… e percorre o mundo. As vacacións adoitan ser para min un espazo sen pantalla e para gozar de novas experiencias. Este ano viaxei ao estranxeiro en busca de novas experiencias e tiven que abandonar a idea de vacacións sen a miña pantalla. A razón, a comodidade que supón a dixitalización e unha complicada viaxe ao estranxeiro, onde tiña que contactar con moitos provedores. Viaxando cunha mochila pequena, o móbil foi a miña única ferramenta e utiliceina para facer traducións, coñecer o valor do diñeiro estranxeiro, controlar os gastos, alugar o coche e a habitación, coller voos, comprar entradas… Entendín que todas as relacións entre provedores e clientes poden estar dixitalizadas mesmo no lugar máis marxinal do mundo, incluso a pequena empresa baseada no turismo pode ter unha parte importante do seu modelo de negocio desenvolvido grazas á dixitalización.

Todo isto está moi ben, e facilítanos a vida de face ás transaccións económicas, pero doume conta de que nalgúns lugares nos que fun tiven pouca relación coas persoas de alí, e creo que para percibir a natureza e cultura dun lugar non basta con consumir o autóctono, senón que o mellor é porme en contacto con quen viven nel. O turismo ten como carácter mover a capacidade de consumo das persoas dun lugar a outro, ligado á idea da experiencia. Desgraciadamente, os seres humanos buscamos esta experiencia de forma masiva e a dixitalización aproveita esta oportunidade dunha maneira máis cómoda e eficaz. Deste xeito, o período vacacional, máis que ter experiencias, convértese en moitas ocasións nun período de consumo. Aquí tamén temos que buscar o equilibrio, ás veces seremos viaxeiros e ás veces turistas, sen ser conscientes do papel que xogamos a miúdo.