Mugimendu feministak kaleak bete ditu indarkeria matxistaren aurka
Koronabirusak eragindako testuingurura egokituta, azaroaren 25eko mobilizazioei eutsi die beste urte batez mugimendu feministak. Pandemia berriaren baitan indarkeria matxistaren pandemia zaharrak bere horretan dirauela ohartarazi dute, eta zerbitzu publikoak aldarrikatu.
Ezohikoa izan da aurten azaroaren 25a, Indarkeria Matxistaren Kontrako Eguneko egitaraua koronabirusak eragindako testuingurura egokitu behar izan baitu mugimendu feministak. Alabaina, moldaketak moldaketa, segurtasun neurriak hartu eta kaleak hartzearen aldeko apustua egin dute beste urte batez. Udalerri zein hiriburu, mobilizazioak egin dira Euskal Herri osoan barrena, eta deialdi jendetsuenak hiriburuetan egin dira, arratsaldez. Goizean, instituzioek ere egin dituzte elkarretaratzeak indarkeria matxista gaitzetsiz.
Tokian toki, lelo ezberdina erabili du mugimendu feministak. Gasteizen, “Indarkeria sistemaren ispilu, ¡vamos a defendernos!” aldarria goiburu gisa hartuta abiatu zen mobilizazioa Iparralde Gizarte Etxetik, arratsaldeko 19:00etan. Nafarroan, mobilizazio nagusi baten ordez, hiriburu eta herrietan elkarretaratzeak egin zituzten 20:00etan, “Pendiendo de un hilo. Gure eskubideak elkarrekin lotu” lelopean. Baionan 18:30ean abiatu zen manifestazioa Errepublika plazatik, “Indarkeria matxistak baditu mila aurpegi. Non aux violences sexistes” aldarri. Bilbon aldiz, “Indarkeria matxistaren aurrean zerbitzu publikoak defendatu” leloarekin abiatu ziren auzoetatik zutabeak 19:00etan, 19:30ean itsasadarraren bi aldeetan elkartzeko. Donostian berriz, 18:30etan Alderdi Ederretik atera zen manifestazioa “Normaltasunak hiltzen gaitu, indarkeria matxistaren aurrean antolatu eta borrokatu” aldarriarekin. Azken mobilizazio horretan Ertzaintzak bi kide identifikatu zituen, manifestazioan zehar Donostiako Neska* Gazteek egindako ekintza batean autobus geltoki baten gainera igotzearren.
Mobilizazioak ez ezik, aurtengo mezuak eta irakurketa ere osasun krisiak ezaugarritutako testuingurura egokitu ditu mugimendu feministak. Oro har, helarazi dute normaltasun berria zaharra bezain bortitza dela emakumeentzat, eta pandemia berriak ezkutatzen duela bere baitan zaharragoa den pandemiarik, indarkeria matxistari erreferentzia eginez. Konfinamendua ekarri dute gogora, eta ohartarazi etxeratze aginduak iraun bitartean emakume asko beren erasotzaileekin giltzaperatuak egon direla. Osasun krisiak gizon eta emakumeen arteko berdintasunera bidean egindako urteetako lanketa kolokan jarri duela ere nabarmendu dute, eta horren arriskuaz ohartarazi. Zentzu horretan, zerbitzu publiko unibertsalak exijitu dituzte. Gasteizen, adibidez, azpimarratu dute “publikoa murriztea eta pribatizatzea indarkeria matxistan inbertitzea” dela, eta Bilbon eta Donostian salatu dute Udalak murrizketak egin dituela indarkeria pairatu duten emakumeak artatzeko zerbitzuetan.
Aldarri eta salaketa guztiekin batera, nola ez, indarkeria matxistak hildako emakumeak gogoan izan dituzte.
Mugimendu Feministak deitutako mobilizazioez gain, Itaia Emakumeon Antolakunde Sozialistak ere egin ditu mobilizazioak, "Bizitza biolentoen aurrean, gaitasun sozialistak antolatu" kanpainaren baitan kokatuz horiek. Iruñean, Lizarran, Bilbon, Gernikan, Lekeition, Donostian, Tolosan, Ordizian, Bergaran, Azpeitian eta Gasteizen egin ditu mozilizazioak.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
Bi akusatuek espetxe zigorra berreikusteko eskatu ostean, Felix Taberna presidenteorde lehenak adierazi du ez dagoela zigorra murrizteko baldintza juridikorik: "Zigorrak dauden bezala mantentzeko adinako larritasuna du delituak". Defentsaren abokatuak salatu du bi... [+]
Lau urteko kartzela zigorra, zazpi urteko inhabilitazioa eta hiru urtez 12 urteko biktimarengandik urruntzeko agindua eman du Gipuzkoako Probintzia Auzitegiak. Neskari 6.000 euro ere ordaindu beharko dizkio erasotzaileak kalte-ordainetan.
Gertatutakoak ez direla kasualitatea azpimarratu dute. Unibertsitateko eremuetan indarkeria matxista gertatzen dela azaldu dute, eta arazoa sistematikoa dela. Protokolo bat eskatu dute erasotuak babesteko. Erasotzaileak inpunitate osoarekin jokatu duela salatu dute.
_2.jpg)
EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".
Adin txikiko neskak 2023an salatu zuen entrenatzaileak hiru aldiz musukatu zuela bere baimenik gabe. Nafarroako Probintzia Auzitegiak Iruñeko epaitegiak ezarritako zigorra baieztatu du. Entrenatzaileak ezingo du harreman zuzenik izan adin txikikoekin inongo lanbidetan eta... [+]
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
Gasteizko Campuseko Filologia Hispanikoko irakasle baten aurkako salaketen berri izan bezain azkar, asanblada irekia egin zuen GUET Gasteizko Unibertsitateko Emakume Taldeak. Aste bakarrean “hamarnaka” salaketa eta testigantza berri jaso dituzte. Irakaslearen... [+]
_2.jpg)
EHUko Errektoretza Taldeak ARGIAra igorritako oharrean zehaztu duenez, Filologia Hispanikoko irakaslearen aurkako salaketen "berri izan zuen unetik abian da protokoloak zehazten duen prozedura". Denuncias Euskal Herria Instagrameko kontuan bost salaketa anonimo... [+]
Atzo eguerdian labanaz eraso zion bere amari Irunen eta Donostiako Ospitalean hil da. Erasotzailea epailearen aurrean deklaratzeko esperoan dago.
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]