Os orzamentos están baseados nunha recadación deficiente, o que prexudica aos sectores de traballadores e aos sectores populares. As achegas proveñen fundamentalmente do IRPF e do IVE (37,2% e 39,4% respectivamente). O imposto sobre sociedades apenas achegará o 6,9% da recadación e os impostos especiais o 11%. Das retencións do IRPF recadaranse 5,4 veces máis que dos impostos aos rendementos das empresas.

Estes orzamentos aceptan o déficit imposto desde Madrid e priorizan o pago da débeda pendente. A pesar de que o TAV é antisocial e contra o medio ambiente, tal e como nos explica o grupo Ekopol da UPV/EHU, o proxecto ten un lugar prioritario nos orzamentos. O Goberno Vasco adiantará 350 millóns de euros ao Executivo de Mariano Rajoy para estas obras e non esixiralle a devolución dos outros 1.100 millóns de euros depositados con anterioridade. Para cadrar todo isto, o Goberno Vasco fai recortes sociais (educación, sanidade, axudas sociais...) para que o que máis ten non faga unha reforma fiscal axeitada para dar máis diñeiro.

Os grupos que din ser de esquerdas terán que explicar agora a súa verdadeira personalidade. Vanse a aprobar uns orzamentos feitos a medida do pp? Non parece serio dar un apoio baseado en compromisos e promesas de futuras lexislaturas. Os orzamentos de 2017 son os que se van a votar, e si non hai grandes cambios, os contidos serán os neoliberais.