Hiru herrialde baltikoetako parlamentuek onartutako ebazpenean, Nazio Batuen Erakundeari eskatu diote Ukrainako aire espazioa ixteko neurriak hartzeko, "zibilen hilketa masiboak sahiesteko".

The Latvian Parliament @Jekaba11 calls for the establishment of #nofly zone in the territory of #Ukraine and for other measures such as sanctions to curb #Russian aggression. The mass deaths of civilians must be prevented immediately. #StandWithUkraine️ ???? pic.twitter.com/3KYeHcYCyS

— Rihards Kols (@RihardsKols) March 17, 2022

NATOko 27 herrialdeetako 30.000 soldaduk hartuko dute parte ariketa militarretan, Ukrainako inbasioak eragin duen tentsioaren igoerari erantzuteko. 'Erantzun Hotza 2022' (Cold Response 2022) deitu diote operazioari, eta helburua Norvegiak aliatuen errefortzu bat nola kudeatuko lukeen probatzea da. Martxoaren 14an hasi zituzten ariketak, eta apirilaren lehenean amaituko dituzte.

"Ariketa defentsiboak dira" adierazi du operazioaren ardura duen Yngve Odlo generalak, eta helburu erasokorrik ez dutela azpimarratu du.

NATOko aliantzaren parte ez diren baina bazkide militarrak diren Finlandiak eta Suediak ere parte hartuko dute ariketetan.

Ukrainako inbasioa hasi zenetik, mendebaldeko herriak defentsara bideratutako gastua handitzen ari dira. Hain zuzen ere, Europar Batasuneko 27 herrialdeek hori bera adostu zuten Versalleseko Goi Gailurrean. Norvegiak 308 milioi euro gehiago bideratuko ditu indar armatuetara, eta helburua iparraldean Errusiarekin duen mugaren ingurua indartzea da.

NATO entsegu militarrak egiten ari da Norvegia iparraldean, Errusiarekin duen mugatik gertu.

Errusiako Defentsa Ministerioko bozeramaileak, Igor Konashenkovek, Donbasseko egoeraren inguruan hitz egin du bideo batean. Bere hitzetan, Luhansk eskualdean Ukrainak zituen lurren %90a hartu ditu Errusiako armadak. Donetsk eskualdearekin muga egiten duen lur zati bat geratzen zaio oraindik Ukrainari.

Donetsk eskualdean, bestalde, hegoaldean hartu ditu Errusiak lurrak, Rostov Krimearekin lotzeko korridorea irekitzeko. Eremu horretan Mariupol hiria da oraindik borrokak dauden leku bakarra.

Минобороны РФ публикует карту освобождения территории ДНР и ЛНР pic.twitter.com/aCGnfeapD4

— ДНР Онлайн (@DNR_online_) March 18, 2022

Errusiako armadak Lviv hiriko aireportua bonbardatu du gaur goizean. Tokiko agintarien arabera, bonbek ez dituzte aireportuko azpiegiturak jo, eta aireportuaren ondoko hegazkinak konpontzeko fabrika bat izan da kaltetua.

Lviv Ukraina mendebaldeko hiri garrantzitsuenetariko bat da, eta Poloniako mugatik 70 kilometrora dago.

Donetsk Herri Errepublikako Herri Miliziaren ordezkari ofizialak, Eduard Basurinek, adierazi du Errusiak Donbasseko aire espazioa itxi duela. Bestalde, Ukrainako armadaren bonbardaketek lau zibil hil dituztela adierazi dute Donetskeko agintariek.

Россия создала бесполетную зону над Донбассом, заявил официальный представитель Народной милиции Донецкой народной республики Эдуард Басурин.https://t.co/7MOVS4PdHZ pic.twitter.com/u00Fc2O3WN

— Радио Вести FM (@vesti_fm) March 18, 2022

20 ukrainar hil eta 25 zauritu dira Errusiako hegazkinek eskola baten eta gune komunitario baten aurka eginiko erasoan. Ikaslerik ez zen barruan, ikasturtea guda hastearekin batera amaitu baitzen.

Mila bolondres txetxeniar Ukrainara bidean direla, Errusiarekin borroka egitera. Horixe esan du Txetxeniar errusiazalearen sinbolo den Ramzan Kadyrovek.

Telegram-en esan du bere senideetako bat buru dutela, "Ukrainako desnazifikazio eta desmilitarizazio operazio berezian parte hartzera doazela Txetxeniako errepublikako mila boluntario".

Txetxeniako indar armatuei herrialdeko independentisten aurka gehiegikeria ugari egin izana leporatzen zaie.

Moskuk deitoratu du Europako Espazio Agentziak eten izana Errusiar-Europako misioa, Ukrainako gerra dela eta.

Errusiako espazio-buru Dmitry Rogozinek publikoki adierazi du "lotsagarria" iruditu zaiola erabakia, Al Jazeeran irakur daitekeenez.

"Oso [erabaki] mingotsa da espazioko zaletu guztientzat eta Errusiak gure kabuz espedizio hau aurrera aterako dugu", gaineratu du.

Munduko labore-ekoizle nagusietako bi diren Errusia eta Ukrainaren arteko gudak, datozen 12 edo 18 hilabeteetan elikadura krisia eragingo du Afrikan eta Ekialde Hurbilean. Horixe esan du Emmanuel Macron Frantziako presidenteak, Reuters agentziak jaso duenez.

