Hainbat pertsona izan ziren igande eguerdian Donostian ehizaren aurka manifestatzen, Estatu mailako deialdi bati erantzunez.
Estatu mailako ehizaren aurkako plataforma baten deialdi bati erantzunez, hainbat eragilek Donostian ere manifestazio baterako deialdia egin zuten. Donostialdeko Askekintza talde antiespezistak manifestaldi honen baitan bloke antiespezista bat sortzeko deialdia egin, eta bertan batutako antiespezistek ehiza eragiten duen sistema espezista salatu zuten. Ehizatuak diren animalien bizitzeko eskubidea aldarrikatu zuten. Ehiza injustua dela diote, zaletasun honekin animalien bizitzeko eta ez sufritzeko interesak urratzen direlako.
Manifestazioa Alderdi Ederrean hasi zen eguerdiko 12:00tan, eta Maria Cristinan eman zioten honi amaiera.