Artikulua Generalitateko lehendakariak berak zabaldu du sare sozialetan: "Sentzitzen dugu, Espainia, baina Katalunia bere independentzia bozkatzera doa, zuk nahi ala ez".

Kataluniako aferaz hainbat txio idatzi ditu eta horietako batean dio autodeterminatzeko eskubidea, gobernatzeko sistema askatasunez aukeratzen duen jendearena, ezin dela galarazi, giza eskubidea dela.

Edward Snowden-ek AEBetako gobernuak mundu osoan eginiko espioitza lanen berri eman zuen 2013an. Bera AEBetako Inteligentzia Agentzia Zentraleko langilea zen.

The right of self-determination—for people to freely decide their own system of government—cannot simply be outlawed. It is a human right. https://t.co/vXcMw2qnCE

— Edward Snowden (@Snowden) 2017(e)ko irailak 21

Espainiako gobernuaren aurkako eta Kataluniako erreferendumaren aldeko gutun bat sinatu dute Irlandako eta Erresuma Batuko hainbeste langile akademikok. Sinatzaileen artean Terry Eagleton dago. Duela ordu gutxi ateratako hausnarpen sakon eta zuzen hauxe euskarara ekarri du Ignazio Aiestaranek bere blogean hitzez hitz.

Reuters agentziak emandako informazioa bildu du Vilawebek. Reutersek adierazi duenez, Europako Batasuneko erakundeak eta gobernu buruak kezkatuta daude Mariano Rajoy Espainiako Gobernuko presidenteak azken egunetan Katalunian hartu duen norabideagatik. Agentziaren arabera, hainbat erakundek eta gobernu buruk Rajoy publikoki babestu arren, ezinegona eragin die presidentearen taktika gogorrak, gero bueltan etor dakiokeelakoan.

Reutersek dio Europako Batasunaren ahots ofizialaren bidea dela Espainiako demokraziak funtzionatzen duela esatea eta herritar espainiarrek arazoak legeen barruan konpondu behar dituztela. Alabaina, egoera okertu izanak, poliziak hautetsiak atxilotuta, atzerriko politikariei eta karguei arazoak sortzen dizkie, Europari eragingo dioten beldur baitira.  

Reutersek Steven Blockmans Centre for European Studies-eko adituaren hitzak jaso ditu: “Europan gero eta kezkatuago daude, ikusita Rajoy nola ari den kudeatzen gaia, zeren taktika horiekin eztabaida independentista bero-bero jartzen dute”. Beste aditu baten iritziz Jean-Claude Juncker isilik egongo da, “polizien filmetan bezala delako, esan duzun edozer zure kontra erabili daitekeelako”.

Atxilotuetatik, gainerako zortziak kalean dira atzodanik, nahiz eta auziperatuta egon. Epaitegietara eramandakoak honakoak dira: Josep Maria Jové Lehendakariordetza saileko idazkari nagusia, Lluís Salvadó Ogasuneko idazkaria, Joan Manuel Gómez CESICATekoa, Josué Sallent CTTIko estrategia eta berrikuntza zuzendaria, Rosa Maria Rodríguez Curto T-Systemseko arduraduna eta Josep Masoliver puntCAT fundazioko sistema arduraduna.

Bartzelonako auzitegiak biltzen dituen Ciutat de la Justicia eraikinera eraman dituzte. Kanpoan zientoka lagun ari dira protestan eta atxilotuei elkartasuna erakusten.

Asko zabaldu da sare sozialetan Espainiako polizia batek grabatutako bideoa. Espainiako Barne Ministerioak bidalitako agente hauek hiru ferrytan egingo dute lo gutxienez 15 egunez. La Vanguardiaren arabera, 1.200 polizia eta beste horrenbeste guardia zibil izango dira bertan, nahiz eta aurretik iritsitakoak hotel eta etxe partikularretan dauden.

Empaperem deialdiekin bat egin eta gauero herriz herri kartelak jartzera joaten dira herritar ugari. Bart gaueko hainbat irudi.

Enegarren gauez jarraian, indarra hartzen ari den kazerolada egin dute Katalunia osoan. Hemen sare sozialetara igo dituzten hainbat bideo.

Carles Puigdemont presidenta bideoz eta idatziz zuzendu zaie Kataluniako herritarrei, gauzak nola dauden azaldu eta aurrera begira orain arte bezain irmo jarraitzeko eskatuz.

"Mariano Rajoy presidenteak –dio Puigdemontek idatziz ere zabaldu duen mezuan– aste honetan marra gorri gehiegi urratu ditu gu horri begira patxadan geratzeko. Gobernuko kideak atxilotu dituzte, etxeak eta sailburuen bulegoak miatu, webguneak itxi, aldizkariak bidaltzea galarazi, eta funtsean Kataluniaren autonomia eten dute Generalitatearen banku-kontuak legearen kontra blokatuz. Espainiako estatuaren makinaria osoa antolatu dute katalanei eragozteko urriaren 1ean bozkatu ahal izatea".

