Wikimedia Commons-en biltzen dira Wikipedian erabiltzen diren lizentzia libreko fitxategiak: irudiak, argazkiak, audioak, bideoak… Une honetan 110 milioi fitxategiko bilduma erraldoia osatzen dute. 2006an hasi ziren urteko argazki onenak aukeratzen. 2023koak hautatu berri dituzte bozketa bidez. Hauek dira sarituak:

1. Emakume nekazari bat intsentsu-makilen sortak prestatzen Quang Phu Cau herrian, Hanói kanpoaldean, Vietnamen. 514 boto.

Trantuanviet / CC BY-SA 4.0

2. Ukrainaren aldeko protesta Columbus-en (AEB), 2022ko otsailaren 26an. 251 boto.

Becker1999 / CC BY 2.0

3. Kameleoi bat ehizan Kapıçam Parke Nazionalean (Turkia). 245 boto.

Mkrc85 / CC BY-SA 4.0

4. C/2020 F3 (NEOWISE) kometa behatzen Konská-n (Eslovakia). 237 boto.

Palonitor / CC BY-SA 4.0

5. Musukoa jantzita daraman gizon bat bizikletan Bangkokeko Jauregi Handiko harresien kanpoaldean (Thailandia). 230 boto.

Kriengsak Jirasirirojanakorn / CC BY-SA 4.0

6. 1850 eta 2018 arteko batez besteko tenperatura globalen irudikapena, Reading-eko Unibertsitateko klimaren zientzialari Ed Hawkins-ek sortua, Munduko Meteorologia Elkartearen datuak erabiliz. 228 boto.

Ed Hawkins / CC BY-SA 4.0

7. (Berdinduta) Behe-lainoa Fanal basoan (Madeira, Portugal). 221 boto.

Ximonic / CC BY-SA 4.0

7. (Berdinduta) Aurora boreala abandonatutako estazio meteorologiko baten gainean (Murmansk Oblasta, Errusia). 221 boto.

Ted.ns / CC BY 4.0

8. Lilipak loretan Karpato mendietan (Ukraina). Argazkilari honen bi argazki daude lehen hamarren artean: zortzigarrena eta bederatzigarrena. 210 boto.

Михайло Пецкович / CC BY-SA 4.0

9. Brockenen espektroa Karpato mendietan (Ukraina). 208 boto.

Михайло Пецкович / CC BY-SA 4.0

10. Izotzezko kristalak txarrantxaren gainean (Ipar Renania-Westfalia, Alemania). 207 boto.

Dietmar Rabich / CC BY-SA 4.0

Gehiagoren gogoarekin geratuz gero, ikusgai daude 2023ko 50 finalistak edo aurreko edizioetako irabazleak.