Musika ulertzeko modu bat
BORROKAN ::Zuak
Autoekoizpena, 2014
Borrokan taldearen disko berria eskuratu eta entzun dudanean poztu egin naiz. Oso lan ona delako eta taldeak sasoian jarraitzen duela erakusten duelako. Haien pieza berriak atsegin handiz entzuten ari naiz. Hardcore, post-core, noise, rock eta pop kutsuko aireak eta soinu esperimentalak nahasten jarraitzen dute, beren ohiko bizitasunez eta indarraz.
Disko berria aurreko bi lan luzeen jarraipena da, baina ñabardura berri batzuk sumatu ditugu disko horiekin alderatuta. Ñabardura horiek Borrokanen doinua aberastu dute, eta kolore berri batzuk gehitu dizkiote. Zuak lana zuzenagoa dela esan daiteke, rockeroagoa.
Kantuetan, taldekideek beren sentipenen, emozioen, gogoeten eta kezka existentzialen berri ematen dute: “Ideia biziek, buruko paretekin talka egitean sortzen duten soinuak gorturik, zilborreko negarrari begira tematu ordez, beldurrik ez, geldituko nauenik” (Orain); “Ezerk ez du zentzurik orain. Noiz da gero? Zero” (Noiz da gero?); “Gure loan ebatsi zizkiguten armak. Orain burlaka ditugu ezinaren morroiak. Garai bateko suak, landare” (Landareak eta paretak), “Gorputz, barkaidazu, gorputz; egizu nerekin, ahal duzuna” (Gorputz), “Nahiago dut harriekin hitz egin, altabozei kontra egiten ibili baino” (Ezinaren garraiolariak).
Borrokan taldea Berakoa da (Nafarroa). Mikel Lertxundi (bateria), Joseba Lertxundi (ahotsa), Iñaki Iratzoki (gitarra), Ibai Gogortza (gitarra, saxoak eta ahotsak) eta Iñigo Telletxea (baxua) dira taldekideak. Haiekin batera, Maikel (grabazioa), Xabier Erkizia (nahasketak eta post-produkzioa) eta Marcello Liberato (masterizazioa) aritu dira Zuak lana osatzeko.
1994an sortu zen taldea. Beren lehen grabazioak hainbat bildumatan plazaratu zituzten. Lehenengoetariko bat Museum izan zen (Mer, 1998), Gutariko Bat, Dut edota Señor No taldeekin batera, eta 2002an lehen disko luzea beren kabuz argitaratu zuten (Borrokan). Urte hartan bertan Oztopo guztien gainetik Bonberenea bilduman parte hartu zuten, Anari, Lisabö, Akauzazte eta beste hainbat talderekin batera. Bira bat egin ondoren, urte batzuk egin zituzten hausnarketan eta konposatzen.
Bigarren lan luzea, Hitzez ulertu ezin dena omendu nahiko nuke. Oraintxe!, 2007an kaleratu zuten. Izenburuak berak adierazi dezake taldeak musika ulertzeko duen modua: isiltasunen garrantzia, erritmo aldaketak, zarata, kolpeak, melodiak eta xehetasunak zaintzea. Hori guztia, sentsazio horiek, areagotu egiten dira haien jendaurreko emanaldietan.
2010 ean, Lisabö, Ruper Ordorika, Anari, Mursego, Jupiter Jon, Berri Txarrak eta beste zenbait talderekin batera, Bidehuts zigiluak ekoitzi zuen Mikel Laboaren kantuen bertsioz osaturiko Txinaurriak diskan parte hartu zuten –Inkomunikazio Komunikazio abestiaren bertsioa egin zuten–. Ondoren, beste garai bat lasaitasunerako eta musika lantzeko, eta Zuak lana kaleratu dute aurten, lan ederra benetan.
Borrokan nire talde kutunetako bat dela onartu behar dut. 20 urte dira jotzen hasi zirela, urteotan hiru disko luze besterik ez dituzte plazaratu eta jendaurreko emanaldi asko ere ez dituzte egin, eta disko bat kaleratzen dutenean edo haien saio batera joateko aukera baldin badaukat, pozik jartzen naiz, oso gustura egoten naizelako Borrokanen kantuak entzuten, taldeak sortzen dituen giro berezietan murgildurik.
Gizakunde (Inauteriak)
Noiz: otsailaren 15ean.
Non: Arizkun eta Erratzun. plazan.
------------------------------------------------
Amaitu dira inauteriak, sutan erre ditugu gaiztoak, gaizkiak, sardinak eta panpinak. Baina xomorroak esnatu dira eta badator... [+]
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Soco Lizarraga mediku eta Nafarroako Duintasunez Hiltzeko Eskubidea elkarteko kidearen ustez bizi testamentuak heriotza duin bat eskaini eta familiari gauzak errazten dizkio.
Bilbo Hari Gorria dinamikarekin ekarriko ditu gurera azken 150 urteetako Bilboko efemerideak Etxebarrieta Memoria Elkarteak. Iker Egiraun kideak xehetasunak eskaini dizkigu.
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
"Entseatzen gira arnas gune bat sortzen Donibane Lohizunen, hain turistikoa den herri honetan". 250 kiderekin Donibane Lohizuneko Begiraleak kultur elkarteak 90 urte bete ditu aurten. Lau emaztek sortu zuten talde hauetan eramaile izan zen Madeleine de Jauregiberri... [+]
Karmela espazio autogestionastuan egingo ditu, eta Euskal Herriko zein nazioarteko gonbidatuak egongo dira bertan. "Koiuntura analisi orokorretik abiatu eta Euskal Herriko borroka internazionalistaren gakoetarainoko bidea" egingo dutela adierazi du Askapenak... [+]
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
2025 amaitu baino lehen Gernikako Estatutuan jasotzen diren eskumen guztiak izatea espero du Jaurlaritzak. Oraindik 25 eskumen falta dira. Transferentzia Batzordea aurreko astean biltzekoa zen baina "agenda arazoak" zirela eta atzeratu zuten.
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Martxoaren 8a, Emakumeen Nazioarteko Eguna, munduan zehar milioika emakumeontzat berdintasuna, eskubideak eta justizia eskatzeko borroka eguna da. Hala ere, gerrek, gatazkek eta politika militaristen hazkundeak markatutako testuinguru global batean, inoiz baino premiazkoagoa da... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]