IV. Lanetik Lekora topaketa egin zen ekainaren 13an, Senperen, Mamia kolektiboak, Seigos-ek eta Albizua ingeniaritzak antolatuta, Bai Euskarari Elkartearen babesarekin.
15 lagun inguru elkartu ziren, Egiazki enpresarean ostatuan, Sanokin. Camille Fourt Arteagak, enpresako jabeetako batek, haien ekoizpen lantegiaren bisita egin zien bertaratutakoei, haien historioa kontatuz. Ondoren, bakoitzak bere burua eta lana aurkeztu zuen.
Topaketaz topaketa, Ipar Euskal Herrian lan arloan ere euskaraz aritu nahi dutenen sarea ehuntzen ari gara, indarrak batu eta praktika onak elkarbanatuz.
Bertaratutako enpresetako ordezkarien bisita txartelak elkarbanatzeko txoko bat ere jarri zen; hurrengo topaketetan ere erabiltzea da asmoa, sarea elikatzen joateko.