Gipuzkoa erdi-hegoaldean kokatua, Goierri eskualdeko hiriburua da. Gipuzkoako biztanle dentsitaterik handienetarikoa du eta Oria ibaiak zeharkatzen du. Udalerria inguratzen duten mendiak: Murumendi (848 m), Odeta-Goeña (784 m) eta Paola (734 m).
Suteen, gerren eta herriaren beraren aurrerapenaren ondorioz, eraldakuntza handia jasan du. Halere, oraindik ere Erdi Aroko tipologia gordetzen du neurri handi batean, bide-trazadurari eta lurzatiketari dagokienez. Eraikin aipagarrienetako bat Jasokundeko Andre Mariaren eliza da. XIII. edo XIV. mendeetan sortua, egungo eliza XVI. mendekoa da eta dorrea barrokoa.
Inprimatu