ALDAKETA KLIMATIKOA ETA KATASTROFISMO KLIMATIKOA
1. Klima-aldaketaren kontzeptuari buruz eztabaidatzerakoan, funtsezkoa da kontuan hartzea eztabaida zientifikoaz ari garen, edo, gure kasuan bezala, zientzia-eremutik kanpoko eztabaida bati buruz.
2. Gaiari buruzko adostasun zientifikoa nabarmen aldatzen da herrialdeen arabera. Proportzio ezberdinean, iritzi zientifiko desberdinak aurkitzen ditugu klima-aldaketarik ba ote dagoenari buruz, aldaketa horren garrantziari buruz, positiboa edo negatiboa ote den , arrazoiak zein diren, zerbait egin behar ote den ala ez, edo, hala badagokio, zer egin daitekeen edo egin behar denari buruz.
Testuinguru honetan, gurea bezalako esparru zientifikotik kanpoko analisi bat blokeatuta gera liteke zientzialarien iritzien aurrean.
3. Hain zuzen ere, zuhurrena klima-aldaketari buruzko errealitate zientifikoa zein den edo zein ez den ez adieraztea da, eztabaida hori gertatzen den testuinguru sozial, politiko eta ekonomikoa aztertzea eta horri buruzko iritzia ematea.
4. Eta horrek XX. mendeko 70eko hamarkadatik, eta bereziki, Erromako Klubaren jardueratik aurrera (Rockefeller taldetik hurbil dauden sektore korporatiboek bultzatuta) korporazio handiek etengabe "katastrofismo klimatikoa"ren inguruan egiten duten erabileran kokatu arazten du eztabaida.
5. Erromako Klubak Europako eztabaida sozioekonomikoaren erdigunean bi hondamendi global kokatzea lortu zuen: petrolioaren agortzea eta ozono-geruzaren zuloa. Aurreikuspen horiek ez betetzea ez zen oztopo izan 90eko hamarkadatik aurrera aurreikuspen katastrofiko berriak etengabe sortzeko. Inondik ere bete ez diren aurreikuspenak dira, eta hondamendi globalaren beste aurreikuspen batzuekin ordezkatuak izan dira.
6. Mendebaldeko korporazio handiek sistematikoki erabili dute klima-katastrofismoa beren interes ekonomikoak eta – gero eta nabarmenago – gizarte-kontroleko helburuak bultzatzeko. Horregatik, "katastrofismo klimatikoan" oinarritutako estrategia eta proposamenen aurrean, eszeptizismoa da jarrerarik arrazionalena eta zuhurrena, gure esparrutik behintzat, egia zientifikoa benetan zein den aurrez epaitu gabe.
Dokumentu hau EKAI Centerrek landu du GOGOZ proiektuaren barruan, HURBIL adostasun-metodologiari jarraituz. Eskerrik asko zure interesagatik. Segi gurekin.
PDF:
