El Govern situa en tres milions la mobilització de l'1-O. Ara milers de persones continuen protegint els col·legis https://t.co/qBfqFP3qgM pic.twitter.com/zOj4sv2NWl

— NacióDigital (@naciodigital) 2017(e)ko urriak 1

Gau luzea izan daiteke, boto zenbaketarako denbora beharko dela esan du Jordi Turull Generalitateko bozeramaleak

Generalitateak salatu ostean polizia espainiarrek 465 jende zauritu dituztela, Alemaniako klehen ministroak Espainiakoari deitu dio gaiaz galdezka. Holger Zschaepitz kazetariak eman du albistea.

Madrilgo Soleko Atean milaka lagun elkartu dira Kataluniari elkartasuna adierazi eta Espainiako Estatuaren jarrera errepresiboa gaitzesteko. Polizia haien kontra oldartu da. 

Espainia osoko hiriburuetan elkarretaratzeak egiten ari dira Coordinadora 25S taldeak deituta.

Erreferendumaren zenbait areriok behin eta berriro esan duen arren posible zela bi aldiz bozkatzea (eta beraz, sistema informatikoa ez zela ziurra) RAC1 irratiko kazetari Oriol de Balanzók egin du saioa: behin eman ostean botoa, ordu batzuen buruan berriro saiatu da eta sistemak ez dio utzi. Bere Twitterrean kontatu du mundu guztiak jakin dezan sistemak bermea duela.

#Igualada-n korrika batean eta jendeak babestua eraman dituzte bozka-ontziak hauslekuetara arratsaldean.

Anna Gabriel CUPeko legebiltzarkideak dei egin du astearterako deituta dadgoen greba orokorrean parte hartzera. Hauteslekuak autodeterminazio eskubidearen "ikur eta gotorleku" izan behar dira Gabrielen esanetan, eta grebak, berriz, "herriaren boteretzearen enbrioia" izan behar lukeela gehitu du. Era berean, herritarrei deitu die hauteslekuen inguruan geratzeko gaur, botoen zenbaketa bermatze aldera.

Greba orokor deialdiarekin bat egin du ere Catalunya Sí Que Es Pot-eko legebiltzarkide Joan Ginerrek, twitter bidez:

https://twitter.com/argia/status/914538552180006912

Gazteak ondoren azaldu du Poliziaren erasoa nola izan den eta zer kalte eragin dion (katalanez).

La Vall d'en Bas herri txikian dagoenekoz herritarren %90ak eman du botoa eta Guardia Zibilak erreferenduma onenean izorratzea nahi ez dutenez, hautetsontziak ezkutatu dituzte. Ondoren, ospakizunetan ari dira herri musikarekin.

Ramon Tremosa eurodiputatuak esan duenez, Europar Batasunak ez du adierazpenik egingo bihar eguerdia arte. Vilawebek jaso du albistea.

Germà Bell Junts pel Sí konberjentziako diputatuak jendea animatu nahi du kalera irten dadin demokrazia defenditzera: "Telebistan ikusten al duzu nola egiten den Historia? Jaitsi zaitez hurbilen daukazun hauteskunde kolegiora, babestu hautetsontziak eta egin zuk zeuk Historia".

Aurretik emandako prentsaurrekoen ildo beretik jo du Jordi Turull Generalitateko bozeramaleak 18:30ak pasatxo egindako agerraldi labur-laburrean. Herritarrak zoriondu ditu lehenbizi: "Aske sentitzen diren gizon eta emakumeez osatutako herria direla erakutsi dute".

Hitz gogorrez baloratu du Espainiako Estatuaren erantzuna: "Europako lotsakizun bihurtu dira; basakeria da polizia egiten ari dena. nzaioarteko eskandalua". Orain arte 465 zaurituren berri izan dutela adierazi du Turullek. Halaber, poliziak 319 hautesleku ixtea lortu duela esan du, eta bozkatzera dei egin die orain arte ezin izan dutenei.

