Administrazioeetako iturriek zabaldutako informazioen arabera, Hegoaldean azken egunean 8 pertsona hil dira koronabirusak jota, 7 Euskal Autonomi Erkidegoan eta 1 Nafarroan. Denetara Euskal Herrian maiatzaren 23a arte 2.013 pertsona hil ditu Covid-19ak, Euskal Autonomi Erkidegoan 1.494, Nafarroan 509 eta Ipar Euskal Herrian 10.

Euskal herritarrok azken estatistiken arabera 3,17 milioi biztanle garenez, gure arteko hilkortasun tasa da milioi 1 biztanleko 635.

Uztailetik aurrera "atzerritarren sarrera baimenduko da, segurtasun neurriekin", Pedro Sanchez Espainiako gobernuburuak jakinarazi duenez.

Pandemia eragin duen SARS-Cov-2 birusaren jatorria oraindik eztabaidagai den moduan, estatistikei begiratuz gero zalantzarik uzten ez duena da munduan jende gehiena non hil duen: Europan eta Ipar Amerikan nagusiki. Munduko beste herrialde askotan gaixotasunak eragin dituen edo eragiteko zorian omen den biktimez informazio asko zabaltzen da hedabide nagusietan baina orain artean sarraskirik handienak konfort handienean bizi diren gizarteetan burutu ditu koronabirusak.

Pekinen Alderdi Komunistaren biltzar nagusiaren irekieran Li Keqiang lehen ministroak egin du iragarpena: Txinako administrazioak lehenbiziko aldiz bere buruari Barne Produktu Gordinaren helbururik markatu gabe arituko dira 2020. urtean zehar, COVID-19ak eragin duen ziurgabetasun egoera honetan jarduteko modurik egokiena delakoan. Hamarkada luzez gertatu ez bezala, aurtengo lehen hiru hilabeteetan Txinak bere ekonomia jarduera %6,8an murrizten ikusi du.

Txinak 2020an Barne Produktu Gordinaren igoera-helburu barik funtzionatuko du

Hauek dira maiatzaren 22ko goiz aldera arte Covid-19 izurriak mundu osoan eragin dituen biktimen kopuru nagusiak, Worldometers zerbitzuak bezperako azken orduan zenbatuta:

- Hilak 334.672. Herrialdeka: AEB 96.354, Erresuma Batua 36.042, Italia 32.486, Frantzia 28.215, Espainia 27.940, Brasil 20.082, Belgika 9.186, Alemania 8.309, Iran 7.249, Kanada 6.152, Mexiko 6.090, Herbehereak 5.775, Txina 4.634, Turkia 4.249, Suedia 3.871, India 3.584, Peru 3.148, Errusia 3.099, Ekuador 2.939, [Euskal Herria 1.999, Worldometersek ez du biltzen, ez da estatua], Suitza 1.898, Irlanda 1.583, Indonesia 1.278, Portugal 1.277, Errumania 1.156, Pakistan 1.017...

- Kutsatuak 5.197.739. Herrialdeka: AEB 1.620.902, Espainia 317.554, Errusia 310.921, Brasil 280.117, Erresuma Batua 250.908, Italia 228.006, Frantzia 181.826, Alemania 179.021, Turkia 153.548, Iran 129.341, India 118.226, Peru 108.769, Txina 82.967, Kanada 81.324, Saudi Arabia 65.077, Txile 57.581, Mexiko 56.594, Txile 53.617, Belgika 56.235, Pakistan 48.091, Herbehereak 44.700, Qatar 38.651, Ekuador 35.306, Bielorrusia 33.371, Suedia 32.172, Suitza 30.694, Portugal 29.912, Singapur 29.812, [Euskal Herria 27.728, Worldometersek ez du biltzen, ez da estatua], Bangladesh 28.511, Arabiar Emirerri Batuak 26.898, Irlanda 24.391...

- Sendatuak 2.082.626.