Aurrerago dio: "Ez dira, bistan dena, egun gozoak baina indartsu sentitzen gara. Espainiako estatuak jokatzen du autoritatea indarrean oinarrituz aldi berean autoritate morala galtzen duen erregimen baten moduan, eta bitartean guk gero eta gehiago sentitzen dugu Kataluniako herriak daukan altxorrik handienaren babesa: bere herritarrena. XXI. mendean estatuak ez dira eraikitzen indar bortitzaren arabera, jendeak daukan indarraren arabera baizik, eta indar honetarik zorionez asko daukagu. Horregatik, herritar maiteok, erabat babestetuta eta prestaturik aurkitzen gara etorriko zaizkigun erasoei aurre egiteko".

Puigdemontek ziur esan du erreferenduma egingo dela, bai hori hala izan dadin planak aurreikusita dauzkatelako, baina, batik bat, harritarren gehiengo handi baten sostengua daukalako, "Alderdi Popularraren harrokeriaz eta gehiegikeriez nazkatuta dauden herritarren gehiengoarena. Orain dagoenekoz ez da soilik Estatuarekin zein lotura nahi dugun erabakitzen baizik eta baita ere ea nahi dugun bizitzea askatasunak errespetazen dituen erregimen osoki demokratiko batean".

Hitzokin amaitu du bere adierazpena: "Denok elkartuta baldin bagaude eta jarraitzen badugu konbikzio eta zibismo berdinarekin, ziur nago irabaziko dugula estatu autoritario batek aurrean jartzen digun desafioa".

Mundu guztiari ezustekoa emanez, Generalitateak bere diru funtsetatik pagatu dizkie soldatak funtzionarioei, pagakizun horiek erreferendumarekin lotuta ez daudela zertifikatuta. Horrela hilabete honengatik bederen saihestu dute Madrilek Generalitatearen diru irteera guztiez hartu duen kontrolari.

Josep Maria Jové, Oriol Junquerasen bigarrenari jarri dio isun hori erreferendumaren antolaketan aritzeagatik. Zigor bera jarri die hauteskunde batzordeko bost atxilotuei ere. Auzitegiak 24 ordu ematen die beren karguak bertan behera uzteko edo isuna ordaintzen hasteko. Kargua uzten ez badute, agindua ematen dio Zerga Agentziari hondasunen bahiketekin hasteko. Lehen aldia da Auzitegi Konstituzionalak 2015ean PPek egindako erreforma baliatu eta zuzenean zigortzen duena. El Nacional-en ikus daiteke albisteari buruzko informazio gehiago.

Gau bat gehiago pasatuko du Guardia Zibilaren eskuetan Josep Maria Jove ekonomia idazkariak, Oriol Jonquerasen departamenduko bigarren karguak, ondo bidean bihar pasatzeko epailearen aitzinetik. Guardia Zibilak honako delituak egotzi dizkio: sedizioa, desobedientzia, diru publikoen bidegabeko erabilera eta prebarikazioa. Deigarriena egiten da sedicion delitua, askok Francisco Francoren diktaduratik entzun gabea zeukatena: indarrean den orden politikoaren kontrako oldartzea esan nahi du.  

Madrilek erreferenduma oztopatzeko ahaleginean langile publikoak beldurtzeko mehatxu egin die, prebarikazio eta desobedientziagatik zigortu ditzakeela. Bideo labur batean Intersindical CSC sindikatuak langile publikoei azaltzen die mehatxu horien funtsik eza:

Oraingoz urgentziazko mezu batez aurreratu dute Twitterrez beren erabakia, laster xehetasun gehiago zabalduko dutela esanda:

Intersindical CSCk bere burua definitzen du klaseko sindikatu independistatzat.

Milaka pertsonaz osatutako jendetza dago egun osoan zehar kantari, oihuka eta hizlariei entzuten Kataluniako Auzitegi Nagusiare aurrean. Arratsaldeko 17:30etarako egindako zegoen deialdi bereziak are jende gehiago erakarri du. Oraindik Guardia Zibilaren eskuetan preso dauden kargudunen askatasuna eskatzen dute eta Kataluniaren independentziari buruzko erreferenduma egin egingo dela berresten.

Jendeak txaloka hartu du Germà Bel diputatuak jakinarazi dien albistea: Generalitateak on-line jarri duela nork non bozkatu jakiteko sistema.

