URRAKETAK:    

» Baionako polizia etxetik frantses hutsean helarazten dituzte isunen berri emateko gutunak.

» Osakidetzak eta Irungo Udalak antolatutako hitzaldien kartela gaztelania hutsean zabaldu zen.

» Nafarroako Gobernuak gaztelaniaz soilik zabaldu zuen Departamentu ezberdinetan euskarazko profila duten lanpostuak ezarriko dituela iragartzeko berria.

» Bouygues higiezin agentziak frantses hutsean eskaintzen die informazioa bezeroei.

» Nafarroako Gobernuarena den Larra-Belagua eski estazioan jakinarazpen eta informazio guztia gaztelania hutsean ematen dute.

» Mutami elkartasun aseguru etxeak frantses hutsean informatzen ditu bezeroak.

» Izarrako Osakidetzako lehen arretako medikuak ez daki euskaraz eta, beraz, kontsultak gaztelaniaz pasatu behar dira.          

» Irungo Udalak antolatutako Eguberrietako argiak pizteko ekitaldian euskarak izan zuen presentzia ia deuseza salatu dute hainbat herritarrek.

» Euskararen Hirigune Elkargoko uraren faktura frantsesez heldu zaiola salatu du herritar batek Baionan.         

» GUUK telekomunikazio enpresako kobruen atalean ez dute euskaraz artatzen eta gaztelaniaz egiteko eskatu diote bezeroari.              

» Baionako Bonnat-Helleu museoak Bayonne Mag aldizkariarekin batera banaturiko gehigarria ia osoki frantsesez idatzia da.

» Bilboko Udalaren informatika zerbitzuetan ezin izan dute langilea euskaraz artatu. 

» Usansoloko ospitalean medikuak euskaraz artatzea nahi zuela eskatzeagatik ordu bete gehiago itxaron behar izan du herritarrak.    

» Eroskiren iragarkia gaztelania hutsean heldu da Azpeitiko etxeetara. 

» Azpeitiko Clarel katearen dendan kartel guztiak gaztelaniaz daude.

» Bezero batek Bilboko Perro Chico tabernan euskaraz eskatzeagatik ez zutela artatu eta erantzun kaskarrak izan zituela salatu du.

» Donostiako SADE zinemen webgunea oraindik ez dute euskaratu. 

» TVEk elkarrizketan euskaraz egin ahal izatea ukatu zion haur bati Artaxoako Laia lasterketan.

» Osakidetzan bi urteko haurrari ezin izan diote audiometria froga egin grabazioak gaztelania hutsean dituztelako.

» Movistar Plusek euskaraz dauden haurrentzako filmak gaztelaniazko bertsioetan soilik eskaintzen ditu bere plataforman.

» Aiegiko Udalak Gabonetako argietatik «zorionak» hitza kendu du.

» Kutxabankek gaztelania hutsean erantzun zion bezero batek euskaraz egindako erreklamazioari.

ZORIONTZEAK/ESKER ONAK:

» Ordiziako GOXO gozotegiari, euskaraz artatzeagatik eta kartelak euskaraz izateagatik.

» Erromoko Casal Liburudendari, langile guztiak euskaldunak direlako, euskararen aldeko jarrera aktiboa dutelako eta euskarazko materialen aurkezpenak egiten dituztelako.

» Zornotzako Xiberu tabernari, eskaintza guztia euskaraz izateagatik eta euskarazko prentsa (Berria) eskaintzeagatik.

» Real English Getxoko akademiari, euskarazko mezu luze eta txukuna bidaltzeagatik urte amaierako jaiaren berri emateko.

» Iruñeko Kaiku-ren lantegiari, bisita euskaraz egiteko aukera izateagatik.

» Donostiako Nazioarteko Kroseko esatariari, denbora guztian euskaraz aritu zelako.

LORPENAK:

» Heletako Agour Gasnen produktuetako etiketetan euskara txertatzeko neurriak hartu dituzte.

» Portugaleteko udaltzainen kotxea euskaraz ere errotulatu dute.

» McDonalds enpresak hurrengo hilabeteetan webgune eta APPan euskara txertatuko duela erantzun digu.

» Iruñeko Udalarekin euskaraz komunikatu nahi duela adierazi duten herritarrek egoitza elektronikoko jakinarazpena euskaraz jaso dezaten aldaketa teknikoak egiten ari direla erantzun digute.

» Gasteizko Udalak X sare sozialean euskaraz modu zuzenean idazteko neurriak hartu ditu. 

BEHATOKIA