2025-01-20 17:36
Euskadiko GGKEen Koordinakundeak Lankidetzan Euskaraz izeneko atala jarri du GGKEen eskura, euskara egunerokoan txertatzeko hainbat baliabiderekin hornituta.
Euskararen erabilera sustatzeko hainbat ekintza egin ditu koordinakundeak azken urteotan: Bai Euskarari Ziurtagiria eskuratu, Euskaraldian eta Korrikan parte hartu, eta GGKE-ei zuzendutako formakuntzak antolatu. Horiez gain, Euskadiko GGKEen Koordinakundean parte hartzen duten pertsonen euskara-maila ezagutzeko inkesta eta nazioarteko lankidetzaren arloko euskarazko terminoen hiztegia sortu dituzte.
Horrez gain, GGKE-en eskura jarri dituzte euskararen erabilera sustatzeko zenbait baliabide eta tresna erabilgarri, tartean, Bai Euskarari Elkarteak eskaintzen dituenak.
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Bai Euskarari Elkartea ekarpen ugari egiten ari da urte hauetako ibilbidean, Bai Euskarari ziurtagiri bat baino askoz gehiago da. Gero eta eragin eta arrakasta handiagoa lortzen ari diren proiektuak, tresnak eta baliabideak lantzen, sortzen eta egokitzen ari gara Euskal Herriko enpresen eta profesionalen eskura jartzeko: Enpresarean (azoka, foroak eta telebista), Lansarean lan-ataria eta aplikazioa, Lanabes – Araban Euskara Lanean, jarraibide egokiak eta abar luze bat. Argi dugu gure ekarpena lagungarria izaten ari dela alor sozioekonomikoaren espazioak euskaraz betetzeko, eta horretan segitu nahi dugu. Euskaraz bizitzea, euskaraz lan egitea, ekitea, sortzea, berritzea, saltzea eta erostea, egunerokotasunean euskaraz normaltasun osoz aritzea posible bada, gure ongizatea handiagoa izango baita. Horra hor gure erronka.
