Urriaren 1eko erreferendumaren ondoren eman duen lehenbiziko elkarrizketan, Carles Puigdemont Generalitateko presidenteak adierazi du independentzia egun gutxiren buruan aldarrikatuko duela.

Atzoko mobilizazio jendetsuen ondoren, Espainiako Auzitegi Nazionalak deklaratzera deitu ditu Josep Lluis Trapero Mossoen burua, Jordi Sanchez ANCko burua eta Jordi Cuixart Omnium-ekoa. Hirurei sedizio delitua lepoatu die Carmen Lamela epaileak, irailaren 20an eta 21ean gertatuakoarengatik. Egun horietan, Guardia Zibilak Generalitateko hainbat kide atxilotu zituen operazioaren ondoren, mobilizazio jendetsuak egin ziren atxilotuekin elkartasunez.

Felipe VI.ak Kataluniako egoerari buruz egindako diskurtsoa uste baino gogorragoa izan da askorentzat. Telebistaz emititutako komunikatua aztertu dugu, baita horrek Iñigo Urkullu EAEko lehendakaria zer posiziotan uzten duen ere.

"Generalitatea legetik eta demokraziatik at jarri da, eta sistematikoki hautsi ditu arauak, zuzenbide estatuaren oinarriak urratuz eta Kataluniaren eta Espainia osoaren egonkortasun sozial eta ekonomikoa arriskuan jarriz", esan du Felipe VI.a Espainiako erregeak, telebistaren bitartez zabaldutako diskurtsoan. Kataluniako Gobernuaren jokabidea "oso larritzat" jo du, eta gaineratu du horren aurrean Espainiako Estatuko erakundeek erantzukizuna dutela zuzenbide estatuaren iraupena ziurtatzeko.

"Espainiar guztiei" lasaitasun mezu bat helarazi die: "Egoera hau gaindituko dugu". 

Katalunia osoa erreferendumaren eguneko errepresioagatik protestan dagoen egunaren amaieran, telebistaz mintzatuko zaie Felipe Borboikoa espainarrei iluntzeko 21:00etan.

RAC1 irrati-kateak argitaratu duenez, zantzuak daude infiltratuak egoteko gaur arratsaldeko manifestazioan eta egun osoan deituta dagoen greban. "Ordezkari instituzionalen hainbat barne-komunikazio" iturri gisa aipatu ditu hedabideak, baita Kataluniako Gobernuko iturriak ere.

ANCko Jordi Sanchezek ere antzeko ohartarazpena egin du: "Gaurko lanuztea ez du istilurik eragiten ari eta seguru dagoeneko badaudela buru maltzurrak, bake hau puskatu nahi dutenak infiltratuen bidez".

Bartzelonako Nou Barris auzunea izan da urriaren 1eko erreferendumean Espainiako Poliziak gehienetakoa jipoitu duena. Auzoko "Agora" eskolako mahaiko lehendakaria eta han lehen lerroan izan zirenekin hitz egin du Estitxu Eizagirrek: https://labur.eus/gtZXg

UPF Espainiako Fiskal Aurrerazaleen Elkarteak beren iritzia zabaldu dute atzoko gertakariez. Kataluniako subiranistek daramaten bidea kritikatzen du, Mossoen buruak bai baina mosso guztiak ez kriminalizatzeko eskatu, eta harrigarrriki hitz bakar bat ez du xahutu Guardia Zibil eta Polizia Nazionalen jokabide bortitza aipatzeko.

Irudi ikusgarri hauek jaso ditu Javier Pascual kazetariak: Bartzelonako kaleak 12:45ean nola dauden erakusten du bideoak.

Gironako beste bideo honetan ere ikusten da gaurko mobilizazio egunak izan duen harrera beroa.

Milaka lagun kalera atera da Katalunian gaurko greba egunarekin bat eginik. Oso mobilizazio jendetsuak egin dituzte eguerdian hiri eta herri askotan. Hona horietako batzuk.

Bartzelonako El Ravall auzoko Collaso i Gil eskolatik euskaraz mintzo ziren kalez jantzitako bi polizia kanporatu zituzten urriaren 1ean. Euskaldunen lana zelatatzen ari zirela salatu dute eskola horretako Erreferendumaren Defentsarako Komiteko (CDR) kideek.

