Goienerren laguntzarekin sortu den "Biderra Mendi" elkarteak, Mendigorriako herritarrak, beste elkarte batzuk, enpresa txiki zein ertainak eta administrazio publikoak batuko ditu beregan, eta helburu bat jarri dio bere buruari: energia berriztagarria eta onurak lortzea (izan ingurumenekoak, ekonomikoak, edo gizarte mailakoak) komunitateko bazkideentzat.

Energia komunitatea osatzeko prozesu honetan guztian, taldeen bidelaguntzan aritzen den Aise kooperatiba izan dugu aldamenean.

Mendigorriako energia komunitatera batu nahi duenak, bazkide egin behar du eta biderramendigorria@gmail.com helbidera idatzi.