Nazismoa, Ekologismoa eta Biztanleriaren Murrizketa.
BRITAINIA HANDIKO ERREGE FAMILIA
 

1. Neonaziengan inspiratutako korporatibismo postmodernoaren garapena kontrolatu duten elite korporatiboak aipatzen ditugunean (postmofeminismoa, katastrofismo klimatikoa, gutxiengo sexualen edo nazionalen manipulazioa edo migrazio-mugimenduak barne), Europako errege-etxeek funtsezko eginkizuna izan dute inbertitzaile handiekin batera.
2. Errege-etxe horiek faxismoarekiko eta nazismoarekiko duten begikotasuna oso ezaguna da. Sinpatia horiek Bigarren Mundu Gerra piztu zenean berpiztu ziren, azkenean irabazle suertatuko zen alderdiarekin harreman onak izateko helburu argiarekin. Erresuma Batuko errege-familia, bere botere ekonomiko, sozial eta politikoan oinarrituta, ibilbide horren erreferente argia da.
3. Eduardo VIII.a erregearen eta haren emaztearen  nazismoarekiko sinpatia deigarria oso ezaguna da[1]. Sarritan, nazismoak komunismoaren aurkako borrokan duen paperak azaltzen ditu jarrera hauek[2].

Eduardok, halaber, erakunde ekologistekiko erretetxeen babesari  hasiera eman zion, 1928tik 1937ra Fauna eta Flora babestuz[3] [4].

1. Erresuma Batuko errege-familiaren nazien aldeko jarreraren erakusgarri osagarri gisa, 2015. urtera arte zabaldu ez zen bideo batean ikus dezakegu Isabel erregina izango zena, 7 urte zituela, nazien agurra egiten amarekin eta osabarekin batera, 1933an. Argi eta garbi, Europako eta, bereziki, Erresuma Batuko errege-etxeen  naziekiko sinpatien testuinguru ezagun baten adierazgarri diren bi keinu dira[5].
2. Halaber, Edinburgoko Felipe erregearen ibilbidea, interesgarria izan da 2021ean hil zen arte.
3. Beste agiri batean azaldu dugun bezala, Felipe 1961ean WWF erakundearen sortzaileetako bat izan zen, Bernardo Holandakoa eta Julian Huxley eugenistarekin batera[6]. 1971n, 1001 Klubeko sortzaileetako bat izan zen, Bernardo Holandakoarekin batera. Klub hau ezinbestekoa izan zen nobleziako eta goi-finantzetako liderrak mugiarazteko, ordutik aurrera munduan mugimendu ekologista sustatzeko oinarrizkoak izan diren eta diren funtsak biltzeko. Felipe WWFko presidente izan zen 1981 eta 1996 artean, eta WWF Internationaleko presidente emeritua izan zen hil arte[7]. Hori guztia, Europako errege-familien ohiko ildotik gauzatu zen, kontserbazionismo erradikala eta espezie babestuak (hartz, orein edo tigreak) ehizatzeko zaletasun itsutua uztartuz.
4. Baina Edinburgoko Feliperen profilaren alderdirik esanguratsuena ekologismoaren ikuspegi neonazi eta eugenesikoa zen, Holandako Bernardoren parekoa, biek ere biztanleria murrizteko tresna gisa ulertzen zutelarik ikuspegi hau.
5. Ezaguna da 1988an egindako baieztapena: "birus hilgarri gisa gorpuztu nahi nuke, gainpopulazioaren arazoa konpontzen laguntzeko”[8].   Baieztapen hau baldar samar desenkusatu nahi izan den arren, zalantza gutxi dago bere benetako esanahiari buruz. Ez zen akats bat edo inprobisazio bat izan. Dagoeneko 1987an idatzia zuen, "Ni animalia banintz" liburuaren hitzaurrean”[9].
6. Ikus dezagun, elkarrizketa batean bideoan jasotako beste erantzun bat:

KAZETARIA: “Zure ustez, zein da kontserbazioaren erronkarik handiena?“
EDINBURGOKO FELIPE: “Giza populazioa. Gaur egungo egoeran, ez dago besterik.”

KAZETARIA: "Eta baduzu iritzirik egin behar litzatekeenari buruz?"
EDINBURGOKO FELIPE: (Irribarre eginez): "Ezin duzu asmatu?"

7.  Ikus ditzagun Edinburgoko Felipek 1981ean People aldizkariari egindako adierazpenak:
"Giza populazioaren hazkundea da, seguruenik, bizirik irauteko epe luzeko mehatxurik larriena. Hondamendi handia espero dugu geldiarazten ez badugu, ez bakarrik mundu naturalarentzat, baita giza munduarentzat ere. Zenbat eta jende gehiago egon, orduan eta baliabide gehiago kontsumituko dituzte, kutsadura gehiago sortuko dute, gehiago borrokatuko dira. Ez dugu aukerarik. Bere borondatez kontrolatzen ez bada, nahi gabe kontrolatuko da, gaixotasunak, gosea eta gerra areagotuz."[10]

8. Azkenik, 1990eko martxoaren 30ean New Yorken Nazio Batuen erakundean   emandako “Jendea eta natura” hitzaldiaren zati bat aipatuko dugu. [11]:

“Duela 25 urte baino gehiago hasi nintzen konturatzen ezen, nahiz eta giza espezieak zientzialari eta teknologoekiko duen zorra handia izan, gizateriaren hazkundeak izan duen leherketa bihurtu dela ingurumen naturalaren degradazioaren eragile nagusia eta landare eta animalia espezie basatiak desagertzearen erantzule(...)Dagoeneko, bistan da edozein herrialdetako populazioaren hazkundea ez dela desiragarria (...). Populazioaren tamaina da garrantzitsuena, daukagun espazioaren arabera (...). Gure Lurra, neurri finkoa duen bola bat da (...)Bonba demografikoaren metxa piztu da dagoeneko, eta eztandak etorkizuneko munduan izango dituen ondorioak edozein holokausto nuklearrenak baino  askoz ere suntsitzaileagoak izango dira”.

9. Gaur egungo Karlos erregeak biztanleria murriztera eta kontrolatzera  bideratua  dagoen borroka hori bere gain hartu zuen  pixkanaka, 1992ko Rioko Gailurretik aurrera, eta lan jarraitua egin du norabide  horretan, bai Erresuma Batuan, bai nazioartean, eta eragin aktiboa  izan du legegintza prozesuetan ere, The Prince of Wales Charitable Fund, The Prince's Trust eta The Prince's Foundation fundazioen  sarearen bidez. Eta nola ez, Erresuma Batuko WWFko lehendakaria da 2011tik.

10. Oro har, Errege Familia Britainiarra populazioa murrizteko eta kontrolatzeko estrategia neonazien gotorleku garrantzitsua izan da eta izaten jarraitzen du, estrategia postmoekologisten, katastrofismo klimatikoaren eta familia-plangintzaren bitartez.

Agiri hau EKAI Centerrek landu du GOGOZ egitasmoaren barruan, HURBIL adostasun-metodologiari jarraituz. Eskerrik asko zure interesagatik. Segi gurekin.