- Heriotzak miloi 1 biztanleko 42,9. Munduan: San Marino 1.209, Belgika 793, Andorra 660, [Euskal Herria 630, Worldometersek ez du biltzen, ez da estatua], Espainia 598, Italia 537, Erresuma Batua 531, Frantzia 432, Suedia 384, Sint Marteen (San Martin uhartearen zati holandarra) 350, Herbehereak 337, Irlanda 321, AEB 281, Man uhartea 282, Anglo-normandiar uharteak 259, Suitza 219, Montserrat 200, Luxemburgo 174...

Munduko estatistikak herrialdeka jarraian ikusteko:

Worldometers

Johns Hopkins Institute

Mugikortasun jasangarria ardatz izango duen plan bat egiteko eta Bizikletaren Nafarroako kontseilua sortzeko eskatu dio Nafarroako parlamentuak foru gobernuari, PSN, Geroa Bai eta Ezkerrak aurkeztu duten mozio bat onartuta.

Ikastetxeak itxita eta etxean konfinatuta, familia erdaldunetako seme-alaba ugariri asko murriztu zaie euskaraz aritzeko aukera, eta beraiekin hitz egiteko mintzapraktika sare sendoa osatu dute Bilbo Handian: 450 etxe baino gehiagotara heldu dira, baina ekimena oso arrakastatsua izaten ari da eta handitzen ari da eskaera; haurrekin astean pare bat egunetan telefonoz euskaraz arituko diren boluntarioak behar dituzte.

Administrazioeetako iturriek zabaldutako informazioen arabera, denetara Euskal Herrian maiatzaren 21eko arratsaldea arte 1.999 pertsona hil ditu Covid-19ak, Euskal Autonomi Erkidegoan 1.483, Nafarroan 506 eta Ipar Euskal Herrian 10.

Euskal herritarrok azken estatistiken arabera 3,17 milioi biztanle garenez, gure arteko hilkortasun tasa da milioi 1 biztanleko 630.

Ez dakiguna da zein tamainakoa izango den eta noiz gertatuko den COVID-19aren hurrengo erasoa, baina gertatuko dela badakigu birusaren ezaugarriengatik, hala mintzatu zaio The Guardian egunkariari Andrea Ammon doktorea, Europar Batasunean Gaixotasunen Prebentziorako Zerbitzuaren (ECDC ingelesezko sigletan) burua dena. Haren ustean, martxoan eskiatzera joateko oporretako itzulerak garrantzia berezia eduki zuen epidemiaren barreiatzean.

Pedro Sánchez presidenteak alarma egoeraren bosgarren luzapena aurrera aterako du, Ciudadanos eta EAJren baiezkoari esker. EH Bildu abstenitu egingo da.

Ikastolen Elkarteak datak zehaztu ditu: Herri Urrats irailaren 20an Senperen, Kilometroak urriaren 4an Amasa-Villabonan, Araba Euskaraz Amurrion eta Ibilaldia Elorrion urriaren 18an. Aldiz, Lizarrako ikastolak eta Nafarroa Oinez fundazioak adierazi dute ez direla baldintzak ematen aurten jaia egiteko.

Administrazioeetako iturriek zabaldutako informazioen arabera, denetara Euskal Herrian maiatzaren 20a arte 1.993 pertsona hil ditu Covid-19ak, azken egunean 10, denak Euskal Autonomi Erkidegoan.

Euskal herritarrok azken estatistiken arabera 3,17 milioi biztanle garenez, gure arteko hilkortasun tasa da milioi 1 biztanleko 628.

Albistea osatzeko lanean ari gara.

Donald Trumpek azken asteotan Osasunerako Mundu Erakundeari egindako eraso eta mehatxuen aurrean, munduko herrialde gehienek espreski agertu diote beren atxikimendua erakundeari asteartean egindako osoko bilkuran. AEBetako buruak behin eta berriro salatua zuen OME Txinaren interesetara makurtzen dela eta herrialde horri –zeinari egozten dion pandemiaren errudun izatea– bere erantzukizunei iskin egitea baimendu diola. Asteartean bozkatutako erabakian OMEren batzarraren kideek zuzendaritzari beren konfiantza berresteaz gain eskatzen diote COVID-19 pandemiari munduak eman dion erantzuna ikertu dezala.

