Venezuelako egoera politikoaren jarraipena egiten ari gara artikulu honetan. Apirilaren 30ean Juan Guaidók Guaidok altxamendu militarrera deitu ditu herritarrak eta etxean preso zegoen Leopoldo López opositorea "askatu" dute.
Ostegun goizean milaka militar batu dira Caracasen, gobernuari babesa adierazteko eta Indar Armatuen batasuna irudikatzeko. Nicolás Maduro presidenteak hartu du hitza haien aurrean. “Une historiko” honetan Indar Armatuek munduari “irakasgai historiko” bat eman behar diotela azpimarratu du, “Washingtonen dolarrengatik saltzen diren traidoreen saiakera kolpistak porrotera eramanez”.
Armadaren babesa irudikatzeko ekitaldia egin eta ordu batzuetara hiriburuko auzitegi batek Leopoldo López atxilotzeko agindua eman zuen. Oposizioko kidea etxeko espetxealdia betetzen ari da eta auzitegiak ebatzi du agerian urratu duela kartzelaldia.
Asteazkenean, maiatzaren lehenean, mobilizazioak deitu zituzten indar chavistek zein oposizioak. Oposizioak deitutako elkarretaratzeetako batzuetan istilu larriak izan dira, eta bi manifestari hil dira. Juan Guaido kolpista manifestazioetako batean agertu da. Hurrengo asteetan sektoreka grebak egitera deitu ditu langileak, greba orokorrera heldu arte. Oposizioak, edonola ere, herritarren atxikimendua eta mobilizazio masiboa lortu ezinean jarraitzen du.
Chavistak Caracas erdialdean batu ziren. Madurok azken kolpe saiakeraren aurrean zigorgabetasunik ez dela izango adierazi du milaka herritarren aurrean: “Justizia egon behar du bakea egon dadin”.
Venezuelako buru Nicolas Madurok agerraldi publikoa egin du eta jakinarazi du estatu kolpe saiakerak porrot egin duela eta egoera kontrolpean duela. Bere Twitter kontuan eta armadako agintari gorenak inguruan dituela eman du egoeraren berri.
Madurok azaldu du hiru norabidetan jo zutela atzoko egunean: batetik, Venezuelan bertan eta nazioartean zabaltzen ari zen informazio faltsuari aurre eginez; bestetik, matxinatuen kontrola ahalik eta indar erabilera txikienarekin, eta azkenik, herritarrak deituz Maduroren defentsan.
Lehendakariaren deialdiari erantzunez, hamarnaka mila pertsona bildu ziren Miraflores Jauregiaren inguruan estatu kolpea salatu eta lehendakariari sostengua agertzeko. Enfrentamendu armatuak La Carlota aire armadaren inguruan izan ziren, hainbat zauritu eraginez. Lehendakariak jakinarazi zuenez, zortzi tanketa eta kalibre handiko lau ametrailadora zituzten matxinatuen.
Estatu kolpe saioak aurrera ez zuela egiten ikusirik, Leopoldo López eta bere familia Txileko enbaxadan babestu ziren. Saioan parte hartutako beste 25 militarrek berdin egin zuten Brasilgo enbaxadan. Juan Guaidó buruzagi matxinatua, bestalde, gorde egin zen. López eta Guaidók egunean zehar dei ugari egin zieten herritarrei matxinadara batzeko, baina ez zuten lortu jendetzarik biltzea. Madurok jakinarazi zuen, justiziak parte hartuko duela matxinadan parte hartutakoak zigortzeko.
Beheko txioan Madurok Twitterrez zabaldutako mezua:
Message to the Venezuelan people and to the world, before the new onslaught against the Peace of the Homeland. https://t.co/iLPK4EucEj
— Nicolás Maduro (@maduro_en) 2019(e)ko maiatzaren 1(a)
Hemen gaurko deialdiak, "Venezuela aurrera" lelopean.
Presidentearen Miraflores Jauregiaren aurrean grabatu dute bideo hau.
#EnVideo 📹 | @dcabellor que el imperialismo entienda que más nunca volverán a este Palacio pic.twitter.com/UjXaKItBZb
— YVKE Mundial (@YVKE_MUNDIAL) 2019(e)ko apirilaren 30(a)
Jon Artano EiTBko berriemaleak sareratu du Luis Gonzalez kazetariaren bideoa. Bertan ikus daiteke zein den egoera Venezuelan.
militar altxatuak eta leialak elkarri tiroka @luisgonzaloprz’ena da bideoa pic.twitter.com/zGuR1tXpWw
— jon artano izeta (@jonartano) 2019(e)ko apirilaren 30(a)
Altxamendua gertatu den koartelean zer gertatu zen kontatu dute kolpearen aurkako militarrek. Telesurren bideo honek testigantza bat jaso du.
Militar narra cómo fueron engañados para dar el golpe de Estado en Venezuela, que fue neutralizado https://t.co/Z0EfNt0PHv
— teleSUR TV (@teleSURtv) 2019(e)ko apirilaren 30(a)
"Este es otro sabotaje de la derecha golpista que quiere que nosotros mismos nos enfrentemos" pic.twitter.com/mMvmGj9Z55
Donald Trumpen gobernuak modu irekian babestu izana du aurretik ere Juan Guaidóren estrategia. Gaur gauza bera egin du: "Gaur, Guaidó presidenteak iragarri du Askatasuna Operazioa ("Operación Libertad" gaztelaniaz). AEBetako gobernuak erabat babesten du Venezuelako herriaren borroka bere askatasunaren eta demokraziaren alde. Demokrazia ezin da garaitu".
