Material honek eskaintzen dituen baliabide anitzak gertutik ezagutu nahi badituzu, esku artean izan, eta umeekin nola erabili dezakegun ikusi, zuzeneko tailerrak eskaintzen ditugu. Harremanetarako: solasaldiak@argia.eus

Tailerraren ezaugarriak

  • Saioaren dinamizatzailea: Amaia Egidazu Arrube
    Hizki Piztiren sortzaileetako bat da. Haur literatura zale handia izanik, ume eta familientzako irakurle taldeak bideratzeaz gain, ipuin kontalaria ere bada; ahozkotasuna, beraz, bere lanaren oinarri nagusietako bat da. Gainera, Galtzagorri Elkarteko irakurketa-mintegiko kidea da, eta, honek, asko aberasten du bere lana.
    Urte asko egin ditu umeen inguruan lanean, eskola aktibo batean haur txikien bidelagun gisa, zein tailerrak bideratzen. Honekin lotuta, pedagogia aktiboen inguruko hitzaldiak ere ematen ditu.
    Sormen lanak ere gustuko ditu, hainbat lan idatzi eta ilustratu dituelarik. “Dorotea” izeneko album ilustratuarekin Etxepare saria jaso zuen 2021ean.  
  • Iraupena: 90 minutu (umeekin egindako tailerrak laburragoak izan daitezke).
  • Nori zuzendua:
    Hartzaile desberdinei zuzendutako tailerrak eskaintzen dira, honen arabera, edukiak moldatzen direlarik:

    Helduentzako tailerrak
    Irakasle, hezitzaile zein gurasoei zuzendutako tailer hauetan, Hizki Piztik eskaintzen dituen baliabide guztien azalpena emango da, irakurketa-idazketa prozesua modu atseginez akonpainatzeko baliabideak eskainiz (ahozkotasunarekin lotutakoak, bertako faunaren ezagutzarekin etab). Parte hartzaileek materiala zuzenean manipulatu eta erabiltzeko aukera izango dute, dinamizatzaileak proposatutako jolasen bidez.

    Umeentzako tailerrak
    Tailer hauek irakurketa-idazketa prozesuaren hastapenetan dauden umeei bideratuak daude, 5-7 urte bitarteko umeentzat, oro har. Ume bakoitza bakarra izanik, haur bakoitza puntu desberdin batean egongo da.

    • Eskolan: ikasgela barruan materialarekin jolastuko gara, esku-jolasak eta ipuinak kontatuko ditugu. Irakasleek materiala erabiltzeko modua ikusi ahalko dute.
    • Familiekin: familientzako tailer hauetan, guraso eta umeekin materiala ezagutu eta erabiliko dugu, ipuinak kontatu eta hizkien inguruan tarte atsegin bat pasatu.
      Familiek, umeei irakurketa-idazketa prozesuan etxean laguntzeko baliabideak ikasiko dituzte.
  • Material gehigarria opari:
    Tailerretako parte hartzaileek honako material gehigarri hau jasoko dute opari gisa:
    • kartetako animaliekin lotura daukaten euskarazko album ilustratuen/ipuinen
      zerrenda      , umeari hizki bakoitza aurkezterako orduan, oso lagungarria izan daitekeena.
    • kartetan agertzen diren animalien ezaugarri biologikoen laburpentxo bat, umeei animaliaren izaeraren inguruko berezitasunak kontatu ahal izateko.