Kataluniako herritarrek dagoenekoz jakin dezakete zein mahaitan dagokien botoa ematea urriaren 1eko erreferendumean, horretarako Generalitateak egokitutako webgunean begiratuz. Carles Puigdemont lehendakariak berak zabaldu ditu albistea eta webgunearen helbidea Twitterrez.

Aipatu webgunean herritarrak aski du NANaren zenbakia, jaiotze data eta bizi den lekuaren posta kodea makinak erantzun diezaion non eman ahal izango duen boza urriaren 1ean. Generalitateak errefefendumerako urrats berri hau ematen du Epainiak Guardia Zibila bidalita prozesua eta egitura autonomikoa astindu duen biharamunean.

Egun osoa daramate milaka lagunek Kataluniako Auzitegi Nagusiaren aurrean elkartuta Espainiako gobernuaren aginduz Guardia Zibilak atxilotutako kargudunen askatasuna eskatzen. Azken orduetan elkarretaratzearekin bat egin du Kataluniako Gazteriaren Kontseiluak ere.

Bombers per a la Independencia elkarteko suhiltzaileak egun osoa daramate Bartzelonako Auzitegi Nagusiaren atariko kontzentrazioan, beren laneko uniformeak jantzita.

Kataluniako prozesu subiranistan ANCrekin batera erakunde enblematikoa izan den Omnium Culturaleko Jordi Cuixartek eguerdian Kataluniako Auzitegi Nagusiaren aurrean eman duen bideoa zabaldu dute:

AELC katalan hizkuntzan ari diren idazleen elkarteak "Urriaren 1ean idazleok ere emanen dugu boza" agirian herritarrei dei egin die nahi duten botoa bai baina botoa falta gabe eman dezaten erreferendumean.

Auziperatuta bai, baina oraingoz aske honakoak geratu dira: Joan Ignasi Sánchez, David Palanques, David Franco, Pau Furriol, Xavier Puig, Natalia Garriga eta Mercè Martínez.

Espainiako Auzitegi Konstituzionalak ezarri die zigorra Kataluniako hauteskundeak gainbegiratzeko betebeharra duen Sindicatura Electoral erakundeko kideei: egunean 6.000 eta 12.000 euro artean bakoitzari eta 48 orduko epea ematen die erreferenduma eragozteko Auzitegiak berak hartutako erabakia nola betetzen duten azaltzeko.

Bestalde, 12.000 euroko isuna ezarri dio Josep Maria Jove Ogasuneko idazkariari eta 6.000koa Montserrat Vidali.

Agiria osorik Catalunya Religió hedabideak plazaratu du: "Montserrat i Poblet es pronuncien conjuntament i demanen que s'escolti "la veu de la majoria".

Nacio Digitalen Roger Tugasek argitaratu duenez, egunotan batzuen eta besteen artean egindako kontsulten ondoren gaur bilduko dira Kataluniako hainbat sindikatu, gizarte erakude eta alderdi greba orokor bat deitzeko aukera aztertzeko.CGT Confederaciò General de Trevalladors sindikatuak dagoenekoz grebaren legezko iragarpenak aurreratu ditu. Horiez gain elkarrizketan ari dira IAC Alternativa de Catalunya (IAC) eta CSC Intersincal delakoa. Omnium eta ANC erakunde subiranistak, ERC eta CUP alderdiak eta zenbait herri mugimendu. Oraingoz greba orokorra hasi dira hizketan Madrilgo gobernuak urriaren 1eko erreferenduma aukerarik gabe utziko balu hipotesiaren gainean.

Carme Forcadell legebiltzarreko lehendakaria mintzatu zaie Kataluniako Auzitegi Nagusiaren aurrean bildutakoei. Atxilotuen jokabidea defenditu du, beren lanean herritarren interesak defenditu dituztelako, eta berretsi du aurrera joko dutela beldurrik gabe. Herritarrei dei egin die botoa ematera joateko: "Goazen botoa ematera! Bozka baietz, bozka ezetz, bozka! Duintasunagatik, Kataluniagatik eta demokraziagatik, bozkatu eginen dugu!".

ANCko Jordi Sanchez eta Omnium Culturaleko Jordi Cuixartek hartu dute hitza Kataluniako Auzitegi Nagusiaren atarian diren milaka pertsonen aurrean atzo polizia espainiarrak erreferenduma antolatzeagatik atxilotutako pertsonen errugabetasuna aldarrikatzeko. Bidean inor ez dutela abandonatuko aldarrikatu dute eta atxilotuak askatu arte kalean jarraituko dutela.

Sinn Feineko Seán Crowe  diputatuaren eskariz hitz egingo da Katalunian erreferendumaren inguruan sortu den egoeraz. Aurretik Dinamarka eta Erresuma Batuko parlamentuan ere sortuak dira Kataluniakoaren jarraipena egingo duten diputatu taldeak.

