2024-11-14 14:23
UTE TMB Arraizeko (ELA-LAB-UGT) Enpresa Batzordeak instalazioaren egoera eskasa salatu du. Garbikerren (Bizkaiko Aldundia) eskutik Valoriza-Eco enpresa esleipendunak (UTE TMB) instalazioak hamar urtez hondatzen utzi du, inolako neurririk jarri gabe, egunero langileen osasuna eta bizitza arriskuan jarriz. Bizkaiko hiri hondakinen tratamendurako lantegia da eta gainerako edukiontziak birziklatzen ditu.
Azken asteetan, langile bat artatu behar izan zuten odoleko karbono monoxidoaren maila altuengatik. Ikusirik enpresak ez zituela neurriak hartu nahi izan, Batzordeak lan agintaritzari abisua ematea eta produkzioa geldiaraztea erabaki zuen. Honakoa ez da kasu isolatu bat.
UTE TMB Arraizen jarrerak eta Bizkaiko Aldundiaren kontrol faltak birziklatze falta ia erabatekoa eragin du; triaje kabinetan ia ez dago langilerik, eta makineriaren mantentze faltak lanak normaltasunez egitea eragozten dutelako.
Langile Batzordeak Bizkaiko Foru Aldundiari eta Garbikerri exijitu diete laneko segurtasuna eta osasuna bermatzeko premiazko neurriak har ditzatela, hala nola hiri hondakinen plantaren narriadura lehengoratzeko neurriak.
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
