Hemen Eki Erremundegi Berriako kazetariak Twitterrez  jasotako argazki batzuk:

400 bat pertsona elkartu dira Baionan #M8GrebaFeminista-ren arratseko manifestazioan. 'Karrika gurea da' eta 'Gora borroka feminista' oihuak entzun dira gehien @berria @IEHkohitza pic.twitter.com/jmz2ltTsTE

— Ekhi Erremundegi (@EkhiErremundegi) 2019(e)ko martxoaren 8(a)

Antiguako tuneletik atera den manifestazioak Alderdi Eder osoa hartu du. Manifestazio buruan silueta batzuk daramatzate, greba egin ezin dutenak gogoan.

#M8GrebaFeminista
Manifarako ordu erdi falta da baina errepidea jada emakumeona da.
IRUÑEA pic.twitter.com/m50TlkuK4d

— Ahotsa.info (@AhotsaInfo) March 8, 2019

Ahotsa.infok egin du bideoa eta ARGIAra ekarri dugu CC by-sa lizentzia baliatuta.

Iruñea: Golem zinemetatik 19:00etan.
Bilbo: Jesusen Bihotzetik 19:00etan.
Donostia: Antiguoko tuneletik 19:00etan.
Gasteiz: Iparralde gizarte etxetik. 19:00etan.
Baiona: Errepublika plazatik 18:30ean.

“Erre zenituzten sorginen oinordeak gara gu”, emakume* borrokalari denen omenez dantza izan da Laudioko baterajotzea!#M8GrebaFeminista #AiaraldekoGrebaFeminista #bizitzakerdigunean pic.twitter.com/9vr7OCfme3

— Aiaraldeko Mugimendu Feminista (@AiaraldekoMF) 2019(e)ko martxoaren 8(a)

Arrankudiaga eta Zolloko emakumeek* Ugaoko mobilizazioan parte hartu dute #AiaraldekoGrebaFeminista Argazkia: @garaziabrisketa pic.twitter.com/0SsobxoiZO

— Aiaraldea.eus (@aiaraldea) 2019(e)ko martxoaren 8(a)

Bazkaltzeari ekin diote Laudio #AiaraldekoGrebaFeminista pic.twitter.com/IaYuaUtKZt

— Aiaraldea.eus (@aiaraldea) 2019(e)ko martxoaren 8(a)

Emakume* sahararren dantzek hartu dute Amurrioko plaza #AiaraldekoGrebaFeminista pic.twitter.com/Bi49e6PW8A

— Aiaraldea.eus (@aiaraldea) 2019(e)ko martxoaren 8(a)

Dantzatzen ari dira girotzen bazkalostea Amurrion #AiaraldekoGrebaFeminista pic.twitter.com/9IbMYTerCX

— Aiaraldea.eus (@aiaraldea) 2019(e)ko martxoaren 8(a)

Eguneko haserre iturrietako bat izan da. Angeluko E. Leclerc supermerkatuak Martxoaren 8a baliatu du makillaje, arropa eta garbiketa produktuetan beheraldiak iragartzeko. Sarean haserrea eragin du.

Eguerdian ekintzaile feministak saltoki aurrean bildu ostean, barrura sartu dira publizitate horiek kentzera.

Azkenean, zuzendaritzak ondorengoa esan die publizitatea erretiratu bitartean: Irabazi duzue

Eguerdiko manifestazioaren ostean, hainbat ekintzailek pintura zuria bota diote udaletxeari. "Ez zuritu gure morea" lelopean. Irutxuloko Hitzaren informazioa hemen.

Ondoren, Artzai Onaren katedralean pankarta handi bat zintzilikatu dute, Irutxuloko Hitzaren bideo honetan ikus daitekeenez.

Altsasuko Josefina Arregi klinikako langileek haiek bizi duten "egoera larria" azaldu dute. Altsasuko emakumeen kalejirak bisita egin diet eta bi ordezkari hauek pozik agertu dira. Nafarroako Gobernuarekin ekonomia-hitzarmena du klinikak, baina hitzemandako 250.000 euroak ez dira sekula iritsi. Berri hori emateak, gainera, donazioak jaistea ekarri zuen. Ondorioz, langileek hamar urte daramate soldata izoztuta. Hitzarmena abenduan berritu behar zen, baina ez dago halakorik. Langileak "klinikaren etorkiznagatik eta gure lanagatik erabateko ziurgabetasuna eta kezka ditugu".

