Ekainaren 1a
Pasa den otsailaren 18an prentsan ikusi izan dugun argazkia apartekoa zen. Alabaina, Hautetsien Kontseiluak, Garapen Kontseiluak, Baionako Merkataritza Ganbarak, Iparraldeko Auzapezen Biltzarrak eta Batera plataformak Euskal Herriarendako Lurralde Kolektibitatearen proiektua elkarrekin eramateko koordinazio bat osatzen zutela adierazi zuten. Ondoan bazuten instituzionalizazio proiektu hori Marylise Lebranchu ministroari aurkeztu zion delegazioa ere. Hots espektro politiko guzia ordezkatua zen, abertzaleengandik hasiz UMPraino, sozialistak, berdeak eta zentristak barne.
Aurrekaririk gabeko gertakari politikoa da koordinazio hau eta Ipar Euskal Herriko ezagupen borrokaren fase honetan, tresna ezin egokiagoa. Urtetako lanaren uzta bada ere, 2012garren urtean ezagutu dugun azelerazioaren emaitza zuzena da. Urte osoan, lurralde elkargoaren proiektua modu parte hartzailean sakon ikertu eta definitua izan da eta ondorioz usaiazko sektoreak haratago, atxikimenduak zabaldu dira klase politikoan ere. Azaroaren 24an, koordinazioa osatzen duten gainerateko entitateen bidea jarraikiz, Hautetsien Kontseiluak aho batez berretsi zuen Lurralde Elkargoaren galdea. Segida logikoa zen eta hiru hilabeteren buruan naturalki azaleratu da : indarrak uztartu Euskal Herriko boza entzun arazteko Parisi begira.
Euskal Herrirako deus ez bada irabazia, oraindik dena posible da egutegi legislatiboak markatzen duen garai honetan. Alabaina, heldu den apirilean deszentralizazio fase berria finkatuko duen lege bat aurkeztuko du Gobernuak Frantziako Parlamentuan. Instituzio ezagupena ukatzeko urtetan erabili argumentuak bat bestearen ondotik erori zaizkio frantses gobernuari. Landutako proiektua borobildua da, sinplea, demokratikoa eta indartsua. Garai batez aipatzen ziren bestelako antolamendu administratiboek ez dute gainditu gogoeta eta eztabaida fasea. Hots fruitua ondua da. Erori beharko da, erortzekotan da.
Sorturiko koordinazio hori lanean hasiko da Lurralde Elkargoaren egitasmoa jendarteratzeko eta Gobernuak nahiz Parlamentuak proiektua kontutan har dezaten. Iniziatiba eta hitzordu nagusiak finkatuak izan dira jadanik: Hautetsien Kontseiluko mozioa auzapezei izenpetzea galdegina izanen zaie eta ekainaren 1ean herri mobilizazio handia izanen da Baionan. Dudarik gabe azken urteetako mobilizazio garrantzitsuenetarikoa Iparraldeko jendartearentzat.
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Pantxoa Bimboire Haritxelar, Ipar Euskal Herriko Eusko Alderdi Jeltzaleko arduradun berria da azarotik. Ipar Euskal Herriko ekonomia munduko pertsona ezaguna da.
.jpeg)
«Argizko idazkun digitalak debekatu» lelopean, Aturri aldeko Stop Pub kolektiboak bederatzi proposamen plazaratu ditu, Tokiko Publizitatearen Araudia eztabaidan delarik momentu honetan.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Quen podía prever que en 2024 o candidato de EH Bai, Peio Dufau –que ten como substituto a Marie Heguy-Urain–, sería deputado? A campaña e a estratexia contra a extrema dereita funcionaron. Ipar Euskal Herria non enviará a ningún fascista á Asemblea Nacional francesa... [+]
A nivel do Estado francés, igual ou mesmo máis forte, os cidadáns plantaron cara á ultradereita. En Ipar Euskal Herria impúxose un muro aos discursos homófobos e racistas. "Negamos á extrema dereita a bailar", dicían os membros da coalición de esquerdas Fronte Popular... [+]
Bigarrenetik seigarren postura erori da Berdeen alderdia Ipar Euskal Herrian, Europar legebiltzarreko hauteskundeetan. 2019ko hauteskundeen datuekin alderatuta, 10.000 boz galdu dituzte; hots, %17tik %7ra pasa dira.