Así é. O Congreso de España aprobou por unanimidade a proposición de lei do PP para que os animais pasen de ser obxectos a ser tratados como seres vivos e a ter dereitos. Para iso haberá que modificar o Código Civil e a Lei de Hipotecas e Procedementos Civís. Segundo o PP “é paradoxal que o Código Penal diferencie desde 2003 os danos ás cousas dos animais, pero que o Código Civil non recoñeza que os animais son seres vivos sensibles”.
Os sectores animalistas están contentos e a ver si esa “sensibilidade” leva ao Congreso a prohibir, por exemplo, as corridas de touros nas que o sangue se derrama até a morte. A sensibilidade cara aos animais, por outra banda, debería ter reflexo na preocupación por outros seres vivos que conforman a nosa sociedade. Aí están os millóns de parados, decenas de miles de traballadores que non chegan ao salario mínimo de 707 euros, pensionistas e viúvas que cobran pouco máis de 408 euros e que teñen que sobrevivir cun incremento do 0,25% ao ano, decenas de miles de inmigrantes, chabolas e albergues, murallas que non deixan circular libremente á xente, unha vergoñosa desigualdade entre mulleres e homes que se atopan en salarios e outras moitas áreas da sociedade, sen asistencia médica axeitada…
Estas persoas son obxectos ou seres “sensibles”? Si estes tamén son suxeitos con dereitos, necesitan outras políticas gobernamentais para satisfacer as súas necesidades de forma axeitada. De ser obxecto a ser persoa.
Como na Idade Media dominaba Deus, na época moderna vivimos sometidos ao mercado e ás súas ríxidas leis. Os grandes soldos de alto nivel están determinados polo mercado, xa que os premios dos CEO de Iberdrola ou BBVA márcanos os mercados do seu sector, aínda que levan 300... [+]