Batzar Orokorrean, erakundearen norabidea gidatzen duten funtsezko gaiak landu eta erabakiko dituzte Soziolinguistika Klusterreko bazkide eta lankideek. Hala, martxoaren 18ko saioan, ohiko gaiak jorratuko dira: 2020an izandako helburuen betetze-maila eta jarduera ekonomikoen balantzea, baita 2021ari begirako asmoak ere. Dena den, aurtengoan, komunikazio planaren lanketarako tartea ere aurreikusi da saioan, Soziolinguistika Klusterraren komunikazio plana berritzeko prozesua abian baita.

COVID-19ak sortutako egoera ezohikoaren ondorioz, berezia izango da aurten ere Batzar Orokorra, izan ere, ezinbestean eta betebehar legalei aurre egin ahal izateko, bide telematikoz burutuko da batzarra. Martxoaren 17ko 8/2020 Errege Lege Dekretuak 40. artikuluan horretarako ematen duen aukera baliatuko da.

Egitaraua

• 12:30-13:00 Batzar Orokorra (lehen deialdia 5 minutu lehenago izango da)

               Gaiak:

1. 2020ko ekitaldiko helburuen betetze-maila.
2. 2020ko ekitaldiko diru sarrera eta gastuen balantzea.
3. 2021eko ekitaldiko proiektuak, helburuak eta aurrekontua.
4. Zuzendaritza Batzordearen osaketa.

• 13:00-14:00 Komunikazio planaren lanketa