Irakurri albistea osorik:

Ehunka lagunek Gironako AHTren geltokia okupatu dute eta trenen joan etorria geratzea lortu dute. La Directak informatu du.

100.000 biztanle inguru dituen Reus hirian manifestazioak egiten ari dira gauez, bertan apopilo dauden Espainiako Polizien hotel eta apartamentuen aurrean. "Indar okupatzaileak kanpora" edo "kaleak beti izango dira gureak" gisako oihuak dira nagusi.

Gaur goizean horrelako pontaketak agertu dira hirian: Indar okupatzaileak kanpora. Oso ausartak zarete adineko eta haurren aurka.

Portuko zamaketariek deituta, protesta egiten ari dira PPren Bartzelonako egoitzaren aurrean, igandean Espainiako Poliziak erabilitako bortizkeria salatzeko. Ikasle eta suhiltzaileek bat egin dute protestarekin, eta Mossoen lerro batek bereizten ditu manifestariak eta PPko egoitza.

Bartzelona eta Girona lehen mailako futbol taldeek euren instalazioetako ateak itxita mantenduko dituzte gaur. Espanyolek, bestalde, langile bakoitzaren esku utzi du lanuztearekin bat egiteko erabakia. Ekitaldi batzuk atzeratu egin ditu talde horrek, baina jokalariek normal entrenatuko dute.

Urriaren 1ean Mossoak San Feliuko Martí Dot hauteslekura azaldu ziren jendea kanporatzeko asmoz. Halere, Espainiako poliziek gainerako herri eta hirietan erakutsi zuten jarrera bortitzetik oso bestelakoa izan zen Mossoena, irudi hauetan ikus dezakegunez.

TV3k jakinarazi duenez, guardia zibilez eta Espainiako poliziez betetako bi itsasontziak urriaren 11ra arte geratuko dira Bartzelonako portuan. Hor geratzeko baimena luzatu du Barne Ministerioak.

Urriaren 1eko biolentzia eta zapalketaren aurrean, gaur greba orokorra antolatu dute Katalunian sindikatu ugarik eta Omnium Cultural eta ANC elkarteek. Goizean, Kataluniako hedabide gehienek azpimarratzen dutenez, deialdia jarraipen handia izaten ari da. Goizen goizetik, hainbat errepide nagusi itxi dute grebalariek, Kataluniako Garraio Zerbitzuak jakinarazi duenez. Tartean dira AP-7, A-2, C-25 edo B-23 autopista eta errepideak.

Astelehenen Kataluniako herri eta hiri askotako koartel eta komisaldegien aurrean elkartu dira milaka lagun, erreferendumaren egunean Espainiako Poliziak eta Guardia Zibilak izandako jarrera bortitza salatzeko.

Ciudadanos alderdiko buru Albert Riverak esan du prentsaren aurrean gaur, Mariano Rajoyrekin bildu ostean: "Demokraziaren kontrako kolpea gelditu nahi dugu, demokrazia gehiagorekin eta hauteskunde autonomikoekin. Hauteskundeok legezkoak izateko modu bakarra dago: Konstituzioaren 155. artikulua ezartzea". Artikulu horrek Autonomi Estatutua etetea ebazten du.

Kataluniako egoera politikoari buruz eztabaida berezia egingo dute Europako Parlamentuan asteazkenean 15:00etan.

Manifestazioa egiten ari dira Bartzelonan, Via Laietana etorbidean Espainiako Poliziak duen komisaldegiaren aurrean. 15:00etan ikasle talde batek errepidea moztu eta eraikinaren aurrean protesta abiatu dute atzoko Poliziaren errepresioaren aurka. Denborak aurrera egin hala, geroz eta jende gehiago biltzen ari da. Mossoak eraikinaren aurrean kokatu dira manifestariei begira, eta atzean Espainiako Poliziak ere hainbat furgoneta mugitu ditu, manifestazioa hazten ikusi dutenean.

Manifestari honek Twitterren dioenez, asmoa da ez uztea ateratzen furgonetei. Bideoan manifestariak kantari: "Gaur gauean autoan egingo duzue lo".

