A asociación sociolaboral Josenea traballa no cultivo de plantas aromáticas e medicinais. A beiras do río Irati, as plantas de Josenea saltan desde as súas terras na paraxe de Bordablanca en Lumbier (Navarra) até os nosos catagros, a maioría en forma de infusións, pero tamén coa forma doutros produtos como condimentos, chocolate, aceites esenciais ou produtos cosméticos.

Elaborados con principios ecolóxicos

A asociación sociolaboral Josenea creouse en 2002. Desde o principio optou pola produción ecolóxica e todas as variedades de plantas, arbustos e árbores das súas terras prodúcense desta maneira. Josenea ten o selo do Consello de Produción Agraria Ecolóxica de Navarra NNPEK.
Sendo o respecto ao medio ambiente un dos alicerces da asociación, as infraestruturas están deseñadas e construídas de maneira especial na zona de Lumbier: utilizan exclusivamente enerxía renovable para o cultivo de plantas (eólica e fotoboltaica). Para quentar os secaderos, por exemplo, aprovéitanse da calor solar durante o día e a biomasa por caldeira durante a noite.

Función social e medioambiental

A
loita contra a exclusión social foi a principal característica do proxecto de Josenea desde a súa creación. Para iso, en colaboración co Servizo Navarro de Emprego e o Instituto Navarro de Benestar Social, a asociación colabora con persoas con dificultades de acceso ao posto de traballo. A idea é ofrecer ferramentas aos colectivos con problemas para atopar emprego, como ponte ou trampolín para os traballadores e traballadoras. Teñen contratados a unha vintena de persoas en proceso de inserción social, e coa axuda e a formación que reciben os técnicos de Josenea, a maioría dos que pasan por alí atopan acceso ao mundo laboral (en 2015 cerca do 90%, segundo a asociación).
“A unión entre o ecolóxico e o social é perfecta, porque o respecto á natureza e ás persoas converxen”, asegura a asociación.