Colisee Miñaoko langileek laugarren greba eguna egin dute. ELAk oso positibotzat jo du lanuztea; nahiz eta enpresak xantaia egin eta gutxieneko zerbitzuak gehiegizkoak izan, jarraipena masiboa izan da.

Langileek, ELA sindikatuaren babesarekin, urteko lanaldia nabarmen jaistea eta sail guztietarako soldata hobetzea eskatzen jarraitzen dute. Onartezina da LGStik beherako oinarrizko soldata duten sailak egotea.

ELAk lehen enpresa hitzarmena negoziatzea eskatzen du, Estatuko egoitza eta etxebizitza komunitarioen hitzarmenak dakarren prekarietatearekin amaitzeko. Aurrerapenik ez dagoen bitartean, langileek manifestatzen eta grebara deitzen jarraituko dute helburuak lortu arte.