Hemen agerraldi osoaren bideoa:

La Vanguardia-k zabaldu duenez, hamalau legebiltzarkidek osatutako Britainia Handiko begirale ordezkaritzak iragarri du Espainiako Estatua salatuko duela Hagako Nazioarteko Zigor Auzitegian. Erreferendumari erabateko balioa aitortzen diotela gaineratu dute, eta eguneko gertakariak direla-eta "shock egoeran" daudela.

Generalitateak ere esan du Europako erakundeetara joko duela Espainiako Estatuaren jokaerarengatik erantzukizun eske.

EAJeren Euzkadi Buru Batzarraren izenean Itxaso Atutxak egin du balorazioa Bartzelonatik. "Kataluniako Gbernuak ziliegitasun osoz deitutako bozketa errespetatu behar zen, baina ez da egon horretarako borondate politikorik Espainiako Gibernuaren aldetik", esan du Atutxak besteak beste. Bideo honetan ikus daiteke adierazpena osorik: 

Bai sare sozialetatik eta bai komunikatzeko modu guztietatik, ardatz beraren inguruan ari dira mezuak zabaltzen erreferendumaren sustatzaileak: bozketa ez da amaitzen boto kontaketa bukatu arte eta tarte horretan lortu behar da hauteslekuak bezala bertan bildu diren materialak zaintzea. Jendeari eskatzen zaio hautesleku inguruetan jarraitzea, batik bat hiri handietan. Eta herri txikietan ari dira etor daitezkeen polizia eta guardia zibilei beren nahia nola oztopatu antolatzen.

Torelló herrian jendeak beren kotxeak trabestu ditu zenbait kaletan. Zein den esaten ez zaigun herri honetan, berriz, kamioi handi hau zeharkatu dute errepidean. Guardia Zibilak herriz herri baitabiltza hauteslekuak itxi eta materialak eramaten.

Zenbait informazioren arabera, herritarrak berak ari dira zenbait hautesleku desmuntatu eta ontziak gordetzen. Zabaldu baita herrira doazkiela 25 furgoneta bete guardia zibil. Jendea biltzen ari da boto eskubidea defenditzeko

Egun osoan zehar Kataluniako herriari elkartasuna adierazteko eta erreferendumaren aldeko elkarretaratzeak izan dira Euskal Herriko toki askotan. Gaueko 22:00etan Espainiako Estatuaren errepresioagatik herri guztietan kazeroladak egitera ere deitu da.

Hona hemen egunak utzitako irudietako batzuk:

Gasteizen jendetza bildu da Gure Esku Dagok deituta

Hona hemen Bilboko Errekalde auzoko irudia:

Durangaldean elkarreratze bat baino gehiago izan da. Irudian, Durangokoa:

Iruñeko irudia hauxe:

Radio Nacional de Españaren informazioen aniztasunaren bermea egiten omen duen Albisteen Kontseiluaren arduradunei azkenean kontzientzia arazo txikiren bat sortu die erabakiak eta hainbat mezu kritiko zabaldu dituzte.

Euskal Irratiek eman dute albistea, argazki eta guzti.

Hiriburuko antzoki publiko eta pribatu guztiek egingo dute greba gaur, "gure herriak bizi duen egoera lotsagarriagatik".

David Fernandezek zabaldu du argazki historiko zirraragarria.

Twitterrez zabaldu duenez, hiru pertsona ere edukiko lituzke atxilotuta `[kazetari objektibo batek esango luke gaizkile gutxi atxilotu ditu, egurtu dituen zientoka jendilaje kopuruarekin alderatuta], horien arteko bat adin txikikoa. Ez du argitzen gainerako hauteskunde kolegioak zabalik ote daudenez.

Barça-Las Palmas futbol partida ateak itxita jokatuko da. "Democràcia" aldarrikapena jarri dute Camp Nouko markagailuan.

El Periódico egunkariko Xabi Barrena kazetariak salatu du lanean ari zela bizkarretik buruan kolpatu dutela Espainiako poliziek.