Urola Garaian kokatua, Irimo mendiaren magalean. Urola ibaiak banatzen ditu Urretxu eta Zumarraga. Eraikin nabarmenetako batzuk dira: San Martin Tours-koaren eliza (XVI. mendekoa); Corral-Ipeñarrieta jauregia (XVII. mendekoa), gaur egungo udaletxea dena; Areitzaga jauregia (XVII. mendekoa); Ipeñarreta jauregia (XVII. mendekoa), Irimo mendiko magalean kokatua; eta handik metro gutxira, Santa Barbarako ermita (XV. mendekoa). Baselizari itsatsita aterpetxe-taberna bat dago.
Herriko festak (Santa Anastasiak) irailaren 20aren bueltan ospatzen dira. Abenduaren 13an, bestalde, Santa Lutziko feria egiten da Urretxun eta Zumarragan.
Inprimatu