Langileak 2023ko uztailetik ari dira euren lan baldintzen alde borrokan, mobilizazioekin eta greba egunekin. ARTE patronalak ehungintzako eta oinetakoen merkataritzako marka handien lehen hitzarmen estatalaren negoziazioa sustatu du.

Grebaren jarraipena handia izan da: Natura, Woman Secret, Mayoral, Parfois, Bershka, H & M edo Primark dendetako langileek bat egin dute greba egunarekin. Arabako sektoreko denda asko itxi dira, osorik edo partzialki.

ELAk argi du ARTErekiko negoziazioetan planteatzen ari den ezerk ez dituela lan-baldintzak hobetuko. ARTE patronalaren hitzarmen estatalaren aplikazioarekin, sektoreko langileen lan-baldintzak ez ezik, probintzietako hitzarmenen negoziazioa bera ere jokoan dago, greba egunen eta erakunde sindikalaren bidezko borrokaren ondorioz. Beraz, langileek tinko jarraitzen dute eta mobilizazioekin aurrera jarraituko dute ARTE patronalak Estatuko hitzarmenetik kanpo uzten dituen arte.