Beste behin ere, manifestazio bat deitu beharrean gaude Araba mehatxatzen duten makroproiektuen aurka gaudela adierazteko. Proiektu berriak sortu ahala, inolako ordenarik eta zentzurik gabe, proiektu horien eragin larria jasaten duten herri, mendi eta lurraldeetan, astakeria zentzugabe horren aurrean herriaren erantzun sendo eta azkarra sortu da.

Azken hilabeteetan makina bat makroproiektu aurkeztu dira Araban, eta azken urteotan aurkeztu diren proiektuekin batera, plastiko, plaka, eoliko eta hormigoizko itsaso bihurtu nahi dute gure lurraldea, “korporazio handiek gure lurraldearen kontura negozioa egiteko aitzakia gisa”. Ez diegu utziko gure lurrak eta lurraldea lapurtzen.

Horrek ez du esan nahi berriztagarrien aurka gaudenik; baina horiek ezartzeko irizpide, plangintza eta aurreikuspen bat egon behar da. Berriztagarriak bai, baina HORRELA EZ!

Biodibertsitatearen suntsiketa geldiezina abiadura hartzen ari da, bai eta laborantza-lurren, baso-lurren eta larreen galera ere. Landa-bizitzaren aldeko apustua egin zuten pertsonak lurraldetik ateratzen ari dira eta landa-garapen iraunkorraren aldeko proiektuak suntsitzen ari dira; azken batean, pertsona horiek beren etxea, herria eta lurra uztera behartuak izan daitezen aldeko apustua dago abian.

Makroproiektu horiei bide librea eman zaie, gizartearen parte-hartzerik eta inplikaziorik gabe, eta zuzenean eragina jasango duten pertsonekiko beharrezko gardentasun, informazio eta errespeturik gabe.

Herriaren aldarri honen aurrean, herritarren mugimendua babestu eta ordezkatzen duten lurraldea defendatu beharrean, Arabako Foru Aldunditik eta Eusko Jaurlaritzatik gobernatzen gaituzten pertsonen jarrera makroenpresa energetikoekin lerrokatzea da, horiei bidea erraztuz eta Arabaren espoliazioa ahalbidetuz. Esparru juridiko bat eta legeria bat sortzen ari dira, landa-inguruneko biztanleekin ingurumen, gizarte eta ekonomia gatazkak sortzen, horrek gizarte osoari eragiten diolarik.

Makroproiektu horiek guztiak berehala gelditzea EXIJITZEN DUGU.

Norabide aldaketa EXIJITZEN DIEGU Eusko Jaurlaritzari eta Arabako Foru Aldundiari, lurraren eta gure lurraldearen defentsan; Araban bizitzen jarraitu nahi dugu.

Horregatik guztiagatik:

Araba eta bere ingurune naturala defendatzeko Deialdi honekin bat egiteko eskatzen dizuegu.

Datorren urriaren 26an ikusiko dugu elkar, Gasteizen, erokeria hau salatzeko.

GURE LURRALDEA DEFENDATUKO DUGU!!!

MAKRO PROIEKTURIK EZ!

ARABA BIZIRIK !