Hitzaldiaren sinopsia
Non gauden eta nora goazen galdetzen dugunean, erantzunak sortzeko elementu batzuk egiturazkoak dira, eta beste batzuk abaguneari dagozkionak. Euskararen prozesuak bizi dituen egiturako elementu batzuetan arreta jarri ondoren, une honetako abaguneari dagozkion gogoeta batzuk aletuko ditugu. Datorren hamarraldiari begira nola orientatu ditzakegu gure estrategiak hiztun komunitate moduan? Eta nola kokatu hor euskal komunitatearen geruza autoeratuak duen egitekoa? Galdera horien inguruan osatu nahi genuke solas laburra.
