Esa histórica marca marcárono Estados Unidos e China, que gastaron en armas 694.000 millóns e 250.000 millóns de dólares, respectivamente. Entre ambos suman máis da metade do orzamento global de Defensa. Chama a atención o caso de Arabia Saudita, que segue en terceira posición con 67.600 millóns de dólares, e que segue sendo o principal importador de armas. Pero non debe sorprendernos, sabendo que lidera a intervención militar en Iemen. Ademais, hai que lembrar que parte destas armas son producidas por empresas vascas e que chegan ao territorio árabe a través do Porto de Bilbao.

O Estado francés ocupa a quinta posición con 63.800 millóns de dólares e o Estado español a décimo sexta, tras gastar 18.200 millóns en 2018, que aumentou o seu orzamento militar como membro da OTAN o ano pasado nun 7%.

Por tanto, non é certo que nas arcas estatais non haxa diñeiro para mellorar as pensións, a sanidade, a educación, a dependencia ou as medidas de protección aos migrantes. Teñen diñeiro para armar até os dentes. O Goberno español, que se di socialista, di que vai facer políticas sociais... Pois, ante ese gasto militar, tería que pensar que facer. E o resto de partidos, os que din que son de esquerdas e progresistas, e tamén os cidadáns, deberían esixirllo.