Ondorengo argazki eta bideoetan Sakanan egindako beste mobilizazio batzuk. Lehenengoan Altsasuko piketearen bideoa. Gero Etxarri Aranatz eta Irurtzungo bilkurak. Ondoren Josefina Arregi klinikako langileak. Eta azkenik emakumezko lixarrengotarrek egindako bilkura eta Iturmendin bildutako emakumeak.

Informazioa Guaixetik jaso dugu.

Horrela agertu da gaur Gernikan Joxe Mari Iparragirreren estatua. Olerkaria, euskal abeslari eta musikagilea, bereak dira Gernikako Arbola eta Agur Euskalerria kantuak. Gaur greba feministara deitzeko baliatu dute. Andrea Aiaperen argazkia.

Goizean jendetza ibili da manifestazioan. Argazkiak Gernikako Sare Feministaren eskutik.

Jarraian ekitaldiaren parte bat.

ELAren argazkia.

Potxuak Martxanen argazkiak.

Ondoko bideoan Lesakan egin duten kalejira ikus liteke:

<

Kontzentrazioa eta manifestazioa egin dituzte Leitzan:

Joaldunek alaitu dute Doneztebeko bilkura

Donostian erresidentzietako langile batek egin duen hitzartzea jarraian, Manu Robles Arangizek transkribatuta.

"Egun on denoi. Ni Aitziber naiz, erresidentzia bateko langilea. Azken 6 hilabetetan erresidentzietako langileok hainbat greba egun eta mobilizazio egin ditugu. Baina greba guzti hauen artean bereziena gaurkoa da, Martxoaren 8an inoiz baina indartsuago sentitzen garelako. Gure artean, emakumeon artean, indarberritzen garelako."

Gaur, Martxoak 8, erresidentzietako emakumeok mugimendu feministen deialdira batu gara, eta zuen alboan gogor borrokatuko dugu emakume bezala. Erresidentzietako emakumeok argi daukagulako berdintasuna lortzeko, soldata arrakalekin bukatzeko, zaintza lanei daukaten balioa emateko, bizitza erdigunean jartzeko, eta emakumeak, gizonak bezala, lehen mailako pertsona kontsideratuak izateko, Martxoak 8ko borroka egunero egin behar dela. Egunero da guretzako Martxoak 8. Sistema heteropatriarkal neoliberal honi aurre egin ahal izateko, egunero esan behar zaio argi eta ozen, gerrarako prest gaudela.

Irakurri osoa lotura honetan.

Herrikolorek goizaren laburpen-bideoa egin du.

Baztan: Egun osoan, Zaintzaren izeberga ikusgai dago Elizondoko plazan. Plaza girotu dute mandarrak margotuz, pankartak eginez… Eguerdiko emakatean 300 bat emakumek hartu dute parte, giro ederrean, fanfarrearekin. Plazan Zortzikoa, Zazpi Jauziak eta bertzelakoak dantzatu dituzte. Bazkalondotik, 17:00etan tribial feminista eginen dute (meriendarako zerbait ekarri beharko da). 19:00etan eskualdeko Bizitzak erdigunean! manifestazioa eginen dute.

Iturria: Erran.eus

Huelvako Isabel Martinen olerkia

A la huelga abestia

Momentu hunkigarriak utzi ditu manifestazio amaierako ekitaldiak, "A la huelga" abestiaren moldaketa feminista abestu denekoa kasu #M8GrebaFeminista #FeministokPlanto @argia pic.twitter.com/Oxom8HYOMa

— Amaia Lekunberri (@amaialekunberri) 2019(e)ko martxoaren 8(a)

Gasteizko Plaza Berria bete-beteta ikusi dugu eguerdirako. “Emakume altxa, hasi da iraultza” oihuekin berotu dute giroa eta ekimen antifaxistak eman dio hasiera manifestazioari, Espainiako Estatuko faxismoaren ordezkariei planto egiten dietela argi utziz. Jendetza izan da ibilbidean eta nabarmentzekoa da manifestazioaren aurretik, goizean Gasteizen egin dituzten pikete eta ekintzetan poliziarengandik hamar emakume jazartuak izan direla salatu duela mugimendu feministak. Ikusi manifestazioaren laburpena:

Jendetsua eta alaia izan da eguerdiko manifestazioa Iruñean. Gazteluko plazan jendetza elkartu da eta Ahotsa.info-ren bideo honetan ikusten den moduan, batzuk manifestariak animatzen aritu dira.

LAB sindikatuak zabaldu duen irudi honek erakusten du nola zegoen plaza eguerdian.