Gironan, urriaren 1eko operazioaren aurka protesta egiteko Espainiako Polizia agenteei klaxona jo dien auto-gidari bat jipoitu dute agenteek El Punt-Avui egunkariak argitaratu duenez. Gidatzen ari zen ibilgailuari bidea moztu eta zenbait agenteren artean jo egin diote. Beste agente batzuk inguruko gidariak mehatxatu dituzte: "Ez dut mugikor bat ere ikusi nahi, bestela lehertuko zaituztet" esan die batek, egunkari kataluniarrak jaso duenez.

Espainiako Poliziaren egoitzaren aurrean jarraitzen du manifestazio batek, Via Laietanan. Han bildutakoek giltzekin soinua nola egin duten jaso du Twitterreko erabiltzaile batek.

Ara mateix a Via Laietana: Les claus de la nostra llibertat!! pic.twitter.com/OfmFnNCtc9

— Batcova (@batcova) 2 de octubre de 2017

Catalunya Radio irrati publikoki Estat de Gracia saioan aipatu eta sare sozialetan beren izen-abizenez identifikatutako herritarrek osatu dute informazioa. Bart istilu larriak izan baldin badira Calellako Vila hotelean ostatu zeuden guardia zibilen eta lekuko herritarren artean, gaur ilunabarrerako joanak egongo dira agente guztiak: hotela itxi dute nagusiek.

Polizien aferei hurbileko jarraipena egiten dien herritar honek, gainera, Facebookean zabaldu du hotelean zegoen guardia zibil batek idatzitako kontakizuna. Bestalde, OKDiario hedabideak albistea berresteaz gain dio Los Palmerales izeneko hotelean dauden Polizia Nazionalei bihar eguerdia arteko epea eman dietela alde egiteko.

Via Laietana, Bartzelonako kale nagusienetako bat, bi norabideetan moztuta dagoela informatu du Bartzelonako udaltzaingoak. Arratsaldetik ari dira manifestariak hara inguratzen, atzoko operazioaren aurkako protesta gisa.

Tall de trànsit a la Via Laietana en els dos sentits de la marxa per manifestació. Fem desviaments a la zona. #infotrànsit

— Guàrdia Urbana BCN (@barcelona_GUB) 2 de octubre de 2017

Haserre handia dago Calella herrian bart bertako hotel batean ostatu dauden guardia zibilek jendea egurtu ostean. Jatetxe baten atarian menuaren ordez ohar hau ipini diete:

Twitterren @albert_dmcat erabiltzaileak Gironako kaleetako bideo hau sareratu du, non ikusten diren milaka herritar "kaleak beti gureak izango dira" oihukatzen.

Així està mobilitzada la ciutat de #Girona avui. No ens aturaran. Fins la #independència! pic.twitter.com/q0ZS0ayWwV

— ᗩLᙖᙓᖇT ᗟᙢ #1O #DUI (@albert_dmcat) 2 de octubre de 2017

Xabier Letonak erreferendumaren egunean Bartzelonan bizi izandakoa eta horri buruzko analisia osatu du.

ELA, LAB, ESK, STEILAS, HIRU, EHNE eta ETXALDE sindikatuek egin dute deialdia. Hasi dira bestelako erakundeak ere gehitzen, lehena Ernai.

#katalunarekin Bilkurak bihar lantokietan herri katalanarekiko elkartasuna adierazteko https://t.co/Suq0y7kyQ3

— ELA sindikatua (@ELAsindikatua) 2 de octubre de 2017

Carles Puigdemont Generalitateko presidenteak iragarri du asteartero egin ohi den Gobernuaren bilerarik ez dela izango urriaren 3an, greba orokorrarekin bat eginez.

"Igandean egin duguna indartzeko balioko du", esan du Puigdemontek grebari buruz, eta gehitu du espero duela "ahalik eta jarraipenik zabalena" izan dezala.

Atzo Espainiako indar polizialek egindako oldarraldien ondoren, ehunka herritar elkartu dira arratsaldean Bartzelonako Via Laietanan dagoen komisaldegiaren aurrean protesta egiteko.

300 manifestants, i creixent, davant la comissaria de Via Laietana! #ForaAgressors pic.twitter.com/nZM5gnPJDF

— @illa_pirata (@illa_pirata) 2017(e)ko urriak 2

Sentada davant la Jefatura de la Policia Nacional a Via Laietana. Els Mossos protegeixen la PN, que va vestida d'antiavalots i pistoles. pic.twitter.com/Qbv0UlOHYS

— Albert Lloreta (@AlbertLloreta) October 2, 2017

 

Bozeramaileen bilera honetan finka daitezke Legebiltzarraren hurrengo osoko bilkuraren eguna eta gai zerrenda. Kataluniak erreferendumaren ostean emango dituen hurrengo urratsen pista garrantzitsuak emango ditu bilerak.

