DESKARBONIZAZIOA ESTRATEGIA MILITAR GISA
 

1.  Azaldu dugu katastrofismo klimatikoa inspirazio neonaziko estrategia korporatiboa dela. Estrategia hau, baliabideak eskuratzeko eta populazioa manipulatu eta kontrolatzeko erabili da [1].
2. Hala ere, argi dago korporatibismo postmodernoaren estrategiak erabat aldatzen ari direla bi mugimenduren agerpenaren ondorioz: Mendebaldeko nazionalismo kontserbadorearen gorakada eta BRICS edo BRICS Plus delakoaren bidez hazten eta garatzen ari diren herrialdeen gorakada.
3. Zehatzago esanda, mendebaldeko eliteen aurkako errusiar erasoaldia Ukrainan lehertu izanak behartu du elite korporatiboa testuinguru berri eta ezusteko baten aurrean birkokatzera. Mundua bitan banatzen ari da, eta oligarkia korporatiboak zuzenean kontrolatzen duen eremua Europa eta Estatu Batuetara murriztuta geratzeko joera nabarmena da, oro har egitura oligarkiko horri aurre egiten ari zaion mundu baten aurrean.
4. Testuinguru honetan, gainerako munduarekiko itxierak, Estatu Batuekiko sumisioak eta Europako eliteak berak hartutako politikek desindustrializaziorako bidean jarri dute gure kontinentea.
5. Europako garapen-eredua geldituta zegoen jada,  produktibitatearen urteko batez besteko hazkundea ehuneko 1etik beherakoa izan delarik azken 15 urteotan. Zero maila horretatik aurrera, gure ekonomiaren funtsezko oinarri bat suntsitzen badugu, errusiar energia merkea eskuratzea alegia, eta gure garapenaren beste zutabe baten aurkako aurrez aurreko eraso bat hasten badugu, hau da, Txinarekiko lankidetza, emaitza agerikoa da. Europa desindustrializazio prozesu azeleratu batean murgildu da.
6. Jakina, ez da kasualitatea, testuinguru honetan, Europa "deskarbonizazio-estrategia" edo "zero emisioen" azelerazio-dinamika batean sartzea. Kontua da, Europaren hondamendi ekonomiko eta industriala ez azaltzea gure eliteen kudeaketa txarraren edo munduaren aurrean dugun isolamenduaren emaitza bezala, planeta salbatzeko modu bat bezala baizik. 
7. Deskarbonizazioa, gaur egun NATOk eta Pentagonoak Europa isolatzeko bultzatutako helburu geopolitiko argia dena, ingurumenaren defentsaren aldeko gure apustuaren ondorioa izango da komunikabide eta korporatibismo postmodernoaren zentzugabekerietan murgilduta dauden eragileentzat.
8. Argi dago, "deskarbonizazio" prozesu zentzugabe hori azkartuz, energia, elikagai, ibilgailu edo garraioaren prezio neurrigabeak, soldata-deflazioa edo gastu sozialen murrizketak otzan-otzan onartzea nahi dutela.
9. Deskarbonizazioa edo "zero emisioen" proposamenak korporazio handien helburu estrategikoak estaltzeko ideia zentzugabeak izan badira beti, proposamen hauek berpiztearen helburua, epe ertainean, Europaren desindustrializazioa eta suntsipen ekonomikoa eta gure biztanleriaren hondoratze sozial eta ekonomikoa estaltzea da.

Agiri hau EKAI Centerrek landu du GOGOZ egitasmoaren barruan, HURBIL adostasun-metodologiari jarraituz. Eskerrik asko zure interesagatik. Segi gurekin.

ADOSTEKE.
BIDALI ZURE IDEIA EDO PROPOSAMENAK.