Baina oraindik bada aldarrikapenaren mamia guztiz argi ez daukanik ere...

Gazteluko Plazakoa bukatuta ere, mobilizazioak ez du etenik. Errepide mozketa batekin, migrazio politika salatu dute.

Hainbat identifikazio egin ditu poliziak errepide mozketa horrekin lotuta. 13:10ean erabaki dute ekintzarekin bukatzea eta arratsaldeko mobilizazioetan parte hartzera deitu dute.

"Ertzak gainez egin, zentroak okupatzeko" lelopean abiatu da manifestazioa Bilbon. Hain juxtu, ertzek gainez egin dute gaur, manifestazioaren zutabe ezberdinek emakumez beteta egin dutelako bidea. Espazioak berreskuratuz egin dute protesta, eta arraunlari emakumeek traineruan egin dute bat grebarekin. "Iraultza gu gara" abestu dute, Bilboko Udaletxera iritsi direnean. Hemen manifestazioaren laburpena, Amaia Lekunberriren eskutik:

Ehunka manifestari ibili dira Irungo karriketan eguerdian. Mugimendu Feministako kide Miren Lantzen hitzetan “mobilizazioa iazkoa bezain handia izan da”. Bere kalkuluen arabera, 1.000 pertsona izan dira.

Bestalde, udal batzarrak egindako 15 minutuko geldialdia kritikatu dute feministek. Talde batek udaleko ordezkarien inguruan zabaldu du bere pankarta: “Beren presentziarekin egungo mobilizazioa zuritzen" ari direla adierazi du Lantzek.

Euskal Herriko Mugimendu Feministak 150 lagun bildu ditu Baionako Merkatu Plazan. Gehienak gazteak, lizeoko ikasleak. Emaztekiak. Grebaren eragina tipia izan da. Mugimenduko kide Irati Fernandezek azpimarratu duenez, “jende askori oraindik ere azaldu behar zaizkio egungo borroka egunaren arrazoiak”. Hala ere, jendartea sentsibilizatzeko lanean segituko dutela adierazi du.

Borroka feministak aurpegi asko dituela gogora ekarri dute Donostian. Alor desberdinetako emakumeek hartu dute hitza eta bakoitzak bere errealitatea aurkeztu du: pentsionistak, Hondarribiko Jaizkibel Konpainia, desgaitasuna duten emakumeak, erresidentzietako langileak, etxeetako langile inmigranteak eta komisaldegietako garbitzaileak.

Bulebarrean jendetza bildu da eta giroa beroa izan da, Donostiako Feministak Twitter kontutik zabaldutako bideo honek erakusten duen moduan.

Gogoan izan dituzte iaz indarkeria matxistak hil zituen emakumeak. Minutuko isilunea eskaini diete.

Eguerdiko 12:00etarako minutu gutxi falta direnean, eguneko lehen manifestazio handia izango denerako giroa bero dago Euskal Herriko hiriburuetan. Manifestazioak bukatu bezain pronto igoko dugu horien laburpena.

Iruñeko pikete femnistek lortu dute hiriko arropa multinazional baten denda ixtea. Itziar Bardaji ARGIAko kolaboratzaileak kontatu du bertatik.

Pentsiodunen aldarriek ere kaleak hartu dituzte martxoaren 8an. Donostiako Bulebarreko irudi hauek zabaldu ditu Estitxu Eizagirre ARGIAko kazetariak.

Ermuan ere batu dira greba feministara. Argazkia: @M8Bizkaia

Hala Bedik jakinarazi duenez, Gasteizko Parlamentu aurrean zeuden emakumeetako bat atxiki dute ertzainek eta atari batean sartu dute. Atxikitako emakumeari babesa adierazten parlamentu aurrean dauden kideak kolpatzen ari da Ertzaintza, irratiak adierazi duenez. Ondoren mugimendu feministak jakinarazi duenez, ez dute emakumea atxilotu baina bai inputatu, eta gehitu du jadanik 10 emakume jazartuak izan direla Gasteizen.

EAEko Legebiltzarreko gaurko osoko bilkura bertan behera geratu ondoren, Araba, Bizkaia eta Gipuzkoako lehendakari Iñigo Urkulluk adierazi du feminismoa babesten duela eta "konpromisoa" agertu du emakumeen eta gizonen arteko berdintasuna lortzeko. Ez da gaurko egunarekin lotuta adierazpen publikoak egin dituen politikari bakarra. Baina hori al da martxoaren 8an erakundeei dagokien zeregina?