Nacio Digitalek ek plazaratu duenez, Kataluniako Auzitegi Nagusitik erreferendumaren kontrako operazioa daraman epaileak itxiarazi du Diplocat Generalitatearen kanpo harremanetarako sailaren sistema informatikoa, boto kontaketan hori erabiltzen ari zirelakoan. Bitxi egiten da kronikaren arabera epaileak bere ebazpenean esandako hau: "[Generalitatearen] maniobra informatiko hauek erakusten dute badagoela nahi bat orain arteko agindu eta blokeoei izkin eginez bozketen kontaketa egiteko, bozketok egin direnean batere berme legalik gabe"

TVEko kazetariak lehertu egin dira Espainiako telebista kate publikoak urriaren 1eko erreferendumari emandako jarraipena dela eta. Madrilgo egoitzan, erredakzioko kideak Telediario albistegiaren eta 24 orduko katearen edizio mahaiaren aurrean elkartu dira, gaztelaniaz eta katalanez "lotsa" zioten orriak eskuetan.

Besteak beste José Gilgado albistegietako zuzuendaria eta Carmen Sastre zuzendariordea zeuden edizio mahaian. Eldiario.es agerkariak duela aste gutxi argitaratu zuenez, Sastrek argibide zehatzak helarazi zizkion kazetari bati Gürtelen ustelkeria kasua zela-eta Mariano Rajoyk Espainiako Auzitegi Nazionalean egin beharreko deklarazioaz. Argibide horiek PPk bere kideei nola jokatu azaltzeko zabaldutako berdinak ziren.

TVEko kazetarien protestak izan dira Sant Cugateko (Bartzelona) egoitzaren aurrean ere. Albistegietako Kontseiluak betrako erredakzioari babesa adierazi dio, eta zuzendatitza osoaren dimisioa eskatzen duen oharra argitaratu du.

TVEko kazetari batzuek sare sozialetan adierazi dute lotsa sentitu dutela urriaren 1ean beren hedabideak egindako jarraipen informatiboagatik.

Marta Torrecilla ikastetxe batean zegoen atzo, administrazioaren ordezkari. Bizi izandakoa kontatu du Radio Euskadin: “Espainiako Polizia iritsi zenean, jendea baketsu eseri zen eta haiek kolpeka hasi ziren, jendea botatzen, zapaltzen, jotzen… Tartean umeak eta adineko emakume ugari. Ondoren, eskailerak igo eta hautetsontziak hartu zituzten. Hori egin eta joango zirela uste genuen, baina ez, mahaietan kolpeak ematen hasi ziren, argazkiak ateratzen… Ni adineko jendea babesten saiatu nintzen eta Generalitatearen akreditazioa neramala ikusi zutenean, polizietako batek ero moduan erauzi zidan, eskaileretan behera bota ninduten, jo egin ninduten, arropa kendu, ukituak egin, eta batek eskumuturra eusten zidan bitartean beste batek hatzak bihurritu zizkidan, banan-banan. Gero kolpeka atera ninduten kalera. Ubeluneak ditut, urratuak… Jende gehiago zegoen ospitalean eta medikuak ezin sinetsita zeuden”.

"Aitona-amonak jotzen badituzte dena esanda dago, horrela da Katalunia deitzen den gure herrian. Bukatu da"

Xavier Novell Solsonako gotzainak atzo botoa eman zuen, aurreko egunetan agindu bezala, nahiz eta polizien errepresioagatik ezin izan zuen ohiko bozkalekuan egin. Gaur agintariei eskatu die gatazkari irtenbide baketsua aurkitzeko, herriaren hitza errespetatuz.

Agentziek zabaldu dutenez, Zeid Ra'ad Al Hussein NBEn giza eskubideentzako arduraduna atzo Kataluniatik zabaldutako irudiek hunkituta azaldu da. Polizien erasoen ikerketa zorrotz eta independentea eskatu die agintariei.