2025eko urtarrilean zehar herritarrek Behatokira bidalitako hizkuntza eskubideen urraketen lagin bat, lorpenak eta zoriontzeak jaso ditugu ondorengo zerrendan. Zuk ere intzidentzia bat bidali nahi badiguzu, erabili Euskararen Telefonoa.
URRAKETAK
» Gizarte Segurantzari lotua den www.monespacesante.fr webgunea osoki frantsesez da (igorritako mezuak ere).
» Just Eat aplikazioa ezin da euskaraz erabili.
» Nafarroako osasun zerbitzuetako bularreko minbizia detektatzeko programaren arreta zenbakian ez dagoela euskaraz artatzeko gaitasuna duen inor erantzun diote herritar bati.
» Zarauzko notaritza batean euskaraz ez dutela lanik egiten erantzun diote herritar bati.
» Gasteizen Osakidetzako langile batek beste bati euskaraz egitea errespetu falta dela esan eta iraindu egin du.
» Nafarroako Gobernuaren “Hirigintza informazio sistema” ez dago euskaraz.
» EAEko Decathlon dendetako paisaia linguistikoan ia ez dagoela euskararen presentziarik salatu dute. Jarritako kexari “no atendemos consultas en vasco” erantzun diote.
» Nafarroako Hezkuntzako erregistro zerbitzu nagusian herritarrei une horretan ez dagoela euskaraz artatzeko inor esaten jarraitzen dute.
» Tolosako INSIDE merkataritza kateko erakusleihoan, karteldegia gaztelania hutsean jarri dute.
» Goazen! ikuskizunerako sarreren leihatilan ez duela euskara erabiltzeko aukerarik izan salatu du herritar batek.
» Irunen Lanbidek eskaintzen dituen ikastaroen kartelak gaztelaniaz zabaldu dira.
» OSATEKek formakuntza saio bat gaztelania hutsean eskaini du.
» Lanbidetik gaztelaniaz egin diote deia herritar bati.
» Epaitegiko zitazioa ezin izan du euskaraz jaso Sakanako herritar batek.
» Nafarroako museoan Irulegiko eskuaren azalpen guztiak gaztelaniaz eman dituzte gidak euskaraz jakin arren, eta leihatilan ere ezin izan dutela euskara erabili aipatu dute hainbat herritarrek.
» Gasteizko Udalak hiriko teilatuen eguzki mapa ez du euskaraz argitaratu (gaztelaniaz, ingelesez eta katalanez argitaratu zuen).
» Nafarroako Funtzio Publikotik gaztelaniaz helarazi dute euskaraz erregistratutako idatzi baten erantzuna.
» Bihar formakuntza institutuko formakuntza guztiak frantsesez dira, webgunea ere ez dago euskaraz kontsultatzerik.
» EITBko webgune eta sare sozialen zuzendari berriak ez duela euskararen beharrezko ezagutzarik salatu dute.
» Eusko Jaurlaritzaren inkesta bat erantzuteko Ikertalde enpresaren telefonoan “háblame en castellano” erantzun diote herritar bati.
» Osakidetzaren San Eloy ospitaleko kirurgia zerbitzuan ezin izan dutela euskaraz artatu salatu du herritar batek.
» ETB2n eskainitako Mitoaroa ikuskizuneko azalpen guztiak gaztelania hutsean eman zirela salatu dute.
» Ostalaritzako eta merkataritzako enpresa batzuetan euskaraz egiteagatik jarrera baztertzaileak salatzen jarraitzen dute herritarrek.
ZORIONTZEAK/ESKER ONAK
» XIXTROAK etxaldeen kolektiboari, webguneko informazioa eta arreta euskaraz eskaintzen dituztelako.
» Lufe altzarien enpresari, telefonoz euskaraz artatua izateko aukera bermatzeagatik, baina webgunea gaztelania hutsean dute.
» Nafarroako odol emaileen elkarteari, publizitatea euskaraz ere egiteagatik.
» Aialde Berri sagardotegiari, arreta euskaraz eskaintzeagatik.
» Iruñeko Zortzi fruta-dendari, euskaraz artatzeagatik.
» Garbera merkataritza-guneko Mango dendako kutxako langile bati, euskara modu aktiboan erabiltzeagatik.
» Hobea arrautzak enpresari, produktua erostean euskaraz zoriontzeagatik.
LORPENAK
» Basauriko bake-epaitegiko sarrerako karteletan euskara txertatu dute.
» Bilbao Kirolak-etik bidaltzen diren euskarazko mezuen zuzentasuna bermatzeko neurriak hartu dira.
» Donostia ospitaleko pediatriako ZIUko kartelak zuzendu dira.
» Guggenheim museoaren APPko euskarazko bertsio traketsa zuzendu eta aplikazio osoa berrikusi dute.
» OSATEKek formakuntza saio bat euskaraz eta gaztelaniaz eskaintzeko konpromisoa hartu du.
BEHATOKIA