Giza eskubideen eta askatasunen aldeko bi elkartek auzitara eraman zuten Parisko Polizia Prefetura, konfinamendua kontrolatzeko martxoaren 18tik droneak erabiltzeagatik. Estatu Kontseiluak arrazoia eman die eta droneen erabilera debekatu du, gobernuak horien erabilera arautzen ez duen bitartean.

128 ikastetxe eta 90.000 familia hartzen ditu Kristau Eskolak Araba, Bizkaia eta Gipuzkoan. 4. DBHko, 2. Batxilergoko eta Lanbide Heziketako ikasleentzat irekiko dituzte ateak ikasturte amaiera honetan, “gradualki” eta “mugatuta”. Online hezkuntzan zailtasunak izan dituzten ikasleak, errefortzua behar dutenak, azterketa bereziak egin behar dituztenak… ere itzuliko dira eskolara.

Araba, Bizkaia eta Gipuzkoan klase presentzialen itzulera plana bertan behera uztea exijitzeko, Bigarren Hezkuntzan eta Lanbide Heziketan ikasle greba mugagabea deitu du IAk.

Jai herrikoiak antolatzen dituzten Hego Euskal Herriko lau hiriburuetako kolektiboek salatu dutenez, erakunde publikoek ez dute beraien iritzia kontuan izan jaiak bertan behera uztean. Ez dute erabakia bera zalantzan jartzen, gauzak nola egin diren baizik.

Ikerketa batek COVID-19aren Espainiako Estatuko fokuak eta mugikortasunarekin duten zerikusia gurutzatu ditu. Madrilek pandemiarne hedapenaren epizentro gisa bete duen papera frogatuta geratu da horri esker.

Administrazioeetako iturriek zabaldutako informazioen arabera, denetara Euskal Herrian maiatzaren 19a arte 1.983 pertsona hil ditu Covid-19ak, azken egunean 3, denak Euskal Autonomi Erkidegoan. Denetara 27.478 kutsatu dira eta ospitaleratuta 471 daude. "Sendatuak" ataleko kopururik ez du gehiago ematen Berria egunkariak –Euskal Herri mailako estatistikak pandemiaren hasieratik osatu dituen erakunde bakarrak–, maiatzaren 14an EAEko datuen kontabilitatean Osakidetzak egindako aldaketen ondorioz kopuruok kalkulatzeko bermerik ez dela eta.

Hildakoak honela banatzen dira lurraldeka: Araban 380 (+1), Bizkaian 825 (+1), Gipuzkoan 285 (+1), Nafarroan 503 (+0). Iparraldeko 10 herritar hil dira pandemiaren hasieratik.

Euskal herritarrok azken estatistiken arabera 3,17 milioi biztanle garenez, gure arteko hilkortasun tasa da milioi 1 biztanleko 625. Lurraldeka (bezperako datuekin): Araba 1.085, Bizkaia 715, Gipuzkoa 393, Nafarroa 768.

Konparazioak egiten hasita, Italian eta Espainian gehien kaltetutako eskualdeekin alderatuz gero, Lombardiak milioiko 1.550 heriotza zeuzkan bezpera arte eta Madrilek 1.330. Mundu mailan herrialde kaltetuenen zerrenda, berriz, honela dago kontatuz heriotzak miloi 1 biztanleko (bezperako datuekin): San Marino 1.209, Belgika 784, Andorra 660, Espainia 593, Italia 529, Erresuma Batua 513, Frantzia 433, Suedia 366, Sint Marteen (San Martin uhartearen zati holandarra) 350, Herbehereak 332, Irlanda 314...

Administrazioek antzeko heriotzak “ezkutatu” eta etxegabeak ikusezin bihurtzen dituztela salatu du ekimen herritarrak. Etxerik ez duten pertsonentzako baliabide nahikoak eta duinak exijitu ditu: “Yolanda hil den egoeran inork ez luke hil behar”.

Mirene Begiristain Ekonomian doktorea da. Telesforo Monzon Euskal Herrigintzarako Laborategian artikulua argitaratu du, eta hemen jaso dugu laburpen bat.