milioi biztanleko 519 heriotza eduki dituen bitartean, Frantziak 369 eta Euskal Herriak 541... Portugalek 95 hildako baizik ez zeramatzan. Euskaldunok sufritu ditugun biktimen %17,5 besterik ez, edo nahi bada, koronabirusak hildako euskaldunak izan dira portugesak bider 5,6. Zer egin ote dute guk baino hobeto?