EHUko Lan Harremanetako fakultatearekin batera 2023ko urriaren 2an antolatu genuen "Lan mundua eta sindikalismoa ikertzen" mintegia. Azken urteetan egin diren eta oraindik martxan dauden hainbat azterlanen topaketa izan zen. Bost ikerketa ezberdin aurkeztu ziren, denak lan munduari eta sindikalismoari begira. Mintegia zinez aberasgarria izan zen, oso ekarpen anitzak egin ziren. Hala ere, baziren ikerketetan sarri nabarmendu ziren elementu nagusi batzuk: berrikuntza sindikalaren garrantzia sindikalismoaren biziraupenerako, Euskal Herrian nagusi diren sindikatuen ez-ohikotasuna, konfrontazio estrategiak, greben garrantzia, lurralde eraikuntza...