Zerbitzu publikoekin lotuta hainbat aldarrikapen egiten ari dira gaur, baita urte osoan ere. Lan-esparru feminizatuenetako langileek bizi duten egoeraren aurrean neurri zehatzak eskatu dituzte hainbat kolektibok. Adibidez, martxoaren hasieran Lanbideren Barakaldoko egoitzaren aurrean kuleroak zintzilikatu zituzten langabezian edo lan prekarioetan ari diren emakumeen egoera salatzeko. Diru Sarrerak Bermatzeko Errenta bezalako laguntzetan egin diren murrizketen kaltetu zuzenenak ere emakumeak dira. Iazko datuek erakusten dute argien: 65 urtetik gorako emakumeak dira Euskal Herriko pobreenak.

Problema zehatz horiek, ordea, ez dira aipatu ere egiten erakundeetako bozeramaileek martxoaren 8an hitz egiten dutenean.

Emakumeei kezkatzen dieten gaiez eztabaidatzen hasi dute eguna Lekeition. Argazkia: @PotxuakMartxan

Trikiti eta panderoak denen buru, kalejira alaia egin dute Donostiako Altza auzoan gaurko aldarrikapenekin bat egiteko.

Altzako kalejira feminista. Festa eta borroka, bizitzak erdigunera! #M8anFeministokPlanto #Donostia #altza pic.twitter.com/3wz00CuYWN

— Donostiako Feministak (@DFeministak) March 8, 2019

Gero eta emakume gehiago ari dira biltzen El Corte Inglés dagoen Gasteizko Bake kalean. Kalea bera moztu dute grebalariek.

Donostiako kale-izendegian gizonak dira nagusi. Egoera hori salatzeko eta hirian emakumeei presentzia handiagoa emateko ekintza prestatu dute martxoaren 8ko grebarekin lotuta: kale-izendegia aldatzea. Donostiako Feministek Twitter bidez zabaldu dute ekimena.

Gizonezkoen izena duten kaleei izenak aldatzen ari dira Groseko emakumeak. Kolon pasealekua Berta Caceres izango da aurrerantzean 🙆🏽‍♀️💜✊🏼 #M8Grebafeminista #BizitzakErdigunean @grosekojaiak pic.twitter.com/c6WgCkGF6x

— Donostiako Feministak (@DFeministak) March 8, 2019

Emakumez beteta dago Gasteizko El Corte Ingléseko sarrera. Pikete informatiboekin jarraitzen dute, Ertzaintza parean dutela.

"Heteropatriarkatu kapitalistari planto!" lelopean, martxan da Aguraingo mugimendu feminista. Argazkia: @LABsindikatua

Markel Olano Gipuzkoako Ahaldun Nagusiak kolore morea duen irudi bat zabaldu du gaur goizean Twitter bidez. Hondarribian emakumeek Alardean gizonen baldintza berdinetan parte hartzea defendatzen duen Jaizkibel konpainiak erantzun dio, esanez gaurkoa eskubide berdintasuna defendatzeko eguna dela salbuespenik gabe.

Gaur Feminismoaren eguna da. Eskubide berdintasuna aldarrikatzeko eguna. Berdintasunak ez du salbuespenik. Egunero martxoak8. pic.twitter.com/5LyH88FLN7

— Jaizkibel Konpainia (@Jaizkibel6) March 8, 2019

Jaizkibel konpainiaren erantzun honek badu bere testuingurua: Gipuzkoako Foru Aldundiak ez du Hondarribiko Alardearen afera berdintasun arazotzat jotzen, "bizikidetza problema" gisa baizik.

Zaintzen berrantolaketa soziala aldarrikatu du mugimendu feministak. "Zaintzaren ardura era kolektiboan hartuko duen bestelako gizarte eredu" bat helburu, neurri zehatzak eskatu dizkiote Bilboko Udalari: menpekotasuna duten pertsonen zaintzaile diren emakumeek udal mailan antolatutako ekintzetan parte hartzeko aukera ematea; zaintza lanak komunitate mailan hartzea erraztea; emakumeendako jabekuntza espazioei bide ematea; bakarrik bizi diren pertsona nagusiei laguntza zerbitzuak eskaintzea; zaintza lanak ikusaraztea; eta hiri mailako zaintza beharren arreta Udalak berak kudeatzea eta ez azpikontratatutako enpresen bidez.

Eskaera horiek gauzatzeko bideak ere proposatu ditu mugimendu feministak.