KORRONTE POSTMODERNOEN IZAERA SUNTSITZAILEA
1. Korronte postmodernoen izaera suntsitzailea (postmofeminismoa, postmoekologismoa, genero-ideologia edo globalismo antikulturala) erraz ikusten da korronte horiek gizarteetan eta haiek eragindako ekonomietan duten eraginaren bidez. Baina baita bere helburuak gizartea ahuldu eta suntsitzea delako ere.
2. Garrantzitsua da ulertzea izaera suntsitzaile hori ez dela ustekabekoa, korronte horien jatorrian eta helburuetan inplizituki agertzen den ezaugarria baizik, kapitalismo aurreratuaren esparru soziokulturala osatzen baitu izaera horrek, gero eta indar gehiagoz XX. mendeko 70eko hamarkadatik aurrera.
3. Korronte horien helburu suntsitzailea agerian geratzen da Gerra Hotzeko fundazio korporatiboen eta AEBetako gobernu-agentzien dokumentuak arakatuz gero. Dokumentu horietan, behin eta berriz egiaztatzen dira emakumeen emantzipazioa manipulatzeko estrategiek, ingurumenaren defentsa, gutxiengo sexualen babesa eta migrazio-prozesuek biztanleria murrizteko eta kontrol soziala lortzeko dituzten helburu geopolitikoak.
4. Manipulazio-prozesu horiek Europa suntsitzen ari dira. Geldialdi ekonomikoak, gehiegizko zorpetzeak eta hondoratze demografikoak gizartea desegituratzeko testuinguru bat sortzen ari dira, eta gure klase politikoak hamarkadak daramatza horren aurrean pasibotasun edo konplizitate arduragabea azalduz.
5. Itxuraz, izaera suntsitzaile horrek berak –korronte postmodernoen proposamenen zentzugabekeria gehituta – duela hamarkada batzuk, jadanik piztuak behar zituen korronte horiek. Hala ere, badirudi korporazio handiek azkenera arte estrategia horien aldeko apustua egin dutela. Mendebaldeko gizartearen kontrol korporatiboa ia erabatekoa izan da XX. mendeko 90eko hamarkadatik hona. Gobernuko eta oposizioko indar politikoak blokeatuta egon dira, ez baitziren gai gertatzen ari zenaren aurrean gutxieneko objektibotasun batekin posizionatzeko. Europako politikariek prozesu horrekiko izan duten eta egun ere duten arduragabekeria edo konplizitatea ez da ulerterraza.
6. Postmofeminismoaren, postmoekologismoaren edo antikulturalismoaren bidez landutako kontrol eta suntsipen sozialeko prozesuak aurrera doaz. Europa behin betiko suntsituko duten ala ez, azken urteetan prozesu horiek abian jarri eta bizkortasunez bultzatzen dituzten elite korporatiboek prozesu horiek burutzeko behar adina denbora izatean datza. Guzti hori Europako koadro politikoetan egin beharreko aldaketa garaiz egitearen baitan egongo da, izan barne-haustura baten ondorioz edo talka geopolitiko baten ondorioz. Erlojua ez da gelditzen eta denbora amaitzen ari zaigu.
Dokumentu hau EKAI Centerrek landu du GOGOZ proiektuaren barruan, HURBIL adostasun-metodologiari jarraituz. Eskerrik asko zure interesagatik. Segi gurekin.
PDF:
