ELAk deitoratu du konpainia horiek beste behin ere edozein araudiren gainetik egon nahi izatea eta legea indarrean sartzeari aurrea hartu nahi izatea, hainbat modutan.

ELAren ustez, egoera ez da aldatzen, enpresa legetik kanpo alternatibak bilatzen saiatzen bada ere. "Banaketa-enpresetako langileen lana ez da autonomoa, besteren konturako lana baizik, eta enpresa batentzat lan egiten duten gainerako langileen berme eta eskubide berberak izan behar dituzte, bai enpresa horrentzat, bai beste edozeinentzat”.

Sindikatuak "oso larritzat eta errespetu faltatzat" jo du prekaritateak bereziki astindutako langile talde batentzat. "Langile horiek urteak daramatzate presioak eta lan baldintza tamalgarriak jasaten, eta kolpe berri honek eskubideen urraketa horretan gehiago sakontzea dakar", azpimarratu du.

Aurreratu duenez, legedia kasu guztietan betetzen dela zainduko du, eta "rider" en legea eta gainerako lan araudia urratzeari adi egongo dela.

Era berean, banaketa-enpresetako langileen kolektiboa animatzen du beren eskubideak antolatzen eta borrokatzen jarrai dezaten, ez bakarrik besteren konturako langileen egoera aitortuz, baizik eta negoziazio kolektiboaren bidez eta kolektiboa ostalaritzako sektore-hitzarmenetan sartuz.