Varios laboratorios crearon o sistema Mind-Mirror para ver a actividade cerebral. Neste sistema conflúen dous tipos de tecnoloxías: técnicas de realidade aumentada e técnicas de electroencefalograma en tempo real (EEG).

O funcionamento do sistema que serve para o estudo ou reeducación de diferentes patoloxías é o seguinte: o usuario coloca na cabeza un casco EEG con electrodos e unha cámara 3D mostra a súa imaxe nun monitor.

A actividade cerebral que reciben os electrodos proxéctase nun cerebro virtual situado no monitor sobre a imaxe do usuario. Desta maneira, o usuario ve un cerebro sobre a súa cara e os cambios de cor que produce a información que lle envían desde o casco.

O funcionamento do sistema en tempo real fai que se aprecien con claridade períodos de tranquilidade, ou que se conecten con diferentes pensamentos.

De momento, os principais obxectivos desta técnica serán as aplicacións médicas, aínda que se espera que se abra o camiño de forma inmediata, por exemplo, na educación para o control das propias emocións.