Butroi Bizirik Trantsizioan kide den David Hendersonek biodibertsitatearen galera eta horrek klima-aldaketan duen eragina jorratzen duen artikulu interesgarri hau idatzi du. Hemen uzten dizuegu testua oso-osorik:

Biodibertsitatearen galera guztioi eragiten digun zerbait da, nahiz eta tamalez  gutxiengo bati bakarrik axola zaion. Bere elkarrizketa batean, Dave Goulson biologo eta ingurumen aktibistak horrela azaltzen du. Hegazkin batek bere hegalean errematxe bat galtzen badu, agian ez du inolako ondoriorik izango, baina errematxeak galtzen jarraitzen badu, hegala eroriko den unea iritsiko da.

Noiz izango da ordu hori? Inork ez daki, baina antzeko egoera da biodibertsitatearen galerarekin. Intsektu txiki bat galtzeak agian ez du eragin larririk izango ekosistema batean, baina zenbat galdu beharko dira ekosistemaren erabateko kolapsoa izan aurretik?

Zientzialariek etengabe esaten digute intsektuen populazioen gainbehera eta horrek eragin larria izango du beste espezie batzuetan, esate baterako, elikadurarako intsektuetan oinarritzen diren hegazti intsektujaleetan eta polinizaziorako intsektuetan oinarritzen diren landareetan. Eta noski, polinizatzailerik gabe jaten dugun janariaren zati handi bat ez litzateke bertan egongo. Behar duguna da biodibertsitate galera hori geldiarazteko ekintzak eta guztiok dugu zeresana, baina batez ere zerbait egiteko moduan dauden agintariak. Europak EBko herrialde guztiek jarraitu behar duten Biodibertsitate Estrategia du, baina denak parte hartzen saiatu behar gara. Irlanda ikastetxeak, udal agintariak eta norbanakoak inplikatzea helburu duen Biodibertsitateko Ekintza Plan Nazionala duen herrialde baten adibide ona da. Gure biodibertsitatea babestu nahi badugu, lehenik eta behin horren berri izan behar dugu eta BBTk oso aktiboa izan da ahalik eta guztia egiten jendeari gure tokiko biodibertsitateari buruz informatzeko eta hura babesteko zer egin dezakegun. Kutsadura, habitat-galera, pestiziden erabilera eta orain klima-aldaketa dira biodibertsitatearen gainbeheraren faktoreak. Hiri, eskola, elkarte, enpresa, etab. bakoitzak bere Klima Aldaketaren Ekintza Plana eta Biodibertsitatearen Ekintza Plana izan behar ditu. Ezin dugu hau utzi beranduegi izan arte. Orain jarduteko garaia da eta egiten ez badugu ondorioak ordainduko ditugu.

Eta inspirazio bila bazabiltza hona hemen irakur ditzakezun bi liburu. “Botánica Cercana”-n José Ramón Gómezek desagerrarazi nahian hainbeste diru eta ahalegin gastatzen dugun hiri-loreen garrantziaren berri ematen digu. Eta, azkenik, Dave Goulsonen liburu askotariko bat gaztelaniara itzuli da orain- Liburuaren izenburua «Una historia con aguijón» da eta espero dugu laster bere azken liburuaren «Silent Earth» bertsio itzulia izatea. aurre egiten ditugun arazoei buruz hitz egiten ez ezik, itxaropen mezu bat jasotzen du.