Turkiako presidente Recep Tayyip Erdoganek telefonoz Putini eskaini dio Turkian egitea bere eta Zelenskiren arteko bilera, Al Jazeeran irakur daitekeenez.

Turkiako gobernuak zabaldutako oharrean esan dute Erdoganek Putini esan diola gai batzuei buruen inguruan akordioak lortzeko, buruzagien arteko bilera bat egitea ideia ona dela.

Nazioarteko Gurutze Gorriak (ICRC ingelesezko sigletan) alde biei eskatu die uzteko laguntza humanitarioa sartzen Mariupol hirira eta korridore humanitarioak irekitzeko hiritik atera daitezen zibilak.

ICRC-k asteazkenean utzi behar izan zuen hiria, erakundearen buru Peter Maurerrek asteazkenean prentsaurrean esan duenez, bere kideek "jada ez zeukatelako gaitasun operatiborik". Esan duenez, bi aldeek laguntza humanitarioa sartzea onartuko balute, "segurua izan bezain pronto" itzuliko lirateke.

Horrez gain, bi aldeei eskatu diete uzteko ikusten guda presoak, gogoraraziz kapturatutako soldaduak duintasunez tratatu behar direla eta ez direla beren irudiak publikoki zabaldu behar.

Mariupol hiria Ukraina hego ekialdean dago eta Errusiako armadak hiria hartzeko bataila latzak libratu dituzte. Neonaziz osatutako Azov batailoia hiriaren defentsan nabarmendu da.

Ukrainak jarritako salaketaren aurrean, kautelazko neurri gisa operazio militarra gelditzeko eskatu dio Errusiari Nazioarteko Justizia Gorteak. Bestalde, Errusiaren kontrolpean egon daitezkeen talde militar irregularren jarduera etetea bermatzea eskatu dio Errusiari berari. Bi eskaera hauek aldeko hamairu eta aurkako bi bozkez egin dute aurrera.

Ukrainak Nazioarteko Justizia Gortearen aurrean salatu du Errusia, genozidioa egiten ari dela salatuz, Genozidioaren Prebentziorako eta Zigorrerako Konbentzioari atxikita.

READ HERE: a summary of the #ICJ Order indicating provisional measures in the case concerning Allegations of Genocide under the Convention on the Prevention and Punishment of the Crime of Genocide (#Ukraine v. #Russia) https://t.co/joZ3kWkfiQ pic.twitter.com/D6YsHmVHOH

— CIJ_ICJ (@CIJ_ICJ) March 16, 2022

Italiako Union Sindicale de Base sindikatuak salatu duenez, Pisako Galileo Galilei aireportuan iruzur egiten ari dira, NATOko hegazkinetan elikagaiak eta medikuntza materiala kargatu beharrean, Ukrainarako armekin eta leherkariekin hornitzen ari dira. Sindikatuko langileek salaketa egin dute Pisan eta uko egin diote karga lanak egiteari.

Ursula von der Leyen Europar Komisioko presidentearen arabera, Ukrainako eta Moldaviako sare elektrikoak Europa kontinentalekoarekin lotu dituzte. Lotura hau inbasioak irauten duen bitartean energiarako sarbidea bermatua izateko egin dute.

"Gaur hartu dugun erabaki giltzarria ospatzen dut, garai ilun hauetan argiak piztu eta etxea bero mantendu ahal izateko. Moldavia eta Ukrainaren energia sistemak estabilizatzeko lanean jarraituko dugu", adierazi du von der Leyenek.

Ukraine, Moldova and Europe: shared values, shared power and solidarity.

I welcome the key step taken today to keep lights on and houses warm in these dark times by synchronising the electricity grids of ???? with ?? grid.

We'll continue working to stabilise their power systems pic.twitter.com/x2UZRtO7Ze

— Ursula von der Leyen (@vonderleyen) March 16, 2022

Errusiar armadak inguratutako Mariupol hirian hil da Mykola Kravchenko 'Kruk'. Ukrainako Parlamentuko diputatu ohiak, Igor Mosiychukek, baieztatu du Kravchenkoren heriotza.

Kravchenko Azov Batailoiaren sortzaileetako bat zen, baita National Corps Party alderdiko ideologoetako bat ere. National Corps Azov Batailoiaren gorputz politikoa da, eta Azov Batailoia, aldi berean, Ukrainako Guardia Nazionalean dago integratuta.

Orientir argitaletxearen sortzaileetako bat ere bazen Kravchenko.

Grezia, Italia, Espainia eta Portugal Erroman elkartuko dira ostiral honetan, subiranotasun energetikoarekin zerikusia duten gaiei buruz hitz egiteko. 

Ukrainako inbasioaren ostean, Europar Batasuneko 27 herrialdeek Versalleseko gailurrean adostu zuten Errusiarekiko independentzia energetikoa irabazteko neurriak hartzea, eta hori lortzeko bidean elkartuko dira Mario Draghi, Antonio Costa, Pedro Sanchez eta Kyriakos Mitsotakis.

Kherson Ukraina hegoaldeko herria Errusiako armadaren kontrolpean dago, baita aireportua ere. Ukrainako armadak gaur aireportua bonbardatu du, eta hainbat helikoptero eta beste azpiegitura batzuk suntsitu ditu.

Bestalde, Errusiako armadak Chernigov hiriko tren geltokia bonbardatu du, eta Ukrainako armadaren sistema antiaereoak eskuratu ditu.