Kataluniara joango diren poliziak sarituko ditu Espainiako Barne Ministerioak. Prestazio handiagoak jaso eta baldintza hobeak izango dituzte.

🚓Los #SindicatosPolicía consiguen que se premie a los compañer@s que participen en el dispositivo de #Calaluña. 🇪🇸 https://t.co/BehuD9bct4

— SUP (@Sup_Policia) 2017(e)ko irailak 21

Polizia bati atzemandako barne komunikazio batean Espainiako Estatuak Kataluniara bidali dituen polizien eta baliabideen inguruko informazioa jakin daiteke: "Hemen Beirut arrasatzeko adinako polizia da", dio agenteak.

Audioan zehar baieztatu du portuetara iritsitako itsasontziak interbentzio polizia mota ezberdinak hartzeko direla eta jexu da asteazkeneko gertakizunetan "geldi-geldi" egoteko eskatu dietelako "potroak ukitzen dizkiguten arte".

Democracia Real YA erakundeak zabaldu du audioa Twitterrez:

Audio de un @policia anoche sobre Cataluña-> escuchadlo: pic.twitter.com/lJWHK3xBQV "Aquí hay policía para arrasar Beirut"

— Democracia real YA! (@democraciareal) 2017(e)ko irailak 21

Atzo atxilotu zituzten lagunei babesa adierazteko jendetza bildu da Kataluniako Auzitegi Nagusiaren atarian.

ARA: Concentració per la llibertat dels detinguts ahir, davant el TSJC a Barcelona #referendum #1oct pic.twitter.com/ae12mtGhAt

— L'Accent (@laccent) 2017(e)ko irailak 21

Espainiako gobernuak itxi zituenetik Generalitateak urriaren 1eko erreferendumari eskainitako webguneak, eten gabe sortzen dira haietako informazioak atzerriko zerbitzarietatik ispilu moduan eskaintzen dituzten gune berria. Horietan azkena, Marianorajoy.cat, sustatzaileek ironiaz diotenez Mariano Rajoyren fan klub batek sustatzen duena.

Ara mateix davant la caserna de la Guàrdia Civil de Trav. de Gràcia el hit és: "el uno de octubre, no vais a votar". pic.twitter.com/J6iLL1CiP6

— Albert Mercadé (@albertmercade) 2017(e)ko irailak 21

Fakultateetan asanbladak egiten ari dira ikasleak gaurko eguneko mobilizazioetan nola parte hartu erabakitzeko. "Askatasun martxak" antoaltu dituzte zenbait tokitan Independentziaren aldeko elkarteek 12:00etarako deitutako elkarretaratze erraldoian parte hartzeko.

'Nació Digital' hedabideak azaldu duenez, mugimendu sozial eta unibertsitarioek "greba orokor indefinitua" deitu dute.

Eskoziako 'The National' egunkariak azal ikusgarri honekin ireki du gaurko bere edizioa:

Carles Pellicer Reusko alkatea zegoen fiskaltzara deituta bere udalak urriaren 1erako antolakuntzan laguntzen duela eta. Hogei minutu egin ditu barruan eta ez deklaratzeko bere eskubideari eutsi dio. Irteeran egin ditu adierazpenok:

Antza denez, Traverssera de Gràciako komandantziatik Sant Andreu de la Barcakora eraman dituzte, baina haietaz galdezka dabiltzan abokatuei ere ukatzen diete informazioa guardia zibilek.

Gaur goizean asanbladan erabaki dute zamaketariek Rapshody ferry-ari zerbitzurik ez ematea, "eskubide zibilen defentsan", Twitterrez azaldu dutenez:

.@govern Reunits en assemblea, els estibadors de BCN hem decidit en votació no operar vaixell Raphsody. En defensa drets civils

— OEPB-Coordinadora (@CoordinadoraBCN) 2017(e)ko irailak 21

Espainiako Gobernuak hainbat itsasontzi fletatu ditu Kataluniako portuetan milaka poliziari ostatu emateko, hango hoteletan ez dutela beraientzako tokirik aurkitu. CNT sindikatuak argazkiak zabaldu ditu sarean, horietan Espainiako Poliziaren furgonetak itsasontzian sartzen ikus daitezke:

COC Kataluniako Batzorde Olinpikoak "L'Esport pel Sí" kanpaina abiatu du. Demokrazia eta erabakitzeko eskubidearekiko konpromisoa agertu du.

Comunicat del @COCatalunya en resposta als fets que estan passant ara mateix a Catalunya https://t.co/DWHHgAPuCf pic.twitter.com/121COYOUNS

— L'esport pel sí (@esportpelsi) 2017(e)ko irailak 20