Gaur, abuztuak 2, amaitu da Langraiz Okan 73 pertsonari lana ematen dien Tubos Reunidos Premium Threads enpresan deitutako hirugarren greba-astea. Enpresa-batzordea (2 ELA, 2 CCO, 1 UGT) pozik agertu da, ekoizpen-langileen gehiengo zabalak grebarekin bat egin duelako itunak gainditzeko eta erosteko ahalmena bermatuko duen eta lanaldia murriztuko duen enpresa-hitzarmen propioa lortzeko, besteak beste.

Nolanahi ere, negoziazioetan aurrerapenik egin ez denez, batzordeak greba mugagabea deitu du abuztuaren 26tik aurrera, oporren ondoren lantegia berriro irekitzearekin batera.