Zortzi film gomendio, Zinemaldian ikusitakoen artean
Bound in Heaven
Zuzendaria: Xin Huo
Herrialdea: Txina
Iraupena: 109 minutu
Estreinaldia: Ez dago ezarrita
Heriotzari ihes egin, aurrerantz. Gaixotasun terminala duen gizonak horixe egingo du, maitale, adiskide eta bidelaguna alboan. Film gogorra baina baikorra, irudi eta soinu ederrekoa.
Sakonago, kronika honetan
******************
On Falling
Zuzendaria: Laura Carreira
Herrialdea: Erresuma Batua - Portugal
Iraupena: 104 minutu
Estreinaldia: Ez dago ezarrita
Langile klasearen erretratu bat. Portugaldar gazte bat Eskozian bizi da, almazen ikaragarri handi batean lanean, bakarka, isilean, denboraren aurka. Ken Loachen I, Daniel Blake filmaren tankerakoa.
Sakonago, kronika honetan
******************
.jpg)
Los destellos
Zuzendaria: Pilar Palomero
Herrialdea: Herrialde Katalanak
Iraupena: 101 minutu
Estreinaldia: Urriaren 4an, zinemetan
Bihotz handiegia-ko lehen narrazioan oinarritua. Isabelen senar ohia gaixo dago, hilzorian, eta Madalen alabak eskatuta, lagundu egingo dio. Isiltasunek eta begiradek asko esaten dute. Aktoreen lana, azpimarratzekoa.
Sakonago, kronika honetan
******************
Conclave
Zuzendaria: Edward Berger
Herrialdea: Erresuma Batua - AEB
Iraupena: 118 minutu
Estreinaldia: Abenduan, zinemetan
Ezustean Aita Santua hil da, eta konklabea antolatu beharko du protagonista kardinalak. Vatikanoan elkartuko dira. Lau hautagai, bakoitza punta batekoa, eta sekretu zikin ugari sotanaren pean. Entretenitu eta egin barre.
Sakonago, kronika honetan
******************
.jpg)
En fanfare
Zuzendaria: Emmanuel Courcol
Herrialdea: Frantzia
Iraupena: 103 minutu
Estreinaldia: Azaroaren 27an, zinemetan
Bi anaien arteko erlazioa: bataren errudun sentimendua, bestearen erremina. Gaixotasun batek elkartuko ditu, baita musikak ere. Pelikula gogorra, ondo landua eta kontatua. Ez du alferrik irabazi publikoaren saria.
Sakonago, kronika honetan
******************
Emilia Pérez
Zuzendaria: Jacques Audiard
Herrialdea: Frantzia
Iraupena: 130 minutu
Estreinaldia: Abenduaren 5ean, zinemetan
Droga kartel bateko burua abokatu entzutetsu batekin jarriko da harremanetan, enkargu baterako. Identitatearen inguruan asko hitz egiten duen drama musikala da; musikal gisa ona, eta film moduan are hobea.
Sakonago, kronika honetan
******************
.jpg)
Parthenope
Zuzendaria: Paolo Sorrentino
Herrialdea: Italia - Frantzia
Iraupena: 136 minutu
Estreinaldia: Azaroan
Edertasunaren inguruan mintzo den pelikula, 1950ean kokatua. Inoizko emakumerik ederrena balitz bezala aurkezten den protagonista, Parthenope, hainbat gairekin disertatuta: erlijioa, aberastasuna, pobrezia, giza-jokabidea...
Sakonago, kronika honetan
******************
Casa en llamas
Zuzendaria: Dani de la Orden
Herrialdea: Espainia - Italia
Iraupena: 108 minutu
Estreinaldia: Udan estreinatu zen aretoetan
Komedia dramatikoa. Familia bateko amak udako etxea saltzea erabakitzen du, eta senideak batuko dira etxeko azken hondarrak jasotzera. Familiako aita ere agertuko da, bikotekide berriarekin, etxea saltzearen aurka.
Sakonago, kronika honetan
Eta hori, larunbata zela atzo, eta ez igandea. Kosta zitzaion egunari argitzea, aurreko egunetan baino dezente jende gutxiago zebilen kalean, eta presa gutxi nabari zen. Batzuk laster batean bai, Kursaalera eta Victoria Eugeniara gerturatu zirela, lehen areto horretan ematen... [+]
Patricia López de Arnaiz gasteiztarrak aktore onenaren sari nagusia irabazi du Donostiako 72. Zinemaldian, Pilar Palomerok zuzendu duen 'Los destellos' filmean egindako lanagatik.
Eider Rodriguezen 'Bihotz handiegia' liburuko lehen narrazioan... [+]
Andrés Roca Rey toreroaren egunerokoaren hainbat pintzelkada ematen ditu Tardes de soledad zintak, besteak beste, hotelean eta hoteletik zezen-plazarako bidean eginiko elkarrizketak edo janzte aldiko uneak, eta plazan zezena nola sufriarazten eta hiltzen duen erakusten... [+]
Izaten da, tarteka, dena loturik dagoenaren sentsazioa. Denetarik-edo ikusteko aukera izanen da Zinemaldian, baita Sail Ofizialean ere, marko baten pean betiere. Ikusi ditugu umore ukitudun batzuk, negarra eragiterainoko dramak, suspenseak, dokumental tankerakoak, baita... [+]
Astearte gauean egin zen Euskal Zinemaren Gala, Donostiako Victoria Eugenia antzokian.
