Gabonetako datetara hurbiltzen ari gara, eta, horrekin batera, gure plazak eta kaleak apaintzen. Jende askorentzat hain bereziak diren jaiak ospatzera gonbidatzen duen errituala. Erosketak egitera animatzeko estrategia komertziala ere bai.

Bi gauza horiek, gustatu ala ez, oso finkatuta daude. Beraz, errespetatu egiten ditugu, eta legitimoak iruditzen zaizkigu, betiere moderazioz egiten badira. Ez egun hauetan ikusten dugun axolagabekeriarekin.

Ikus dezakegunez, azken urteotan merkataritza-gune handiak Gabonetako argiak martxan jartzea gero eta azkarrago erabakitzen dute, baita horien neurriak handitzea ere. Merkatari txiki eta ertainak eta udal asko joera horri jarraitzen ari dira.

EGUZKI bezala ulertzen dugu erakundeek ezin dutela apaltasunez jokatu klima-aldaketa geldiarazteko neurriak hartzerakoan. Erakundeek eman behar dituzte eredu eta arau batzuk, eta eragindako kolektiboek ez dituzte beti ondo hartuko, mendebalde industrializatuaren berezko energia-kontsumoaren erritmo handia geldiarazteko. Neurri sendorik hartzen ez bada, ezinezkoa izango da berotegi-efektuko gasen isurketei dagokienez hartutako nazioarteko konpromisoek ezarritako helburuak betetzea, ondorioz, klima-aldaketak hondamendi-izugarria lor ditzake epe laburrean, jada frogatzen hasi garen bezala.

Herriko erakundeek energiarekiko erabilpen arduratsu bat bete behar dute, guretzat eredu bat izan daitezen. Horrela, energia kontsumoa gutxitzea lortuko litzateke, udalarentzako eta ingurumenarentzako onuragarria izanik.

Hori dela eta, Lea Artibaiko Amankomunazgoari eskatzen diogu proposa ditzala bere udaletan Gabonetan kalean pizten diren argiak abenduaren 19tik urtarrilaren 6ra piztea bakarrik, biak barne. Ordutegi honekin: arratsaldeko 6retatik gaueko 12etara. Izan ere, ordutegi honetatik kanpo populazioaren zati oso txiki batek ikus baititzake argiak.

Gabonetako argiak argitze publikoaren ordutegitik aparte funtzionatzea lor daiteke gabonetako argiei tenporizadore batzuk sartuz gero. Modu honetara kontsumoa %50 baino gehiago jaitsiko litzateke, aurreko urteekin konparatuz. Ondorioz, berotegi-efektuko gasen emisioa ere neurri berean murriztea.

Garai kontsumista hauetan, bereziki garrantzitsua da herritarrei gogoraraztea kontsumo kritiko, lokal, arduratsu eta solidarioak duen garrantzia, gero eta agerikoagoa eta ukaezinagoa den gizarte eta ingurumen krisiari aurre egiteko.

Lea Artibaiko EGUZKI Talde Ekologista