EUSKARAZKO HAUR ESKOLAK AUZO GUZTIETAN BEHAR DITUGU

Hiriko kaleak hartuko ditugu Iruñeko Euskalgintza osatzen dugun eragileok, euskaraz bizi nahi dugula aldarrikatzeko. Bertan izango gara, besteak beste, euskaraz bizi, hezi eta lan egin nahi dugun guztiok. Datorren maiatzaren 16an, 18:00etan, Sarasaten egingo dugun manifestazioan parte hartzera dei egiten diegu euskaltzaleei.

Nafarroan euskararen egoera tamalgarria da, jasotzen dituen erasoez gain, euskaraz ikasteko eskubidea ukatzen delako, behin eta berriz. Besteren artean, Iruñean Haur Eskolak euskaraz izateko eskubidea ez da bermatzen. Hori salatzeko manifestazioak, elkarretaratzeak, sinadura bilketak, helegiteak etab. luze bat egin ditugu.

Egoeraren larritasunaren aurrean, jarrera aktiboa eskatzen diegu Iruñeko Udalari eta Nafarroako Gobernuari eta berauek osatzen dituzten alderdiei: Euskarazko haur eskolak nahi ditugu auzo guztietan.

IRUÑEKO EUSKALGINTZA.

Iruñeko Euskalgintza: AEK, IKA, Sortzen, HE Gurasoak, AET, ELA, LAB eta STEILAS.