Euskal Herriko zazpi herrialdeetatik handiena da Nafarroa, 10.000 km²-tik gorarekin, eta honela, ia Euskal Herri osoaren lur eremuaren erdia hartzen du, Euskal Herriko erdialdean eta hegoaldean dago. 641.293 biztanle ditu eta Iruñea du hiriburu.

Nafarroako eta Euskal Herri osoko mendirik altuena Hiru Erregeen Mahaia da 2.428 metrorekin. Linza aldeko igoera da errazena. Ez du aparteko zailtasunik igoeraren luzera alde batera utzita.

Herrietako jaiez gain, zenbait jaik izaera berezia dute Nafarroan:

Martxoaren lehenbiziko bi asteburuetan Xabierraldia ospatu eta burutu ohi da.

Apirilaren azken igandean: Nafarroaren Eguna, Baigorrin antolatutakoa Nafarroa Garaia eta Beherearen arteko batasun kulturala aldarrikatzeko.

Uztailaren 7a: San Ferminak, festarik ezagunenak.

Irailaren 29a: Done Mikel Aralarkoaren eguna.

Abenduaren 3a: San Frantzisko Xabierkoaren eguna, Nafarroako jai ofiziala.