'Euskara Jendea: gure hizkuntzaren historia, gure historiaren hizkuntza', Ibaizabal-Mendebalde eta Zenbat Gara kultura elkarteek ekoitzitako dokumental-sorta da, 40-50 minutuko sei atalek osatua. Egitasmoak Xamarrek 2006an Pamiela etxean argitaratutako izenburu bereko liburua du abiapuntu.
2. atalaren sinopsia:
Erromako Inperioak Europako herri eta kultura guztiak suntsitu edota aldatu zituen.
Euskal Herri osora zabaldu zen baina ez zuen latinizatu (salbu Akitania, Nafarroako Erribera…). Euskarak latinaren eragin handia jasan zuen eta zerbait aldatu zen (hiztegia, egitura zenbait…), bai eta kultura ere (ideia berriak, teknikak…), baina, aurreko aroetan bezala, komunitateak iraun egin zuen, eutsi egin zion identitatea atxikiz.
Inperioan, bestalde, euskararen lehen lekukotasunak ageri ziren, latinezko epigrafian beti ere, gehien-gehienak Akitaniako harrietan eta aldareetan azaldu direlarik.
Elkarrizketak:
Joaquin Gorrotxategi: Euskal Herriko Unibertsitateko Hizkuntzalaritza Indoeuroparreko katedraduna
Mertxe Urteaga: Oiasso Erromatar museoko zuzendaria
Elena Torregarai: Euskal Herriko Unibertsitateko Antzinaroaren Historiako irakaslea
Nodge Nolan: Colchester Roman Society elkarteko kidea
Musika: Ludi Scænici
Lan talde nagusia: Xamar, Mikel Arredondo, Hibai Castro, Adur Larrea, Lutxo Egia, Lon Fernandez eta Maria Uriarte.
