2023-06-18 00:07
Ikasturte bukaera eroa! - ikasturte amaierak beti dira frenetikoak: azterketak, emaitzak, zuzenketak, txostenak, ikasturte amaierako jaiak, gurasoekin bilerak, irakasleen bilerak, klaustroak... Batzuk, baita selektibitatea ere. Aurten, euskal eskola publikoan are gehiago!! Edo, beti dira horrela? Datorkigun egoeraren aurrean, daukagun egoeraren aurrean, mehatxu berrien aurrean, lege berrien aurrean, beti behar dugu burua eguneroko zurrunbilotik atera eta "eh, Aizue! ezin dela! Ez gaudela ados!" esan.
Ba hori. Ikasturte amaiera da. Ekainaren 9an mobilizazioak egin genituen, Hezkuntza Legearen proposamenaren aurka gaudela adierazteko. Eta ez bakarrik leku batean, hiriburu batean, baizik eta hirutan. Antolaketa-lan itzela. Eta, gainera, beste zailtasun batzuk ere gehitu behar izan genizkion!
Baina, gainera, horretan guztian parte hartzen duten pertsona asko Eusko Legebiltzarrera ere izan dira euskal hezkuntzan eta, zehazkiago, Euskal Eskola Publikoan gertatzen denaren esperientzia eta iritzia aurkeztera. Hori ere prestatu egin behar da. Ponentziak izan ziren ordezkari politikoentzat. Baina, berez, gertatzen ari dena baino adierazpen onenak eta adierazgarrienak dira. Herritar guztientzat eskuragarri daudenez, hemendik besteetara ere zabaldu nahi ditugu.
Bestelako agerraldiak: |
Euskal hezkuntza publikoa bultzatzen duen plataforma. Denona eta denontzat. Euskalduna, feminista, laikoa, era demokratikoa - Nahi dugun eskola sare publikoa indartuz eta zabalduz, eta publifikazio prozesuak bideratuz baino ez dugu lortuko. Apustu sendoa egiten dugu herritar guztiontzako hezkuntza inklusiboaren alde, hau da, eskola publikoa guztiontzat izan dadila. Halaber, gure ustez hezkuntza publikoa kohesio sozialaren funtsezko elementua da eta beharrezkoa da lan egitea pertsona guztien inklusioaren aide gizarte honetan.
