O Consello acaba de publicar por cuarta vez o Anuario das políticas lingüísticas de 2013. O ano pasado, o suceso que máis se repetiu nas políticas lingüísticas foi a inxerencia por parte dos estados francés e español. O líder da liña político-institucional do Consello, Iñaki Lasa, afirmou que os estados protagonizaron en 2013 a agresión máis evidente desde hai tempo: “Tanto o Estado español como o francés estiveron imposibilitando as medidas que teñen por obxecto a normalización do eúscaro e deixaron de lado as aparencias habituais. Neste sentido, a intervención exterior dos estados foi a máis evidente da historia”.

O Consello enumerou catro intervencións crave. En canto ao Estado español, o primeiro foi a aprobación precipitada da LOMCE; o segundo, a impugnación dos criterios de contratación establecidos polos concellos para acelerar a normalización do eúscaro; o terceiro, a estratexia desenvolvida en Navarra contra o modelo D; e o cuarto, o feito de que o Estado francés haxa adoptado medidas para dificultar o desenvolvemento e crecemento de SEASKA.