Bakearen eta Konstituzioaren alde, Venezuelako oposizioak boterea biolentzia erabiliz bilatzea gaitzetsi dute, Telesurrek informatu duenez.
Venezuelako Batzar Nazional Konstituienteko presidente Diosdado Cabellok gezurtatu egin du Carlotako Aire Basea hartuta daukatenik opositoreek. Eskuin muturrarekin batera estatu kolpea sustatzen ari diren militarren kopurua txikia dela adierazi du.
Jorge Rodriguezek Venezuelako Komunikazio ministroak egindako adierazpenen arabera, estatu kolpea egin asmo duen "indar militar traidoreen talde murritzar" aurre egiten eta berau desaktibatzen ari dira. "(Estatu kolpe) saiakera honi eskuin mutur kolpista eta hiltzailea batu zaio, zeinak duela hilabeteak eman zuen bere indarkeriazko agendaren berri. Indar Armatu Nazional Bolivariano loriatsuaren ondoan erne egotera, estatu kolpe saiakera garaitzera eta bakea mantentzera dei egiten diogu herriari", adierazi du.
Gobernuak herritarrak deitu ditu Miraflores Jauregian kontzentratzera estatu kolpea deitoratzeko.
Venezuelako militarrek etxe barruko arrestatzea zeukan Leopoldo López askatu eta armadak Caracasen duen La Carlota egoitzara eraman dute. López eta hainbat militar ondoan zituela grabatu du bideoa bere burua Venezuelako presidente izendatu zuen Guaidok.
“Usurpazioaren etetea gaur hasten da. Soldadu eta familia militar guztiari dei egiten diet, balentria honetan lagundu gaitzaten (…) orain da momentua, ez bakarrik barealdiarena eta zuhurtziarena, baizik eta adore eta zentzuarena”, adierazi du kamera aurrean.
Twitter bidez Venezualko herriari zuzendu zaio, eta indar armatuen babesa duela adierazi. Base militar nagusietan biltzera dei egin dio jendeari: “Venezuelako herria, beharrezkoa da denok batera kalera ateratzea, indar demokratikoak babestu eta gure askatasuna berreskuratzera. Antolatuta eta batuta, mobilizatu base militar nagusietan”.
En el marco de nuestra constitución. Y por el cese definitivo de la usurpación. https://t.co/3RD2bnQhxt
— Juan Guaidó (@jguaido) 2019(e)ko apirilaren 30(a)
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
“Herriaren eta beren familien alde” jartzeko eskatu diete Edmundo Gonzálezek eta María Corina Machadok adierazpen bateratu baten bitartez. Maduroren gobernuak erantzun egin die, eta erabaki dute dokumentuaren sinatzaile biei “ikerketa penala... [+]
Maduroren hautagaitzak botoen %51,2 eskuratu du, eta %44,2 oposizioko hautagai nagusi Edmundo Gonzálezek, Venezuelako Hauteskunde Kontseilu Nazionalak emandako datuen arabera. Oposizioak iruzurra salatu du, eta chavismoak emaitzak errespetatzera deitu du. Madurok jarraian... [+]
Venezuelatik itzuli zenetik, Tolosako Zuloaga auzoaren behealdeko parkean ematen ditu arratsaldeak Miren Egigurenek, bizpahiru lagunekin. Hantxe aurkitu dugu ekainaren bukaerako egun batean. Elkarrizketa egiteko lagunaren etxera igo garenean, Hugo Chavezen panpinarekin... [+]
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Angel Prado Padua borrokalari venezuelarra Euskal Herriko hainbat tokitan ibili zen hilaren hasieran, El Maizal komuna sozialistaren berri ematen, Demokrazia Komunalaren Aldeko Nazioarteko Sareak gonbidatuta. Hernanin bildu ginen harekin, bere hitzaldiaren bezperan. El Maizalen... [+]
Asteazkena zuen baraualdiaren 36. eguna, baina azaldu duenez, erietxean artatu behar izan dute. Gose greba eten arren, bere nortasun juridikoa lortzeko borrokan jarraituko duela dio.
Martxoaren 29an abiatu zuen gose greba Asier Guridi Zaloña errefuxiatu politikoak Caracaseko (Venezuela) Espainiako Kontsulatuaren aurrean, nortasun juridikoa eskatzeko. Espainiako Estatuak ez dio nortasuna aitortu eta oinarrizko eskubideetara sarbidea murriztua dauka... [+]
Martxoaren 29an gose greba hasi du Asier Guridi Zaloña errefuxiatu politikoak Venezuelako Espainiako Kontsulatuaren aurrean "nortasun judirikoa" eskatzeko: izan ere, Espainiako Estatuak ukatu egin dio nortasun juridikoa eta ondorioz, oinarrizko eskubideetara... [+]
Venezuelan dagoen Asier Guridi Zaloña euskal iheslari politikoak abenduaren 3an gose greba abiatu duela jakinarazi du. Caracas hiriburuko Espainiako kontsuletxearen aurrean dago, bere eskubideak eta 13 urteko bere semearenak aitortuak izan daitezen eskatzeko. 2005ean... [+]
Nazioarteko 500 bat ordezkari elkartu ditu ekainaren 21etik 24ra Caracasen burutu den kongresuak. Autodeterminazioa eta amnistiaren aldeko ebazpen bana onartu dituzte. Itxiera ekitaldian Venezuelako presidente Nicolas Madurok Euskal Herria herri “ausart eta... [+]